ਸਮਾਜ ਵੀਕਲੀ ਯੂ ਕੇ
ਕੇਸਾਧਾਰੀ ਸਿੱਖ ਦੇ ਸਿਰ ਤੇ ਸਜਦੀ ਹੈ ਦਸਤਾਰ ।
ਲੱਖਾਂ ਦੇ ਵਿੱਚ ਵੱਖਰਾ ਦਿਸਦਾ ਖੜ੍ਹਾ ਸਿੱਖ ਸਰਦਾਰ ।
ਸਿੱਖੀ ਦੀ ਇਹ ਸ਼ਾਨ ਹੈ ਲੋਕੋ ! ਸਿੱਖ ਦੇ ਸਿਰ ਦਾ ਤਾਜ ।
ਜਾਨ ਦੀ ਬਾਜ਼ੀ ਲਾਕੇ ਵੀ ਸਿੱਖ ਰੱਖਦਾ ਇਸਦੀ ਲਾਜ ।
ਕੇਸਾਂ ਵਾਂਗੂੰ ਕਰਦਾ ਹੈ ਸਿੱਖ ਇਸਦਾ ਵੀ ਸਤਿਕਾਰ ।
ਹੱਥ ਪਾਉਣ ਨਾ ਦਿੰਦਾ ਇਸਨੂੰ ਸਿਰ ਲਹੁਣ ਤੱਕ ਜਾਂਦਾ ।
ਇਸਤੋਂ ਪਹਿਲਾਂ ਸਿੱਖ ਉਸਦਾ ਜਾਂ ਆਪਣਾ ਸਿਰ ਲੁਹਾਂਦਾ ।
ਬਾਣੀ ਵਾਂਗੂੰ ਕਰਦਾ ਹੈ ਸਿੱਖ ਇਸਦੇ ਨਾਲ ਪਿਆਰ ।
ਉੱਠ ਸਵੇਰੇ ਚੁਣ ਚੁਣ ਬੰਨ੍ਹਦਾ ਦਾਗ ਨਾ ਲੱਗਣ ਦੇਵੇ ।
ਬੇ-ਦਾਗ਼ ਹੈ ਸਿੱਖ ਦਾ ਜੀਵਨ ਸਤਿਗੁਰ ਦੀ ਮਤਿ ਲੇਵੇ ।
ਇਹ ਦਰਸਾਉਂਦੀ ਸਿੱਖ ਦਾ ਉੱਚਾ ਸੁੱਚਾ ਜੋ ਕਿਰਦਾਰ ।
ਸਿਰ ਦਸਤਾਰ ਸਜਾ ਕੇ ਲਾੜਾ ਹੱਥ ਕ੍ਰਿਪਾਨ ਜਦ ਫੜਦਾ ।
ਰਾਜੇ ਵਾਂਗੂੰ ਸਜ ਧਜ ਕੇ ਉਹ ਘੋੜੀ ਹੈ ਜਦ ਚੜ੍ਹਦਾ ।
ਔਰਤ ਦੇ ਸਿਰ ਚੁੰਨੀ ਸੋਂਹਦੀ ਮਰਦ ਸਿਰ ਦਸਤਾਰ ।
ਭਾਈ ਪਰਮਜੀਤ ਸਿੰਘ ਡੁਮੇਲੀ ਵਾਲਾ
On Watsapp 07877853685
