(ਸਮਾਜ ਵੀਕਲੀ)
ਇਹ ਨਹੀ ਪਤਾ ਲੱਗਦਾ ਤੇਰਾ ਹੈ ਜਾਂ ਮੇਰਾ ਹੈ
ਕਿਸੇ ਲਈ ਵੀ ਆਵੇ ਹੈ ਤਾਂ ਸੋਨ ਸਵੇਰਾ ਹੈ
ਚਾਨਣ ਖਾਤਰ ਕੀਤਾ ਹੈ ਬੜਾ ਕੁਝ ਅਸੀ
ਪਰ ਸੋਚਾਂ ਸਾਡੀਆਂ ਵਿੱਚ ਹਾਲੇ ਹਨੇਰਾ ਹੈ
ਉਹਦੇ ਉੱਤੇ ਸਭ ਕੁਝ ਆਪਣਾ ਵਾਰ ਦਿੱਤਾ
ਪਤਾ ਉਹਨੂੰ ਨਾ ਲੱਗਾ ਇਹ ਮੇਰਾ ਜ਼ੇਰਾ ਹੈ
ਦੀਦ ਉਹਦੀ ਲਈ ਹਰ ਪਲ ਬੈਠੇ ਹਾਂ
ਪਾਉਣਾ ਪਤਾ ਨਹੀਂ ਕਦੋਂ ਉਸ ਫੇਰਾ ਹੈ
ਬੀਤ ਰਿਹਾ ਜੋਂ ਦੇਖ ਕੇ ਉਸ ਤੋਂ ਹਾਂ ਡਰਦਾ
ਚਿਹਰੇ ਉੱਤੇ ਬੈਠਾ ਅੱਜ ਕੱਲ ਚਿਹਰਾ ਹੈ
ਉਹਨੂੰ ਹਾਲੇ ਇਸ ਰਮਜ਼ ਦੀ ਸਮਝ ਨਹੀਂ
ਪਰ ਲਾ ਬੈਠਾ ਬੱਬੀ ਉਹਦੇ ਦਿਲ ਵਿੱਚ ਡੇਰਾ ਹੈ
ਬਲਬੀਰ ਸਿੰਘ ਬੱਬੀ
7009107300
