ਆਜ਼ਾਦੀ

(ਸਮਾਜ ਵੀਕਲੀ) 

ਲੋਕਾਂ ਭਾਣੇ ਮਿਲ ਗਈ ਆਜ਼ਾਦੀ l
ਮਨ ਆਈਆਂ ਕਰਦੇ ਅਪਰਾਧੀ l

ਹੱਕਾਂ ਲਈ ਅਸੀਂ ਲੜਨਾ ਛੱਡਿਆ
ਜ਼ੁਲਮ ਸਹਿਣ ਦੇ ਹੋ ਗਏ ਆਦੀ l

ਭਾਵੇਂ ਦੇਸ਼ ਮੇਰੇ ਵਿੱਚ,ਅੰਨ ਵਥੇਰਾ,
ਪਰ,ਭੁੱਖੀ ਫਿਰ ਵੀ ਰਹੇ ਆਬਾਦੀ l

ਧਰਮ , ਕਰਮ ਦੇ ਚੱਕਰਾਂ ਵਿੱਚ ,
ਧਨ ਦੀ ਕਰ ਰਹੇ,ਬਹੁ ਬਰਬਾਦੀ l

ਹੈ ਸਿਹਤ ਸਾਡੀ ਨੂੰ,ਲਾ ਰਹੇ ਖੋਰਾ,
ਬਾਜ਼ਾਰੀ ਖਾਣੇ,ਚਾਹੇ ਹੋਣ ਸਵਾਦੀ l

ਜ਼ੁਲਮੀ,ਨਿਆਂ ਦੀ ਕੁਰਸੀ ਤੇ ਬੈਠੇ,
ਦੱਸ,ਕਿੱਥੇ ਜਾਣ, ਫ਼ੇਰ ਫ਼ਰਿਆਦੀ l

ਔਖੇ ਆਪਾਂ ਉਂਝ,ਸਾਰੇ ਹੀ ਹੋ ਗਏ ,
ਛੱਡ ਬਹਿ ਗਏ,ਜੀਵਨਸ਼ੈਲੀ ਸਾਦੀ l

ਜਸਵੀਰ ਮੋਰੋਂ ,ਮਸਨੂਈ ਜਾਪ ਰਹੀ ,
ਇਹ ਜੋ ਜਵਾਨੀ,ਦਿਸ ਰਹੀ ਫੌਲਾਦੀ l