ਮੂਲ ਚੰਦ ਸ਼ਰਮਾ (ਸਮਾਜ ਵੀਕਲੀ)
ਸਮੇਂ ਸਮੇਂ ਦੀਆਂ ਗੱਲਾਂ ਨੇ
———————————
ਜਦੋਂ ਮਹਿਰਮ ਤੁਰ ਜਾਂਦੇ ਤਾਂ
ਸਿਰਫ਼ ਕਿਆਫੇ ਰਹਿ ਜਾਂਦੇ ।
ਸਿਰੋਂ ਸਾਈਂ ਤੁਰੇ ਤਾਂ ਘਰਾਂ ‘ਚ
ਰੁਲ਼ਦੇ ਸਾਫ਼ੇ ਰਹਿ ਜਾਂਦੇ ।
ਆ ਕੇ ਵਿੱਚ ਬੁਢਾਪੇ ਹਾਲਤ
ਹੁੰਦੀ ਉਸ ਤਰ੍ਹਾਂ ਬੰਦੇ ਦੀ ;
ਵਿੱਛੜੇ ਮੇਲੇ ਮਗਰੋਂ ਖਾਲੀ
ਜਿਵੇਂ ਲਿਫ਼ਾਫੇ ਰਹਿ ਜਾਂਦੇ ।
ਤੈਨੂੰ ਬੰਦਿਆ ਪਊ ਪਛਤਾਉਂਣਾ
———————————
ਜਦੋਂ ਜੇਠ ਤੇ ਹਾੜ੍ਹ ਵਿੱਚ ਗਰਮੀ
ਰੰਗ ਵਿਖਾਇਆ ਕਰੂਗੀ ।
ਤੈਨੂੰ ਆਕਸੀਜਨ ਦੀ ਘਾਟ ਵੀ
ਚੇਤੇ ਆਇਆ ਕਰੂਗੀ ।
ਜਦੋਂ ਗੱਡੀ ਖੜਾਉਂਣ ਲਈ ਇੱਕ ਵੀ
ਰੁੱਖ ਦੀ ਛਾਂ ਮਿਲੀ ਨਾ ;
ਵੇਖੀਂ ਬਿਨ ਲੋੜੋਂ ਹੀ ਵੱਢੇ ਰੁੱਖਾਂ ਦੀ
ਯਾਦ ਸਤਾਇਆ ਕਰੂਗੀ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
9914836037
