(ਸਮਾਜ ਵੀਕਲੀ)
ਡਾ. ਇੰਦਰਜੀਤ ਕਮਲ
ਇੱਕ ਸੁੰਦਰ ਸੰਸਾਰ ਕਿਤਾਬਾਂ !
ਜੀਵਨ ਦਾ ਆਧਾਰ ਕਿਤਾਬਾਂ !
ਕਰੇ ਕਿਤਾਬਾਂ ਦੀ ਜੋ ਇਜ਼ੱਤ,
ਇਹ ਵੀ ਉਸਨੂੰ ਕਰਨ ਮੁਹਬਤ,
ਉਹ ਅਗਿਆਨੀ ਹੀ ਰਹਿੰਦਾ ਹੈ ,
ਜੋ ਕਹਿੰਦਾ ਬੇਕਾਰ ਕਿਤਾਬਾਂ !
ਨਾਟਕ ਲੇਖ ਕਹਾਣੀ ਪੜੀਏ,
ਕਵਿਤਾ ਯਾਦ ਜ਼ੁਬਾਨੀ ਕਰੀਏ ,
ਲਗਨ ਲਗਾਕੇ ਪੜੀਏ ਜੇਕਰ ,
ਬੇੜਾ ਲਾਵਣ ਪਾਰ ਕਿਤਾਬਾਂ !
ਸਿੱਖਿਆ ਲੈਣ ਸਕੂਲੇ ਜਾਈਏ,
ਉਥੇ ਆਪਣਾ ਗਿਆਨ ਵਧਾਈਏ,
ਸਾਡੀ ਸਾਰੀ ਸਿੱਖਿਆ ਦਾ ਹੀ,
ਹੁੰਦਾ ਮੂਲ ਆਧਾਰ ਕਿਤਾਬਾਂ !
ਜਗ ਵਿਚ ਇਹਨਾਂ ਦੀ ਸਰਦਾਰੀ ,
ਲੋਹਾ ਮੰਨੇ ਦੁਨੀਆਂ ਸਾਰੀ ,
ਮਿੱਤਰਾਂ ਦੇ ਲਈ ਜੀਵਨ ਅੰਮ੍ਰਿਤ ,
ਦੁਸ਼ਮਨ ਲਈ ਤਲਵਾਰ ਕਿਤਾਬਾਂ !
ਇੱਕ ਸੁੰਦਰ ਸੰਸਾਰ ਕਿਤਾਬਾਂ !
ਜੀਵਨ ਦਾ ਆਧਾਰ ਕਿਤਾਬਾਂ !
