(ਸਮਾਜ ਵੀਕਲੀ)
ਕਿਉਂ ਲਬਾਂ ਤੇ ਜਿੰਦਰਾ ਲਾਇਆ ਏ..
ਗਮ ਹਾਸਿਆਂ ਵਿੱਚ ਛੁਪਾਇਆ ਏ।
ਕਦੇ ਕੋਲ਼ ਬਿਠਾ ਕੇ ਦੱਸ ਦੇਵੀਂ
ਜੋ ਦਿਲ ਦੇ ਵਿਚ ਲੁਕਾਇਆ ਏ ।
ਕੋਈ ਲੱਗੀ ਸੱਟ ਜਰੂਰ ਹੋਊ
ਤਾਹੀਉਂ ਰਾਹ ਵੱਖਰਾ ਅਪਣਾਇਆ ਏ ।
ਲੱਖਾਂ ਸਵਾਲ ਜੋਂ ਮਨ ਵਿੱਚ ਉਲਝੇ ਨੇ..
ਤੇਰਾ ਰਾਹ ਓਹਨਾ ਉਲਝਾਇਆ ਏ।
ਕਦੇ ਕਰੀਂ ਕੋਸ਼ਿਸ਼ ਮਿਲਣ ਦੀ ਆਪਣੇ ਆਪ ਨੂੰ..
ਮੈਨੂੰ ਹੱਲ ਇਹੀ ਲੁਭਾਇਆ ਏ ।
ਲੱਖਾਂ ਅਰਮਾਨ ਸੰਜੋਏ ਸੀ ਤੂੰ ਅੱਖਾਂ ਵਿੱਚ ਜੋ..
ਅੱਜ ਦਰਦ ਓਹਨਾ ਛਲਕਾਇਆ ਏ।
ਸਾਰੇ ਸ਼ਾਇਦ ਬੇਇਤਬਾਰੇ ਨਹੀਂ ਹੁੰਦੇ ..
ਪਰ ਤੂੰ ਸਬ ਤੇ ਠੱਪਾ ਲਾਇਆ ਏ ।
ਜੋ ਪੜ੍ਹਿਆ ਸੀ ਜੋ ਸਮਝਿਆ ਸੀ..
ਕਲਮ ਓਹੀ ਐਸ ਪੀ ਤੋਂ ਲਿਖਵਾਇਆ ਏ।
ਸਤਿੰਦਰ ਪਾਲ ਸਿੰਘ
ਲੈਕਚਰਾਰ ਫਿਜ਼ਿਕਸ
