ਵੈਨਕੂਵਰ, (ਸਮਾਜ ਵੀਕਲੀ) (ਮਲਕੀਤ ਸਿੰਘ )-ਕੈਨੇਡਾ ਫੈਡਰਲ ਚੋਣਾਂ ਦੇ ਤਾਜ਼ਾ ਨਤੀਜੇ ਜਾਨਣ ਲਈ ਸਿਆਸਤ ਦਾ ‘ਚਸਕਾ’ ਰੱਖਣ ਦੇ ਚਾਹਵਾਨਾ ਚ ਅੱਜ ਲਗਾਤਾਰ ਉਤਸੁਕਤਾ ਬਣੀ ਨਜ਼ਰੀਆ ਆਈ| ਸਥਾਨਕ ਮੀਡੀਆ ਦਫਤਰਾਂ ਤੋਂ ਇਲਾਵਾ ਵੱਖ-ਵੱਖ ਅਖਬਾਰਾਂ ਅਤੇ ਚੈਨਲਾਂ ਦੇ ਪੱਤਰਕਾਰਾਂ ਨੂੰ ਕੈਨੇਡਾ ਦੇ ਵੱਖ ਵੱਖ ਇਲਾਕਿਆਂ ਸਮੇਤ ਭਾਰਤ ਤੋਂ ਵੀ ‘ ਸਿਆਸੀ ਚਸਕਾ ‘ ਰੱਖਣ ਵਾਲਿਆਂ ਦੇ ਫੋਨਾਂ ਦੀਆਂ ਘੰਟੀਆਂ ਸਾਰੀ ਰਾਤ ਖੜਕਦੀਆਂ ਰਹੀਆਂ| ਇੱਥੇ ਵਰਨਣਯੋਗ ਹੈ ਕਿ ਕੈਨੇਡਾ ਦੇ ਵੱਖ-ਵੱਖ ਹਲਕਿਆਂ ਤੋਂ ਚੋਣ ਪਿੰੜ ਚ ਨਿਤਰੇ ਬਹੁਗਿਣਤੀ ਉਮੀਦਵਾਰਾਂ ਵੱਲੋਂ ਆਪਣੇ ਪੱਧਰ ਤੇ ਆਪਣੇ ਸਮਰਥਕਾਂ ਦੀ ਸੰਭਾਵੀ ਇਕੱਤਰਤਾ ਦੇ ਮੱਦੇ ਨਜ਼ਰ ਵੱਡ ਅਕਾਰੀ ਹਾਲ ਬੁਕ ਕੀਤੇ ਗਏ ਸਨ| ਸਰੀ ਸਥਿਤ ਰਾਇਲ ਕਿੰਗ ਹਾਲ ਚ ਸਰੀ ਨਿਊਟਨ ਹਲਕੇ ਤੋਂ ਮੁੜ ਜੇਤੂ ਰਹੇ ਲਿਬਰਲ ਉਮੀਦਵਾਰ ਸੁਖ ਧਾਲੀਵਾਲ ਦੇ ਸੈਂਕੜੇ ਸਮਰਥਕਾਂ ਦਾ ਅੱਧੀ ਰਾਤ ਤਕ ਜਮਾਵੜਾ ਲਗਾ ਨਜਰੀ ਆਇਆ| ਜਿੱਥੇ ਲੱਗੀਆਂ ਵਡ ਆਕਾਰੀ ਟੀਵੀ ਸਕਰੀਨਾਂ ਰਾਹੀਂ ਉੱਥੇ ਮੌਜੂਦ ਲੋਕ ਚੋਣ ਨਤੀਜਿਆਂ ਦੇ ਸਿੱਧੇ ਪ੍ਰਸਾਰਨ ਦਾ ਆਨੰਦ ਮਾਣਦੇ ਨਜ਼ਰੀਂ ਆਏ।
