(ਸਮਾਜ ਵੀਕਲੀ) ਜੈ ਭੀਮ ਨਮੋ ਬੁਧਾਏ ਜੈ ਪ੍ਰਬੁੱਧ ਭਾਰਤ ਜੀ ਤੁਹਾਡੀ ਪਹਿਲੀ ਕਿਤਾਬ “ਬੁੱਧ ਅਤੇ ਉਨ੍ਹਾਂ ਦਾ ਧੰਮ ਮੇਰੀ ਨਜ਼ਰ ਵਿੱਚ” ਬੁੱਧ ਧੰਮ ਦੇ ਵਿਗਿਆਨਕ, ਤਰਕਵਾਦੀ ਅਤੇ ਮਨੁਖੀ ਮੁੱਲਾਂ ਨੂੰ ਨਵੀਂ ਦ੍ਰਿਸ਼ਟੀ ਨਾਲ ਪੇਸ਼ ਕਰਨ ਵਾਲੀ ਇਕ ਕਾਬਿਲੇ-ਤਾਰੀਫ਼ ਕੋਸ਼ਿਸ਼ ਹੈ। ਬਾਬਾ ਸਾਹਿਬ ਡਾ. ਬੀ.ਆਰ. ਅੰਬੇਡਕਰ ਦੇ ਮਹਾਨ ਗ੍ਰੰਥ “ਬੁੱਧ ਅਤੇ ਉਨ੍ਹਾਂ ਦਾ ਧੰਮ” ਨੂੰ ਆਧੁਨਿਕ ਪੜਾਅ ਵਿੱਚ ਸਮਝਦਾਰ ਢੰਗ ਨਾਲ ਵਿਆਖਿਆ ਕਰਨਾ ਬਹੁਤ ਵੱਡਾ ਯੋਗਦਾਨ ਹੈ। ਤੁਸੀਂ ਜੋ ਚੁਣਵੇਂ ਵਿਸ਼ਿਆਂ—ਕੁਦਰਤ, ਵਿਨੈ, ਵਿਗਿਆਨ, ਤਰਕਸ਼ੀਲਤਾ, ਨੈਤਿਕਤਾ ਅਤੇ ਧੰਮ ਇਤਿਹਾਸ—’ਤੇ ਚਾਨਣ ਪਾਈ ਹੈ, ਉਹ ਨਿਸ਼ਚਿਤ ਤੌਰ ‘ਤੇ ਬੁੱਧ ਧੰਮ ਪ੍ਰੇਮੀਆਂ ਲਈ ਲਾਭਕਾਰੀ ਸਾਬਤ ਹੋਵੇਗੀ। ਤੁਹਾਡਾ ਇਹ ਯਤਨ ਕਾਬਿਲ-ਏ-ਤਰੀਫ਼ ਹੈ ਕਿ ਸਮੇਂ ਨਾਲ ਜੋ ਗਲਤ-ਫਹਿਮੀਆਂ ਅਤੇ ਛੇਕ ਪੈ ਗਏ ਸਨ, ਉਨ੍ਹਾਂ ਨੂੰ ਬਾਬਾ ਸਾਹਿਬ ਦੀ ਦ੍ਰਿਸ਼ਟੀ ਦੇ ਨੂਰ ਨਾਲ ਭਰਨ ਦੀ ਇਮਾਨਦਾਰ ਕੋਸ਼ਿਸ਼ ਕੀਤੀ।ਕਿਤਾਬ ਦੇ ਰਲੀਜ਼ ਦਾ ਬੇਸਬਰੀ ਨਾਲ ਇੰਤਜ਼ਾਰ ਰਹੇਗਾ। ਤੁਹਾਨੂੰ ਦਿਲੋਂ ਮੁਬਾਰਕਾਂ ਅਤੇ ਭਵਿੱਖ ਦੇ ਲਿਖਾਰੀ ਸਫ਼ਰ ਲਈ ਬੇਹੱਦ ਸ਼ੁਭਕਾਮਨਾਵਾਂ।
