ਕਾਰ ਅੱਗੇ ਅਚਾਨਕ ਜੰਗਲੀ ਜਾਨਵਰ ਆਉਣ ਨਾਲ ਕਾਰ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀ, ਜਾਨੀ ਨੁਕਸਾਨ ਤੋਂ ਬਚਾਅ

ਨਵਾਂਸ਼ਹਿਰ /ਕਾਠਗੜ੍ਹ   (ਸਮਾਜ ਵੀਕਲੀ)  (ਜਤਿੰਦਰ ਪਾਲ ਸਿੰਘ ਕਲੇਰ ) ਰੋਪੜ੍ਹ ਬਲਾਚੌਰ  ਨੈਸ਼ਨਲ ਹਾਈਵੇ ਤੇ ਸਥਿਤ ਪਿੰਡ ਟੌਂਸਾ ਦੇ ਕੋਲ ਇਕ ਸਵਿਫਟ ਕਾਰ ਦਾ ਐਕਸੀਡੈਂਟ ਹੋਣ ਦਾ ਸਮਾਚਾਰ ਪ੍ਰਾਪਤ  ਹੋਇਆ |    ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਐਸ ਐਸ ਐਫ ਟੀਮ ਦੇ ਇੰਚਾਰਜ ਏ ਐਸ ਆਈ ਪ੍ਰਵੀਨ ਕੁਮਾਰ ਨੇ ਦੱਸਿਆ ਕਿ ਇਕ ਸਵਿਫਟ ਕਾਰ ਜਿਸਦਾ ਨੰਬਰ ਪੀਬੀ 07 ਬੀ ਐਫ 6123  ਜਿਸ ਨੂੰ  ਵਰਿੰਦਰ ਸਿੰਘ ਪੁੱਤਰ ਓਕਾਰ ਸਿੰਘ ਪਿੰਡ ਮੋਰਾਂਵਾਲੀ ਜਿਲ੍ਹਾਂ ਹੁਸ਼ਿਆਰਪੁਰ ਚਲਾ ਰਿਹਾ ਸੀ |  ਜੋ ਕਿ ਰੋਪੜ੍ਹ ਤੋਂ ਬੰਗਾ ਦੇ ਵੱਲ ਜਾ ਰਿਹਾ ਸੀ  ਜਦੋਂ ਉਹ ਟੌਂਸਾ ਦੇ ਕੋਲ ਪਹੁੰਚੇ ਤਾ ਅਚਾਨਕ ਇਕ ਜੰਗਲੀ ਜਾਨਵਰ ਉਨ੍ਹਾਂ ਦੀ ਗੱਡੀ ਨਾਲ ਟਕਰਾ ਗਿਆ | ਜਿਸਦੇ ਚੱਲਦੇ ਗੱਡੀ ਬੁਰੀ ਤਰ੍ਹਾਂ ਨਾਲ ਨੁਕਾਸਨ ਗਈ ਜਦਕਿ  ਜਾਨੀ ਨੁਕਸਾਨ ਤੋ ਬਚਾਅ ਰਿਹਾ | ਐਸ ਐਸ ਐਫ ਵਲੋਂ ਕਾਰ ਨੂੰ ਸਾਈਡ ਤੇ ਕਰਵਾ ਕੇ ਰੋਡ ਨੂੰ  ਕਲੀਅਰ ਕਰਵਾ ਕੇ ਆਵਾਜਾਈ ਨੂੰ  ਫਿਰ ਤੋਂ ਸੰਚਾਰੂ ਢੰਗ ਨਾਲ ਚਾਲੂ ਕਰਵਾਇਆ | ਇਸ ਸਬੰਧੀ ਆਸਰੋਂ ਚੌਂਕੀ ਨੂੰ  ਸੂਚਿਤ ਕਰ ਦਿੱਤਾ ਗਿਆ |