ਸਾਫਟਵੇਅਰ ਟੈਸਟਿੰਗ ਵਰਕਸ਼ਾਪ

ਲੁਧਿਆਣਾ   (ਸਮਾਜ ਵੀਕਲੀ)   (ਕਰਨੈਲ ਸਿੰਘ ਐੱਮ.ਏ.) GGNIVS ਵੱਲੋਂ 18-19 ਸਤੰਬਰ 2025 ਨੂੰ ਦੋ ਦਿਨਾਂ ਦੀ ਸਾਫਟਵੇਅਰ ਟੈਸਟਿੰਗ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਇਸ ਵਿੱਚ ਰਿਸੋਰਸ ਪਰਸਨ ਵਜੋਂ ਸ਼੍ਰੀ ਅਵਨੀਤ ਸਿੰਘ (GGNIVS ਦੇ ਪੁਰਾਣੇ ਵਿਦਿਆਰਥੀ ਅਤੇ IMG, ਅਹਿਮਦਾਬਾਦ ਵਿੱਚ ਸੀਨੀਅਰ ਸਾਫਟਵੇਅਰ ਟੈਸਟਰ) ਸ਼ਾਮਲ ਹੋਏ। ਸਨਮਾਨ ਸਮਾਰੋਹ ਤੋਂ ਬਾਅਦ, ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਸਾਫਟਵੇਅਰ ਟੈਸਟਿੰਗ ਦੀ ਵਿਲੱਖਣਤਾ ਬਾਰੇ ਜਾਣੂ ਕਰਵਾਇਆ। ਇਸ ਤੋਂ ਇਲਾਵਾ, ਉਨ੍ਹਾਂ ਨੇ priority ਅਤੇ severity ਵਿਚਕਾਰ ਅੰਤਰ, ਮੈਨੂਅਲ ਟੈਸਟਿੰਗ ਅਤੇ ਆਟੋਮੇਸ਼ਨ ਟੈਸਟਿੰਗ ਅਤੇ ਸਿਸਟਮ ਸਾਫਟਵੇਅਰ ਵਰਗੇ ਉਪ-ਖੇਤਰਾਂ ਬਾਰੇ ਵੀ ਵਿਸਥਾਰ ਨਾਲ ਗੱਲ ਕੀਤੀ।  ਉਨ੍ਹਾਂ ਨੇ ਸਾਫਟਵੇਅਰ ਟੈਸਟਿੰਗ ਦੇ ਵੱਖ-ਵੱਖ ਪਹੁੰਚਾਂ ਜਿਵੇਂ ਕਿ Agile ਅਤੇ waterfall model ਬਾਰੇ ਵੀ ਚਰਚਾ ਕੀਤੀ। ਦੂਜੇ ਦਿਨ, ਉਨ੍ਹਾਂ ਨੇ ਮੈਨੂਅਲ ਟੈਸਟਿੰਗ ਦੇ ਭਾਗਾਂ ਬਾਰੇ ਜਾਣਕਾਰੀ ਦਿੱਤੀ, ਜਿਵੇਂ ਕਿ ਟੈਸਟ ਕੇਸ ਐਗਜ਼ਿਕਿਊਸ਼ਨ, exploratory testing,usavility testing ਅਤੇ ਯੂਜ਼ਰ ਐਕਸਪੀਰੀਅੰਸ। ਇਸੇ ਤਰ੍ਹਾਂ ਆਟੋਮੇਸ਼ਨ ਟੈਸਟਿੰਗ ਦੇ ਹਿੱਸਿਆਂ ਵਿੱਚ AI based ਟੈਸਟਿੰਗ ਅਤੇ ਕੋਡਲੈੱਸ ਆਟੋਮੇਸ਼ਨ ਬਾਰੇ ਵੀ ਵਿਸਥਾਰ ਨਾਲ ਸਮਝਾਇਆ। ਸੰਕਲਪਾਂ ਦੀ ਸਪਸ਼ਟਤਾ ਯਕੀਨੀ ਬਣਾਉਣ ਲਈ ਉਨ੍ਹਾਂ ਨੇ ਪਾਵਰ-ਪੁਆਇੰਟ ਪ੍ਰਜ਼ੈਂਟੇਸ਼ਨ ਵੀ ਦਿਖਾਈ। GGNIVS ਦੇ ਡਾਇਰੈਕਟਰ ਪ੍ਰੋ. ਮਨਜੀਤ  ਸਿੰਘ ਛਾਬੜਾ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕੀਤਾ ਅਤੇ ICT ਅਧਾਰਿਤ ਸਿੱਖਿਆ ਦੀ ਭੂਮਿਕਾ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਆਪਣੇ ਹੁਨਰਾਂ ਨੂੰ ਨਿਖਾਰਨ ਲਈ ਲਗਾਤਾਰ ਮਿਹਨਤ ਕਰਨ ਲਈ ਪ੍ਰੇਰਿਤ ਕੀਤਾ। ਵਰਕਸ਼ਾਪ ਵਿੱਚ ਗਿਆਨ-ਪ੍ਰੀਖਿਆ ਸੈਗਮੈਂਟ ਵੀ ਸ਼ਾਮਲ ਕੀਤਾ ਗਿਆ। ਸੈਮੀਨਾਰ ਦੇ ਅਖੀਰ ‘ਤੇ ਡਾ: ਵਿਸ਼ਾਲ ਕਾਂਤ ਨੇ ਧੰਨਵਾਦ  ਕੀਤਾ।