ਮੁਹਾਵਰਾ

(ਸਮਾਜ ਵੀਕਲੀ)  ਬਹੁਤ ਪੁਰਾਨੀ ਗੱਲ ਹੈ ਓਦੋ ਅਠਵੀ ਕਲਾਸ ਦਾ ਬੋਰਡ ਦਾ ਪੇਪਰ ਹੁੰਦਾ ਸੀ ਤੇ ਪਿੰਕ ਅਤੇ ਬਲੂ ( ਗੁਲਾਬੀ ਤੇ ਨੀਲਾ ) ਦੋ ਤਰਾਂ ਦਾ ਪੇਪਰ ਅਉਂਦਾ ਸੀ ਜਿਸ ਤਰਾਂ ਅੱਜ ਕੱਲ ਤਿਨ ਕੋਡ A B C ਵਿਚ ਪੇਪਰ ਅਉਂਦਾ  ਹੈ।  ਸਾਡਾ ਇੱਕ ਰਿਸ਼ਤੇਦਾਰ ਸਾਡੇ ਕੋਲ ਰਹਿੰਦਾ ਸੀ।  ਉਸਨੇ ਵੀ ਅਠਵੀ ਦੇ ਪੇਪਰ ਦੇਣੇ ਸਨ।  ਹੁਣ ਓਹ ਖੈਰ ਆਪਣੀ ਭੂਆ ਕੋਲ ਰਹਿੰਦਾ ਸੀ।  ਮੇਰੀ ਮਾਂ ਨੂ ਪੁਰਾਣੇ ਮੁਹਾਵਰੇ ਆਦਿ ਬੋਲਣ ਦੀ ਆਦਤ ਸੀ।  ਹਰ ਗੱਲ ਤੇ ਕੋਈ ਨਾ ਕੋਈ ਮੁਹਾਵਰਾ  ਬੋਲ ਦਿੰਦੀ ਸੀ। ਉਸ ਦਾ ਪੰਜਾਬੀ ਦਾ ਪੇਪਰ ਸੀ ਤੇ ਰਾਤ ਨੂ ਕਿਸੇ ਗੱਲ ਤੇ ਮੇਰੀ ਮਾਂ ਨੇ ਮੁਹਾਵਰਾ ਬੋਲਿਆ , ਸਰਫਾ ਕਰਕੇ ਸੁੱਤੀ ਆਟਾ ਖਾ ਗਈ ਕੁੱਤੀ।  ਜਦੋ ਓਹ ਅਗਲੇ ਦਿਨ ਪੇਪਰ ਦੇਣ ਗਿਆ ਤਾਂ ਓਥੇ ਮੁਹਾਵਰਾ ਪੂਰਾ ਕਰਨਾ ਆਇਆ।  ਸ਼ਬਦ ਲਿਖਿਆ ਸੀ ਸਰਫਾ ਕਰਕੇ ਸੁੱਤੀ ……………………… ਤੇ ਸਾਡੇ ਉਸ ਰਿਸ਼ਤੇਦਾਰ ਨੇ ਉਸਨੁ ਝੱਟ ਪੂਰਾ ਕਰ ਦਿੱਤਾ। ..ਆਟਾ ਖਾ ਗਈ ਕੁੱਤੀ।  ਓਹ ਬਹੁਤ ਖੁਸ਼ ਹੋ ਗਿਆ।  ਘਰੇ ਆ ਕੇ ਕਹਿੰਦਾ ਭੂਆ ਪੇਪਰ ਵਿਚ ਇੱਕ ਨੰਬਰ ਤਾਂ ਤੁਸੀਂ ਦੁਆ ਦਿੱਤਾ।  ਜੇਹੜਾ ਮੁਹਾਵਰਾ ਤੁਸੀਂ ਰਾਤ ਬੋਲਿਆ ਸੀ ਓਹੀ ਪੇਪਰ ਵਿਚ ਆ ਗਿਆ।