ਨੌਕਰੀ ਦੀ ਤਲਾਸ਼ – ਨੌਜਵਾਨਾਂ ਦੀ ਜ਼ਿੰਦਗੀ ਦੀ ਕਸ਼ਮਕਸ਼

  (ਸਮਾਜ ਵੀਕਲੀ)   ਅੱਜ ਦਾ ਨੌਜਵਾਨ ਇੱਕ ਸੁਪਨੇ ਵਾਲੀ ਅੱਖ ਲੈ ਕੇ ਜਨਮ ਲੈਂਦਾ ਹੈ। ਉਹ ਚਾਹੁੰਦਾ ਹੈ ਕਿ ਉਹ ਸਿੱਖੇ, ਬਣੇ, ਆਪਣੇ ਪਰਿਵਾਰ ਨੂੰ ਮਾਣ ਦਿਵਾਏ ਅਤੇ ਆਪਣੀ ਸ਼ਿਨਾਖਤ ਬਣਾਵੇ। ਪਰ ਜਿਵੇਂ ਹੀ ਉਹ ਪੜ੍ਹਾਈ ਮੁਕੰਮਲ ਕਰਦਾ ਹੈ, ਉਸ ਦੇ ਸਾਹਮਣੇ ਸਭ ਤੋਂ ਵੱਡਾ ਸਵਾਲ ਆ ਜਾਂਦਾ ਹੈ – “ਹੁਣ ਨੌਕਰੀ ਕਿੱਥੋਂ ਮਿਲੇਗੀ?” ਇਹ ਸਵਾਲ ਨਾ ਸਿਰਫ਼ ਇੱਕ ਨੌਜਵਾਨ ਦੀ ਉਮਰ ਨੂੰ ਰੋਕ ਦਿੰਦਾ ਹੈ, ਸਗੋਂ ਉਸਦੇ ਹੋਂਸਲੇ, ਖੁਸ਼ੀਆਂ ਅਤੇ ਸਬਰ ਨੂੰ ਵੀ ਆਜ਼ਮਾਉਂਦਾ ਹੈ। ਸਰਕਾਰੀ ਨੌਕਰੀਆਂ ਦੀ ਗਿਣਤੀ ਘੱਟ, ਮੁਕਾਬਲਾ ਤੇਜ਼, ਪ੍ਰਾਈਵੇਟ ਨੌਕਰੀਆਂ ਵਿੱਚ ਤਨਖਾਹ ਘੱਟ ਤੇ ਦਬਾਅ ਵੱਧ – ਇਹ ਸਭ ਕੁਝ ਨੌਜਵਾਨ ਨੂੰ ਥਕਾ ਦਿੰਦੇ ਹਨ।ਬੇਰੁਜ਼ਗਾਰੀ ਨਾ ਸਿਰਫ਼ ਆਰਥਿਕ ਸਮੱਸਿਆ ਹੈ, ਇਹ ਇੱਕ ਮਨੋਵੈਗਿਆਨਿਕ ਅਤੇ ਸਮਾਜਿਕ ਦਬਾਅ ਵੀ ਹੈ। ਨੌਜਵਾਨ ਆਪਣੇ ਘਰ ਦੀ ਉਮੀਦ ਹੁੰਦੇ ਹਨ, ਪਰ ਜਦ ਉਹ ਘਰ ਵਿੱਚ ਖ਼ਾਲੀ ਹੱਥ ਲੌਟਦੇ ਹਨ, ਤਾਂ ਇਹ ਉਮੀਦ ਉਲਟਾ ਇੱਕ ਦਬਾਅ ਵਿੱਚ ਬਦਲ ਜਾਂਦੀ ਹੈ। ਕਈ ਵਾਰੀ ਇਹ ਦਬਾਅ ਉਨ੍ਹਾਂ ਨੂੰ ਨਸ਼ਿਆਂ, ਅਪਰਾਧ ਜਾਂ ਡਿੱਪਰੈਸ਼ਨ ਵੱਲ ਧੱਕ ਦਿੰਦਾ ਹੈ। ਇਸ ਸਮੱਸਿਆ ਦਾ ਹੱਲ ਸਿਰਫ਼ ਸਰਕਾਰਾਂ ਦੀ ਜ਼ਿੰਮੇਵਾਰੀ ਨਹੀਂ, ਸਗੋਂ ਸਮਾਜ ਦੀ ਸਾਂਝੀ ਜ਼ਿੰਮੇਵਾਰੀ ਵੀ ਹੈ। ਸਿੱਖਿਆ ਪ੍ਰਣਾਲੀ ਨੂੰ ਰੋਜ਼ਗਾਰ ਉਪਯੋਗੀ ਬਣਾਉਣਾ, ਨਵੇਂ ਉਦਯੋਗ ਖੋਲ੍ਹਣੇ, ਨੌਜਵਾਨਾਂ ਨੂੰ ਹੁਨਰ ਸਿਖਾਉਣੀ ਤਾਲੀਮੀ ਦੇਣੀ – ਇਹ ਹਰੇਕ ਪੱਖੋਂ ਲੋੜ ਹੈ। ਨੌਜਵਾਨਾਂ ਨੂੰ ਵੀ ਚਾਹੀਦਾ ਹੈ ਕਿ ਉਹ ਸਿਰਫ਼ ਨੌਕਰੀ ਦੀ ਉਡੀਕ ਨਾ ਕਰਦੇ ਰਹਿਣ, ਸਗੋਂ ਆਤਮਨਿਰਭਰਤਾ ਵੱਲ ਕਦਮ ਵਧਾਉਣ।ਅੰਤ ਵਿੱਚ, ਨੌਕਰੀ ਸਿਰਫ਼ ਰੋਜ਼ੀ-ਰੋਟੀ ਨਹੀਂ, ਸਗੋਂ ਇਨਸਾਨ ਦੀ ਪਹਿਚਾਣ, ਆਤਮਗੌਰਵ ਅਤੇ ਆਤਮਵਿਸ਼ਵਾਸ ਦੀ ਬੁਨਿਆਦ ਹੁੰਦੀ ਹੈ। ਆਓ, ਇੱਕ ਐਸਾ ਭਵਿੱਖ ਬਣਾਈਏ ਜਿੱਥੇ ਨੌਜਵਾਨ ਨੌਕਰੀ ਦੀ ਤਲਾਸ਼ ‘ਚ ਨਾ ਭਟਕਣ, ਸਗੋਂ ਆਪਣੀ ਮਿਹਨਤ ਰਾਹੀਂ ਰਸਤਾ ਬਣਾਉਣ।