ਸਿੱਖ ਭਾਜਪਾ ਨੇਤਾ ਗਰੇਵਾਲ ਦੇ ਯਤਨਾਂ ਸਦਕਾ ਕੀਤਾ ਵਿਸ਼ੇਸ਼ ਧੰਨਵਾਦ
ਲੁਧਿਆਣਾ (ਸਮਾਜ ਵੀਕਲੀ) (ਕਰਨੈਲ ਸਿੰਘ ਐੱਮ.ਏ.) ਅੱਜ ਸੈਂਟਰਲ ਡਿਗਰੀ ਕਾਲਜ, ਚਿੱਠੀਸਿੰਘਪੁਰਾ ਅਨੰਤ ਨਾਗ ਦਾ ਦੌਰਾ ਕਰਨ ਲਈ ਜਥੇਦਾਰ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਗਿਆਨੀ ਕੁਲਦੀਪ ਸਿੰਘ ਗੜਗੱਜ ਨੇ ਖਾਸ ਹਾਜ਼ਰੀ ਦਿੱਤੀ ਅਤੇ ਇਸ ਇਤਿਹਾਸਕ ਸੰਸਥਾਨ ਨੂੰ ਅਸ਼ੀਰਵਾਦ ਦਿੱਤਾ। ਜਥੇਦਾਰ ਸਾਹਿਬ ਨੇ ਕਿਹਾ ਕਿ ਸੈਂਟਰਲ ਡਿਗਰੀ ਕਾਲਜ ਸਿਰਫ਼ ਇੱਕ ਸਿੱਖਿਆ ਦਾ ਕੇਂਦਰ ਨਹੀਂ ਹੈ, ਬਲਕਿ ਇਹ 2000 ਦੀ ਚਿੱਠੀਸਿੰਘਪੁਰਾ ਦੇ 35 ਸਿੱਖ ਨਿਰਦੋਸ਼ ਸ਼ਹੀਦਾਂ ਨੂੰ ਸਦੀਵੀ ਸ਼ਰਧਾਂਜਲੀ ਹੈ। ਜਥੇਦਾਰ ਸਾਹਿਬ ਨੇ ਖਾਸ ਤੌਰ ’ਤੇ ਨਾਨਕ ਸਿੰਘ ਜੀ ਦਾ ਜ਼ਿਕਰ ਕੀਤਾ, ਜੋ ਉਸ ਦੁਖਦ ਘਟਨਾ ਅਤੇ ਦਿਨ ਦੇ ਜੀਵਤ ਸਾਕਸ਼ੀ ਹਨ ਅਤੇ ਅੱਜ ਵੀ ਆਪਣੀ ਹਿੰਮਤ ਅਤੇ ਸਮਰਪਣ ਨਾਲ ਸਿੱਖਾਂ ਨੂੰ ਪ੍ਰੇਰਿਤ ਕਰ ਰਹੇ ਹਨ। ਉਨ੍ਹਾਂ ਨੇ ਰਾਸ਼ਟਰੀ ਸਿੱਖ ਨੇਤਾ ਸੁਖਮਿੰਦਰਪਾਲ ਸਿੰਘ ਗਰੇਵਾਲ ਭੂਖੜੀ ਕਲਾਂ ਦੇ ਅਣਥੱਕ ਯਤਨਾਂ ਦੀ ਵਿਸ਼ੇਸ਼ ਪ੍ਰਸੰਸਾ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਦੇ ਦੂਰਦਰਸ਼ੀ ਦ੍ਰਿਸ਼ਟੀਕੋਣ, ਅਤੇ ਅਣਥੱਕ ਸਮਰਪਣ ਨੇ ਇਸ ਇਤਿਹਾਸਕ ਉਪਲਬਧੀ ਨੂੰ ਸੰਭਵ ਬਣਾਇਆ। ਜਥੇਦਾਰ ਸਾਹਿਬ ਨੇ ਚਿੱਠੀਸਿੰਘਪੁਰਾ ਸੰਗਤ ਅਤੇ ਸਥਾਨਕ ਨੇਤਾਵਾਂ ਜਿਵੇਂ ਕਿ ਗਿਆਨੀ ਰਜਿੰਦਰ ਸਿੰਘ ਜੀ, ਦੇਵਿੰਦਰ ਸਿੰਘ ਜੀ (ਪ੍ਰਧਾਨ, ਗੁਰਦੁਆਰਾ ਪ੍ਰਬੰਧਕ ਕਮੇਟੀ), ਪੁਪਿੰਦਰ ਸਿੰਘ ਜੀ (ਪ੍ਰਧਾਨ, ਯੂਥ ਕਲੱਬ), ਰਵਿੰਦਰਪਾਲ ਸਿੰਘ ਜੀ (ਸਿੱਖ ਯੂਥ ਵੈਲਫੇਅਰ ਸੁਸਾਇਟੀ, ਅਨੰਤਨਾਗ), ਜਗਿੰਦਰ ਸਿੰਘ ਜੀ (ਮੈਂਬਰ, ਗੁਰਦੁਆਰਾ ਪ੍ਰਬੰਧਕ ਕਮੇਟੀ), ਅਤੇ ਸੀਤਲ ਸਿੰਘ ਦੇ ਸ਼ਾਨਦਾਰ ਯੋਗਦਾਨ ਨੂੰ ਵੀ ਸਾਰਾਹਿਆ ਅਤੇ ਕਿਹਾ ਕਿ ਉਹਨਾਂ ਦੀ ਲਗਨ ਅਤੇ ਸੇਵਾ ਭਾਵਨਾ ਨੇ ਇਸ ਕਾਲਜ ਦੀ ਸਥਾਪਨਾ ਯਕੀਨੀ ਬਣਾਈ। ਇਸ ਸਮੇਂ ਜਥੇਦਾਰ ਸਾਹਿਬ ਨੇ ਸਮੁੱਚੇ ਸਿੱਖ ਸਥਾਨਕ ਭਾਈਚਾਰੇ ਸਮੇਤ ਸੁਖਮਿੰਦਰਪਾਲ ਸਿੰਘ ਗਰੇਵਾਲ ਭਾਜਪਾ ਜੋ ਕਿ ਜੰਮੂ ਕਸ਼ਮੀਰ ਇੰਚਾਰਜ ਵੀ ਹਨ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj
