ਨਵੀਂ ਦਿੱਲੀ — ਰਾਸ਼ਟਰੀ ਜਾਂਚ ਏਜੰਸੀ (ਐੱਨ.ਆਈ.ਏ.) ਨੇ ਮੁੰਬਈ ਅੱਤਵਾਦੀ ਹਮਲੇ ਦੇ ਸਾਜ਼ਿਸ਼ਕਾਰ ਤਹੱਵੁਰ ਰਾਣਾ ਤੋਂ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ। ਏਜੰਸੀ ਉਸ ਦੇ 18 ਦਿਨਾਂ ਦੇ ਰਿਮਾਂਡ ‘ਤੇ ਹੈ ਅਤੇ ਇਸ ਦੌਰਾਨ ਉਹ ਆਈਐਸਆਈ, ਲਸ਼ਕਰ ਦੀ ਸਾਜ਼ਿਸ਼ ਅਤੇ ਭਾਰਤ ਦੇ ਹੋਰ ਸ਼ਹਿਰਾਂ ਨੂੰ ਨਿਸ਼ਾਨਾ ਬਣਾਉਣ ਬਾਰੇ ਜਵਾਬ ਚਾਹੁੰਦੀ ਹੈ।
ਐਨਆਈਏ ਮੁਤਾਬਕ ਰਾਣਾ ਦਾ ਸਾਹਮਣਾ ਉਸ ਗੁਪਤ ਗਵਾਹ ਨਾਲ ਹੋਵੇਗਾ ਜਿਸ ਨੇ 2006 ਵਿੱਚ ਡੇਵਿਡ ਹੈਡਲੀ ਦਾ ਮੁੰਬਈ ਵਿੱਚ ਸੁਆਗਤ ਕੀਤਾ ਸੀ।ਇਹ ਗਵਾਹ ਰਾਣਾ ਦੇ ਕਾਫ਼ੀ ਕਰੀਬ ਰਿਹਾ ਹੈ ਅਤੇ ਹੁਣ ਉਸ ਖ਼ਿਲਾਫ਼ ਐਨਆਈਏ ਦਾ ਇੱਕ ਅਹਿਮ ਹਥਿਆਰ ਬਣ ਸਕਦਾ ਹੈ। ਸੁਰੱਖਿਆ ਕਾਰਨਾਂ ਕਰਕੇ ਅਦਾਲਤ ਵਿੱਚ ਉਸ ਦੀ ਪਛਾਣ ਛੁਪਾਈ ਗਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਹੈਡਲੀ ਨੇ ਪਾਕਿਸਤਾਨ ‘ਚ ਆਈਐੱਸਆਈ ਅਤੇ ਲਸ਼ਕਰ ਦੇ ਅੱਤਵਾਦੀਆਂ ਨਾਲ ਮਿਲ ਕੇ ਮੁੰਬਈ ਹਮਲੇ ਨੂੰ ਅੰਜਾਮ ਦੇਣ ਦੀ ਸਾਜ਼ਿਸ਼ ਰਚੀ ਸੀ। ਮੁੰਬਈ ਪਹੁੰਚਣ ਤੋਂ ਬਾਅਦ, ਉਸਨੇ ਇੱਕ ਵੀਡੀਓ ਸਰਵੇਖਣ ਕੀਤਾ, ਜਿਸ ਵਿੱਚ ਰਾਣਾ ਦੇ ਕਰੀਬੀ ਸਹਿਯੋਗੀ ਨੇ ਉਸਦੀ ਮਦਦ ਕੀਤੀ। ਐਨਆਈਏ ਦਾ ਦਾਅਵਾ ਹੈ ਕਿ ਰਾਣਾ ਨੇ ਹੈਡਲੀ ਨਾਲ ਮਿਲ ਕੇ ਨਾ ਸਿਰਫ਼ ਮੁੰਬਈ ਬਲਕਿ ਭਾਰਤ ਦੇ ਹੋਰ ਸ਼ਹਿਰਾਂ ਵਿੱਚ ਵੀ ਹਮਲੇ ਦੀ ਸਾਜ਼ਿਸ਼ ਰਚੀ ਸੀ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
