ਜਲੰਧਰ /ਹੁਸ਼ਿਆਰਪੁਰ (ਕੁਲਦੀਪ ਚੁੰਬਰ)-(ਸਮਾਜ ਵੀਕਲੀ)– ਪਰਿਵਾਰਕ ਤੇ ਸਮਾਜ ਸੁਧਾਰਕ ਪੰਜਾਬੀ ਫ਼ਿਲਮ ‘ਜਿੰਦਰਾ’ ਹਾਲ ਹੀ ਵਿੱਚ ਰਿਲੀਜ਼ ਹੋ ਗਈ ਹੈ। ਇਸ ਫ਼ਿਲਮ ਦਾ ਮੁੱਖ ਉਦੇਸ਼ ਮਾਪਿਆਂ ਦੁਆਰਾ ਦਿੱਤੇ ਜਾਣ ਵਾਲੇ ਸੰਸਕਾਰਾਂ ਦਾ ਜ਼ਿਕਰ ਹੈ । ਇਸ ਫਿਲਮ ਦੀ ਕਹਾਣੀ ਨੂੰ ਬਹੁਤ ਹੀ ਤਰੀਕੇ ਨਾਲ ਪੇਸ਼ ਕੀਤਾ ਗਿਆ ਹੈ । ਫ਼ਿਲਮ ਚ ਹੀਰੋ ਕਿਰਨਦੀਪ ਸਿੰਘ ਰਿਆਤ ਤੇ ਹੀਰੋਇਨ ਬੱਬਲ ਕੌਰ ਹੈ । ਇਸ ਤੋਂ ਇਲਾਵਾ ਕੁਲਵਿੰਦਰ ਰੰਧਾਵਾ , ਹਰਮੀਤ ਜੱਸੀ, ਗੁਰਵਿੰਦਰ ਸਰਾਂ ਨੇ ਵੀ ਆਪਣੀ ਕਲਾ ਦੇ ਜੌਹਰ ਦਿਖਾਏ ਹਨ । ਇਹ ਫਿਲਮ ਦੇ ਡਾਇਰੈਕਟਰ ਭੁਪਿੰਦਰ ਸਿੰਘ ਭੰਮਰਾ ਹਨ । ਇਸ ਫ਼ਿਲਮ ਵਿੱਚ ਗੋਲਡਨ ਸਟਾਰ ਗਾਇਕ ਸਰਬਜੀਤ ਫੁੱਲ ਨੇ ਟਾਈਟਲ ਗੀਤ ‘ਜਿੰਦਰਾ’ ਤੋਂ ਇਲਾਵਾ ਦੋ ਗੀਤ ਹੋਰ ਬਾਖ਼ੂਬੀ ਗਾਏ ਹਨ। ਇਸ ਫਿਲਮ ਦਾ ਸੰਗੀਤ ਗੁਰਪ੍ਰੀਤ ਬੀ ਐਮ ਬੀ ਵੱਲੋਂ ਦਿੱਤਾ ਗਿਆ ਹੈ ।
ਇਸ ਦੇ ਪ੍ਰੋਡਿਊਸਰ ਜਸਬੀਰ ਕੌਰ ਭਮਰਾ ਜੀ ਹਨ । ਇਸ ਫ਼ਿਲਮ ‘ਚ ਗਾਇਕ ਜਸਕਰਨ ਨੇ ਵੀ ਬਾਖੂਬੀ ਗਾਇਆ ਹੈ । ਇਸਦੇ ਗੀਤ ਮਾਹੀ ਤੇ ਸਰਬਜੀਤ ਫੁੱਲ ਵਲੋਂ ਲਿਖੇ ਗਏ ਹਨ। ਇਹ ਫ਼ਿਲਮ ਇਕ ਬਹੁਤ ਹੀ ਚੰਗੇ ਕਿਰਦਾਰ ਵਾਲੀ ਫਿਲਮ ਬਣੀ ਹੈ ਜਿਸ ਲਈ ਸਾਰੀ ਟੀਮ ਵਧਾਈ ਦੀ ਪਾਤਰ ਹੈ । ਇਸ ਫ਼ਿਲਮ ਬਾਰੇ ਸਾਰੀ ਜਾਣਕਾਰੀ ਬਿਮਲ ਸੂਰਮਾ ਵਲੋਂ ਦਿੱਤੀ ਗਈ ਹੈ ।
‘ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
