(ਸਮਾਜ ਵੀਕਲੀ)
ਧਰਤੀ ਹੇਠਾਂ ਪਾਣੀ ਹੈ ਨਈਂ ਅੰਬਰਾਂ ਕੋਲ ਹਵਾਵਾਂ
ਯੁੱਗ ਯੁੱਗ ਜੀਓ ਪੁੱਤਰੋ ਮਾਵਾਂ ਕਿਵੇਂ ਦੇਣ ਦੁਆਵਾਂ
ਕਈ -ਕਈ ਵਰ੍ਹੇ ਮੇਲ ਨੀਂ ਹੁੰਦਾ ਸਕੇ ਭੈਣ-ਭਰਾਵਾਂ
ਕਦੇ ਤਾਂ ਬੋਲ ਬਨ੍ਹੇਰੇ ਆ ਕੇ ਤੂੰ ਵੀ ਕਾਲਿਆ ਕਾਂਵਾਂ
ਪੰਜ ਆਬ ਦਾ ਮਾਲਕ ਸੀ ਕਦੇ ਮੇਰਾ ਸੋਹਣਾ ਦੇਸ
ਨੌਜਵਾਨੀ ਡੋਬ ਲਈ ਏ ਨਸ਼ਿਆਂ ਦੇ ਦਰਿਆਵਾਂ
ਹਰ ਫਸਲ ‘ਤੇ ਹੋ ਰਿਹਾ ਹੈ ਜ਼ਹਿਰੀਲਾ ਛੜਕਾਵਾ
ਜੀਵਨ ਜੀਵਨ ਵਾਸਤੇ ਦੱਸ,ਕੀ ਛੱਡਾਂ? ਕੀ ਖਾਵਾਂ
ਪ੍ਰਦੇਸਾ ਵਿੱਚ ਆਪ ਤੋਰ ਕੇ ਆਪਣੇ ਛੈਲ ਛਬੀਲੇ
ਉੱਤੋਂ – ਉੱਤੋਂ ਹੱਸਣ- ਖੇਡਣ ਅੰਦਰੋਂ ਰੋਵਣ ਮਾਵਾਂ
ਪਿਉਂਦ ਚੜ੍ਹੀ ਹੈ ਭੋਜਪੁਰੀ ਦੀ ਮਾਂ ਬੋਲੀ ਦੇ ਸਿਰ
ਟੱਪੇ-ਬੋਲੀਆਂ ਵਿਰਸਾ ਕੀਕਣ ਬੱਚੇ ਨੂੰ ਸਮਝਾਵਾਂ
ਵਿੱਚ ਹਵਾ ਦੇ ਉੱਡਿਆ ਫਿਰੇ ਅੱਜ ਦਾ ਕਾਰੋਬਾਰੀ
ਨਾ ਹੀ ਪੱਕਾ ਘਰ ‘ਮਦਹੋਸ਼’ ਨਾ ਹੀ ਹੈ ਸਿਰਨਾਵਾਂ
ਮਦਨ ਮਦਹੋਸ਼
( 99141 42000)
#40, ਸੇਵਕ ਕਾਲੋਨੀ, ਪਟਿਆਲਾ
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
https://play.google.com/store/apps/details?id=in.yourhost.samajweekly
