ਫਿਲੌਰ/ਅੱਪਰਾ, (ਸਮਾਜ ਵੀਕਲੀ) (ਦੀਪਾ)-ਆਰਬੀਆਈ ਅਤੇ ਕ੍ਰਿਸਿਲ ਫਾਊਂਡੇਸ਼ਨ ਦੇ ਸਹਿਯੋਗ ਨਾਲ ਗ੍ਰਾਮ ਪੰਚਾਇਤ ਸਮਰਾੜੀ ਵਿਖੇ ਇੱਕ ਵਿੱਤੀ ਜਾਗਰੂਕਤਾ ਕੈਂਪ ਦਾ ਆਯੋਜਨ ਕੀਤਾ ਗਿਆ। ਇਸ ਕੈਂਪ ਦਾ ਉਦੇਸ਼ ਪੇਂਡੂ ਭਾਈਚਾਰੇ ਵਿੱਚ ਬੱਚਤ, ਬੀਮਾ, ਡਿਜੀਟਲ ਬੈਂਕਿੰਗ, ਸੁਕੰਨਿਆ ਸਮ੍ਰਿਧੀ ਯੋਜਨਾ, ਸਾਈਬਰ ਧੋਖਾਧੜੀ ਅਤੇ ਹੋਰ ਸਕੀਮਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਸੀ। ਕ੍ਰਿਸਿਲ ਫਾਊਂਡੇਸ਼ਨ ਦੇ ਖੇਤਰੀ ਮੈਨੇਜਰ ਮੁਹੰਮਦ ਰਜ਼ਾ ਨੇ ਕਿਹਾ ਕਿ ਪੇਂਡੂ ਖੇਤਰਾਂ ਵਿੱਚ ਵਿੱਤੀ ਸਾਖਰਤਾ ਦੀ ਬਹੁਤ ਲੋੜ ਹੈ। ਉਨ੍ਹਾਂ ਬੱਚਤ ਅਤੇ ਨਿਵੇਸ਼ ਬਾਰੇ ਜਾਣਕਾਰੀ ਦਿੱਤੀ। ਐਲ ਐਮ ਡੀ ਜਲੰਧਰ ਸ਼੍ਰੀ ਮੋਹਨ ਸਿੰਘ ਮੋਤੀ ਜੀ ਨੇ ਪਿੰਡ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਬੈਂਕਿੰਗ ਸੇਵਾਵਾਂ ਜਿਵੇਂ ਕਿ ਆਪਣਾ ਪਿੰਨ ਅਤੇ ਆਪਣਾ ਓ ਕੀ ਪੀ ਕਿਸੇ ਨਾਲ ਸਾਂਝਾ ਨਾ ਕਰਨ। ਉਨ੍ਹਾਂ ਨੇ ਡੀ.ਐਫ.ਐਸ. ਦੇ ਸੁਝਾਅ ਨਾਲ ਆਰ.ਬੀ.ਆਈ ਦੁਆਰਾ ਚਲਾਈ ਜਾ ਰਹੀ ” *ਅਪਣੀ ਪੁੰਜੀ ਅਪਨਾ ਅਧਿਕਾਰ ਸਕੀਮ* ” ਬਾਰੇ ਵੀ ਜਾਣਕਾਰੀ ਦਿੱਤੀ। ਇਸ ਸਕੀਮ ਤਹਿਤ ਜਲੰਧਰ ਜ਼ਿਲ੍ਹੇ ਵਿੱਚ 584 ਕਰੋੜ ਰੁਪਏ ਦੀ ਅਣ-ਐਲਾਨੀ ਰਾਸ਼ੀ ਬਾਰੇ ਲੋਕਾਂ ਨੂੰ ਜਾਣਕਾਰੀ ਦਿੱਤੀ ਗਈ ਹੈ। ਇਸ ਕੈਂਪ ਵਿੱਚ ਸਰਪੰਚ ਮੋਹਨ ਲਾਲ ਜੀ, ਐਮਆਈਐਸ ਕਾਰਜਕਾਰੀ ਸੰਦੀਪ ਕੌਰ, ਏਰੀਆ ਮੈਨੇਜਰ ਇੰਦਰਪ੍ਰੀਤ ਸਿੰਘ, ਸੈਂਟਰ ਮੈਨੇਜਰ ਸੰਦੀਪ ਕੁਮਾਰ ਅਤੇ ਸੀਐਫਐਲ ਫਿਲੌਰ ਦੀ ਟੀਮ ਹਾਜ਼ਰ ਸੀ।
