ਗਗਨਪ੍ਰੀਤ ਹੈੱਡ ਗਰਲ ਤੇ ਜਤਿੰਦਰ ਹੈੱਡ ਬੁਆਏ ਚੁਣੇ
ਕਪੂਰਥਲਾ, 27 ਜੁਲਾਈ ( ਕੌੜਾ ) – ਰੇਲ ਕੋਚ ਫੈਕਟਰੀ ਸਾਹਮਣੇ ਸਥਿਤ ਸ੍ਰੀ ਗੁਰੂ ਹਰਕ੍ਰਿਸ਼ਨ ਪਬਲਿਕ ਸਕੂਲ ਵਿਖੇ ਪ੍ਰਿੰਸ੍ਰੀਸੀਪਲ ਪ੍ਰਬਦੀਪ ਕੌਰ ਮੋਂਗਾ ਦੀ ਅਗਵਾਈ ਹੇਠ ਵਿਦਿਆਰਥੀ ਕੌਂਸਲ ਕਮੇਟੀ ਦੀ ਚੋਣ ਅਤੇ ਸਹੁੰ ਚੁੱਕ ਸਮਾਗਮ ਕਰਵਾਇਆ ਗਿਆ । ਸਕੂਲ ਦੀ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਬੀਬੀ ਗੁਰਪ੍ਰੀਤ ਕੌਰ ਮੈਂਬਰ ਸ਼੍ਰੋਮਣੀ ਕਮੇਟੀ, ਡਾਇਰੈਕਟਰ ਇੰਜੀਨੀਅਰ ਹਰਨਿਆਮਤ ਕੋਰ ਅਤੇ ਪ੍ਰਸ਼ਾਸ਼ਕ ਇੰਜੀਨੀਅਰ ਨਿਮਰਤਾ ਕੌਰ ਉਚੇਚੇ ਤੌਰ ‘ਤੇ ਸਮਾਗਮ ਵਿੱਚ ਸ਼ਾਮਲ ਹੋਏ । ਇਸ ਦੌਰਾਨ ਨਵੇਂ ਵਿਦਿਅਕ ਸੈਸ਼ਨ ਲਈ ਵਿਦਿਆਰਥੀ ਕੌਂਸਲ ਕਮੇਟੀ ਦੀ ਚੋਣ ਕੀਤੀ ਗਈ ਤੇ ਕਮੇਟੀ ਨੇ ਸਹੁੰ ਚੁੱਕ ਕੇ ਇਹ ਪ੍ਰਣ ਕੀਤਾ ਕਿ ਉਹ ਹਮੇਸ਼ਾ ਸਕੂਲ ਪ੍ਰਤੀ ਇਮਾਨਦਾਰ ਤੇ ਵਫਾਦਾਰ ਰਹਿਣਗੇ ਅਤੇ ਸਕੂਲ ਨੂੰ ਨਵੀਆਂ ਬੁਲੰਦੀਆਂ `ਤੇ ਲੈ ਕੇ ਜਾਣ ਦਾ ਹਰ ਸੰਭਵ ਯਤਨ ਕਰਨਗੇ । ਨਵੀਂ ਚੁਣੀ ਕੌਂਸਲ ਕਮੇਟੀ ‘ਚ ਜਤਿੰਦਰ ਸਿੰਘ ਨੂੰ ਹੈੱਡ ਬੁਆਏ ਅਤੇ ਗਗਨਪ੍ਰੀਤ ਕੌਰ ਨੂੰ ਹੈੱਡ ਗਰਲ ਚੁਣਿਆ ਗਿਆ ।
ਪ੍ਰਭਜੋਤ ਸਿੰਘ ਵਾਈਸ ਹੈਡ ਬੁਆਏ ਅਤੇ ਇੰਦਰਪ੍ਰੀਤ ਕੌਰ ਵਾਈਸ ਹੈੱਡ ਗਰਲ ਰਹੇ । ਹਰਲੀਨ ਕੌਰ, ਅਰਸਦੀਪ ਕੌਰ, ਨਵਨੀਤ ਕੌਰ ਅਤੇ ਪਾਰੁਲ ਸ਼ਰਮਾ ਹਾਉਸ ਕੈਪਟਨ ਅਤੇ ਜਸਮੀਤ ਕੌਰ, ਗੁਰਲੀਨ ਕੌਰ, ਨਵਦੀਪ ਕੌਰ ਅਤੇ ਇਸ਼ਨੂਪ ਕੌਰ ਵਾਈਸ ਹਾਊਸ ਕੈਪਟਨ, ਵੱਜੋਂ ਚੁਣੇ ਗਏ । ਇਸੇ ਤਰ੍ਹਾਂ ਅਲੀਸ਼ਾ ਐਕਟੀਵਿਟੀ ਕੈਪਟਨ, ਸ਼ੁਭਮਪ੍ਰੀਤ ਕੌਰ ਵਾਇਸ ਐਕਟੀਵਿਟੀ ਕੈਪਟਨ, ਪ੍ਰਿਤਪਾਲ ਸਿੰਘ ਡਿਸਪਲਿਨ ਕੈਪਟਨ, ਕਿਰਨਦੀਪ ਕੌਰ ਵਾਇਸ ਡਿਸਪਲਿਨ ਕੈਪਟਨ, ਅਦੀਤਯ ਤੇ ਜਸਮੀਤ ਕੌਰ ਸਪੋਰਟਸ ਕੈਪਟਨ ਅਤੇ ਹਰਮੀਤ ਸਿੰਘ ਤੇ ਸੁੱਖਪ੍ਰੀਤ ਕੌਰ ਵਾਇਸ ਸਪੋਰਟਸ ਕੈਪਟਨ ਚੁਣੇ ਗਏ । ਸਕੂਲ ਦੀ ਪ੍ਰਬੰਧਕ ਕਮੇਟੀ ਨੇ ਵਿਦਿਆਰਥੀ ਕਾਉਂਸਲ ਕਮੇਟੀ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਅਤੇ ਉਨ੍ਹਾਂ ਨੂੰ ਆਪਣੀਆਂ ਡਿਊਟੀਆਂ ਜਿੰਮੇਵਾਰੀ ਨਾਲ ਨਿਭਾਉਣ ਲਈ ਪ੍ਰੇਰਿਤ ਕੀਤਾ ।
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
