ਭਾਰਤ ਚੌਥੀ ਵੱਡੀ ਆਰਥਿਕਤਾ ਬਣਨ ‘ਤੇ

(ਸਮਾਜ ਵੀਕਲੀ)

ਅਮੀਰ ਦੇਸ਼,ਗਰੀਬ ਲੋਕ

ਆਰਥਿਕਤਾ ਦੇ ਅਰਥ ਨੇ ਜਿਹੜੇ,
ਸਾਡੇ ਨਹੀਂ ਇਹ, ਪੈ ਰਹੇ ਪੱਲੇ l

ਆਪਣੇ ਮੂੰਹੋ, ਆਪ ਹੀ ਆਪਣੀ,
ਸਰਕਾਰ ਕਰੀ ਜਾਵੇ,ਬੱਲੇ ਬੱਲੇ l

ਅੰਕੜਿਆਂ ਦਾ,ਤਾਂ ਖੇਡ ਹੈ ਸਾਰਾ,
ਜਿਵੇੰ ਚਾਹਵੇ ਕਰੇ ਉੱਪਰ ਥੱਲੇ l

ਅਮੀਰ ਇੱਥੇ ਹੈ,ਅਮੀਰ ਹੋ ਰਿਹਾ,
ਗਰੀਬ ਵਿਚਾਰਾ,ਜਾ ਰਿਹਾ ਥੱਲੇ l

ਉਹ ਹੀ ਕਰਦੇ ਹਨ,ਵੱਧ ਕਮਾਈ,
ਸਰਕਾਰ ਦੇ ਜਿਹੜੇ,ਬਣਦੇ ਦੱਲੇ l

ਅਰਬਾਂ ਦੀਆਂ, ਗੱਲਾਂ ਜੋ ਕਰਦੇ ,
ਸਾਡੇ ਨਾ ਵੇਖਣ,ਖਾਲੀ ਜੋ ਗੱਲੇ l

ਇਹ ਜੀ.ਡੀ.ਪੀ. ਜੇ ਵਧਦੀ ਜਾਵੇ,
ਸਾਡੇ ਕਿਉਂ ਨਾ, ਭਰ ਰਹੇ ਪੱਲੇ l

ਜਸਵੀਰ ਮੋਰੋਂ,ਕਿਸੇ ਨਾ ਸੁਣਨੀ,
ਜੇ ਆਪਾਂ ਕਹਿਣਾ ਹੈ,ਕੱਲੇ-ਕੱਲੇ l

ਜਸਵੀਰ ਸਿੱਖ ਮੋਰੋਂ

ਐਨ.ਆਰ. ਆਈ.ਕਲੋਨੀ, ਬੰਗਾ, ਜਿਲਾ ਸ਼ਹੀਦ ਭਗਤ ਸਿੰਘ ਨਗਰ ,

ਪੰਜਾਬ  ਫੋਨ- 9417262838