ਲਿਬਰਟੀ ਨੇ ਦੇਸ਼ ਨੂੰ ਦਿੱਤੀਆਂ ਦੋ ਨਵੀਆਂ ਟੈਕਨੋਲੋਜੀਆਂ ਦੀ ਸੌਗਾਤ

ਲੁਧਿਆਣਾ   (ਸਮਾਜ ਵੀਕਲੀ)   (ਕਰਨੈਲ ਸਿੰਘ ਐੱਮ.ਏ.) ਦੇਸ਼ ਦੇ ਅਗੇਤੇ ਫੁੱਟਵੇਅਰ ਬ੍ਰਾਂਡ ਲਿਬਰਟੀ ਸ਼ੂਜ਼ ਲਿਮਿਟਿਡ ਨੇ ਅੱਜ ਲੁਧਿਆਣਾ ਵਿੱਚ ਆਉਣ ਵਾਲੇ ਤਿਉਹਾਰੀ ਸੀਜ਼ਨ ਨੂੰ ਧਿਆਨ ਵਿੱਚ ਰੱਖਦਿਆਂ ਆਪਣੀ ਵਿਸ਼ਾਲ ਨਵੀਂ ਰੇਂਜ ਲਾਂਚ ਕਰਨ ਦਾ ਐਲਾਨ ਕੀਤਾ। ਇਸ ਮੌਕੇ ‘ਤੇ ਕੰਪਨੀ ਵੱਲੋਂ ਹੋਟਲ ਹਾਯਾਤ ਰੈਜ਼ੀਡੈਂਸੀ, ਪਲਾਟ ਨੰਬਰ 4, ਫਿਰੋਜ਼ਪੁਰ ਰੋਡ, ਲੁਧਿਆਣਾ, ਪੰਜਾਬ ਵਿੱਚ ਡੀਲਰਜ਼ ਮੀਟ ਦਾ ਸਫਲ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਸ਼ਹਿਰ ਭਰ ਦੇ ਡੀਲਰਾਂ ਨੇ ਹਿੱਸਾ ਲਿਆ। ਕਾਰਜਕ੍ਰਮ ਦੌਰਾਨ ਕੰਪਨੀ ਨੇ ਆਪਣੀ ਆਉਣ ਵਾਲੀ ਸਪ੍ਰਿੰਗ–ਸਮਰ 2026 ( ਐਸ ਐਸ 26) ਕਲੇਕਸ਼ਨ ਦਾ ਉਦਘਾਟਨ ਕੀਤਾ, ਜਿਸ ਵਿੱਚ 400 ਤੋਂ ਵੱਧ ਨਵੇਂ ਡਿਜ਼ਾਈਨ ਅਤੇ ਐਕਸੈਸਰੀਜ਼ ਦਿਖਾਏ ਗਏ। ਲਿਬਰਟੀ ਦੇਸ਼ ਦਾ ਇਕੱਲਾ ਦੇਸੀ ਫੁੱਟਵੇਅਰ ਬ੍ਰਾਂਡ ਹੈ, ਜਿਸਦਾ 70 ਸਾਲਾਂ ਦਾ ਵਿਰਾਸਤੀ ਸਫ਼ਰ ਹੈ ਅਤੇ ਜੋ ਪੂਰੀ ਤਰ੍ਹਾਂ ਭਾਰਤ ਵਿੱਚ ਹੀ ਨਿਰਮਾਣ ਕਰਦਾ ਹੈ। ਇਹ ਬ੍ਰਾਂਡ ਭਾਰਤੀ ਗਾਹਕਾਂ ਦੀਆਂ ਲੋੜਾਂ ਅਨੁਸਾਰ ਉਤਪਾਦ ਤਿਆਰ ਕਰਦਾ ਹੈ। ਇਸਦੀ ਵੱਖ-ਵੱਖ ਰੇਂਜ ₹399 ਤੋਂ ₹9999 ਤੱਕ ਉਪਲਬਧ ਹੈ, ਜੋ ਮੱਧਵਰਗ ਤੋਂ ਲੈ ਕੇ ਆਧੁਨਿਕ ਭਾਰਤ ਦੇ ਨਵੇਂ ਗਾਹਕਾਂ ਤੱਕ ਸਾਰਿਆਂ ਦੀਆਂ ਲੋੜਾਂ ਪੂਰੀਆਂ ਕਰਦੀ ਹੈ। ਕੰਪਨੀ ਦੀ ਸ਼ੁਰੂਆਤ 1954 ਵਿੱਚ ਕਰਨਾਲ (ਹਰਿਆਣਾ) ਤੋਂ ਪਾਲ ਬੂਟ ਹਾਊਸ ਵਜੋਂ ਹੋਈ ਸੀ। ਜਿੱਥੇ ਰੋਜ਼ ਕੇਵਲ 4 ਜੋੜੇ ਜੁੱਤੇ ਬਣਾਉਣ ਨਾਲ ਕਾਰੋਬਾਰ ਸ਼ੁਰੂ ਹੋਇਆ ਸੀ, ਅੱਜ ਲਿਬਰਟੀ ਇੱਕ ਵਿਸ਼ਾਲ ਬ੍ਰਾਂਡ ਬਣ ਚੁੱਕਾ ਹੈ, ਜਿਸਦੀ ਸਮਰੱਥਾ ਹਰ ਰੋਜ਼ 50,000 ਤੋਂ ਵੱਧ ਜੋੜੇ ਜੁੱਤੇ ਬਣਾਉਣ ਦੀ ਹੈ।ਕੰਪਨੀ ਦੇ ਡਾਇਰੈਕਟਰ ਸ਼੍ਰੀ ਰੁਚਿਰ ਬੰਸਲ ਨੇ ਮੀਡੀਆ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਏ ਡਬਲੀਊ 25 ਕਲੇਕਸ਼ਨ ਨੂੰ ਮੀਡੀਆ ਅਤੇ ਗਾਹਕਾਂ ਵੱਲੋਂ ਬੇਹੱਦ ਪਿਆਰ ਮਿਲਿਆ। ਉਨ੍ਹਾਂ ਯਾਦ ਦਵਾਇਆ ਕਿ ਅਪ੍ਰੈਲ 2025 ਵਿੱਚ ਹੋਈ ਪ੍ਰੈਸ ਕਾਨਫਰੰਸ ਵਿੱਚ ਕੰਪਨੀ ਨੇ ਦੋ ਨਵੀਆਂ ਟੈਕਨੋਲੋਜੀਆਂ – ਵਾਈਬ੍ਰੇਸ਼ਨ ਸ਼ੂਜ਼ ਅਤੇ ਵਾਰਮ ਸ਼ੂਜ਼ ਲਾਂਚ ਕੀਤੀਆਂ ਸਨ, ਜਿਨ੍ਹਾਂ ਨੂੰ ਗਾਹਕਾਂ ਵੱਲੋਂ ਬੇਮਿਸਾਲ ਪ੍ਰਤੀਕ੍ਰਿਆ ਮਿਲੀ ਹੈ। ਕੰਪਨੀ ਦੇ ਸੀਨੀਅਰ ਪ੍ਰਤਿਨਿਧੀ ਸ਼੍ਰੀ ਕ੍ਰਿਸ਼ਨ ਕੁਮਾਰ (ਲਵਲੀ) ਨੇ ਜਾਣਕਾਰੀ ਦਿੱਤੀ ਕਿ ਐਸ ਐਸ 26 ਕਲੇਕਸ਼ਨ ਵਿੱਚ ਦੋ ਨਵੀਆਂ ਟੈਕਨੋਲੋਜੀਆਂ ਸ਼ਾਮਲ ਕੀਤੀਆਂ ਜਾ ਰਹੀਆਂ ਹਨ । ਜੈਲ ਟੈਕਨੋਲੋਜੀ ਜੁੱਤਿਆਂ ਨੂੰ ਹੋਰ ਵਧੀਆ ਆਰਾਮਦਾਇਕ, ਲਚਕੀਲਾ ਅਤੇ ਟਿਕਾਊ ਬਣਾਉਣ ਲਈ। ਹੈਂਡਸ-ਫ੍ਰੀ ਡਿਜ਼ਾਈਨ: ਇੱਕ ਸਮਾਰਟ ਅਤੇ ਸਟਾਈਲਿਸ਼ ਇਨੋਵੇਸ਼ਨ, ਜਿਸ ਨਾਲ ਜੁੱਤੇ ਪਹਿਨਣਾ ਹੋਰ ਵੀ ਆਸਾਨ ਹੋ ਗਿਆ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਲਿਬਰਟੀ ਹੁਣ ਸਿਰਫ ਫੁੱਟਵੇਅਰ ਤੱਕ ਸੀਮਿਤ ਨਹੀਂ ਹੈ। ਹਾਲ ਹੀ ਵਿੱਚ ਕੰਪਨੀ ਨੇ ਲਿਬਰਟੀ ਲਾਈਫਸਟਾਈਲ ਪਰਫ਼ਿਊਮ ਲਾਂਚ ਕੀਤਾ ਹੈ, ਜਿਸਦੀ ਮੰਗ ਤੇਜ਼ੀ ਨਾਲ ਵੱਧ ਰਹੀ ਹੈ। ਇਸ ਤੋਂ ਇਲਾਵਾ, ਲਿਬਰਟੀ ਫੈਸ਼ਨ ਐਂਡ ਅਸੈਸਰੀਜ ਦੇ ਅਧੀਨ –ਲੇਡੀਜ ਪਰਸ, ਜੈਂਟਸ ਵਾਲਿਟ, ਬੈਲਟ, ਮੋਜ਼ੇ, ਸ਼ੂ ਪਾਲਿਸ਼, ਟ੍ਰੈਵਲਿੰਗ ਬੈਗ ਅਤੇ ਸਕੂਲ ਬੈਗ ਆਦਿ ਵੀ ਉਪਲਬਧ ਹਨ, ਜਿਸ ਨਾਲ ਲਿਬਰਟੀ ਸ਼ੋਰੂਮ ਹੁਣ ਇੱਕ ਕੰਪਲੀਟ ਫੈਮਿਲੀ ਡੈਸਟਿਨੇਸ਼ਨ ਬਣ ਗਏ ਹਨ। ਉਨ੍ਹਾਂ ਇਹ ਵੀ ਕਿਹਾ ਕਿ ਲਿਬਰਟੀ ਦੇ ਮੁੱਖ ਬ੍ਰਾਂਡ –ਹੀਲਰਜ਼, ਲੀਪ 7 ਐਕਸ, ਲੂਸੀ ਐਂਡ ਲਿਊਕ ਅਤੇ ਆਹਾ- ਕੰਪਨੀ ਦੀ ਕੁੱਲ ਵਿਕਰੀ ਵਿੱਚ 70% ਤੋਂ ਵੱਧ ਯੋਗਦਾਨ ਪਾਉਂਦੇ ਹਨ ਅਤੇ ਆਪਣੀ ਗੁਣਵੱਤਾ ਅਤੇ ਕਿਫ਼ਾਇਤੀ ਕੀਮਤਾਂ ਨਾਲ ਹਰ ਗਾਹਕ ਵਰਗ ਨੂੰ ਆਕਰਸ਼ਿਤ ਕਰਦੇ ਹਨ। ਕੰਪਨੀ ਦੇ ਹੈੱਡ ਆਫ ਪਬਲਿਕ ਰਿਲੇਸ਼ਨ ਸ਼੍ਰੀ ਰਾਕੇਸ਼ ਲਾਂਬਾ ਨੇ ਕਿਹਾ – “ਲੁਧਿਆਣਾ ਦੇ ਹਾਲਾਤ ਅਤੇ ਬਾਜ਼ਾਰ ਦੀ ਗਹਿਰਾਈ ਨਾਲ ਅਧਿਐਨ ਕਰਨ ਤੋਂ ਬਾਅਦ ਅਸੀਂ ਇੱਥੇ ਨਵੇਂ ਜੋਸ਼ ਅਤੇ ਨਵੀਂ ਰਣਨੀਤੀ ਨਾਲ ਉਤਰੇ ਹਾਂ। ਸਾਨੂੰ ਪੂਰਾ ਭਰੋਸਾ ਹੈ ਕਿ ਲੁਧਿਆਣਾ ਦੇ ਗਾਹਕ ਲਿਬਰਟੀ ਨੂੰ ਪੂਰਾ ਪਿਆਰ ਅਤੇ ਸਹਿਯੋਗ ਦੇਣਗੇ।” ਕੰਪਨੀ ਦੇ ਏ ਐਸ ਐਮ  ਸ਼੍ਰੀ ਵਿਕਾਸ ਅਰੋੜਾ ਨੇ ਜਾਣਕਾਰੀ ਦਿੱਤੀ ਕਿ ਲਿਬਰਟੀ ਦਾ ਇਸ ਵੇਲੇ ਦੇਸ਼ ਭਰ ਵਿੱਚ 10,000 ਤੋਂ ਵੱਧ ਡੀਲਰਾਂ ਦਾ ਨੈੱਟਵਰਕ ਅਤੇ ਲਗਭਗ 500 ਐਕਸਕਲੂਸਿਵ ਸ਼ੋਰੂਮ ਹਨ। ਕਾਰਜਕ੍ਰਮ ਦੇ ਸਮਾਪਨ ‘ਤੇ ਡਾਇਰੈਕਟਰ ਸ਼੍ਰੀ ਰੁਚਿਰ ਬੰਸਲ ਨੇ ਇਹ ਵਚਨ ਦੁਹਰਾਇਆ ਕਿ ਲਿਬਰਟੀ ਹਮੇਸ਼ਾਂ ਭਾਰਤੀ ਗਾਹਕਾਂ ਨੂੰ ਫੈਸ਼ਨ, ਆਰਾਮ ਅਤੇ ਇਨੋਵੇਸ਼ਨ ਦਾ ਬੇਮਿਸਾਲ ਮਿਲਾਪ ਦਿੰਦਾ ਰਹੇਗਾ।