ਭਾਰਤ ਨਗਰ ਦੁਕਾਨਦਾਰ ਐਸੋਸੀਏਸ਼ਨ (ਰਜਿ:) ਦੀ ਬੈਠਕ ਹੋਈ

ਲੁਧਿਆਣਾ (ਸਮਾਜ ਵੀਕਲੀ) (ਕਰਨੈਲ ਸਿੰਘ ਐੱਮ.ਏ.) ਭਾਰਤ ਨਗਰ ਦੁਕਾਨਦਾਰ ਐਸੋਸੀਏਸ਼ਨ (ਰਜਿ:) ਦੀ ਸਲਾਨਾ ਸਧਾਰਨ ਸਭਾ ਦੀ ਬੈਠਕ ਹੋਟਲ ਕਾਰਲਟਨ ਇਨ, ਦੁਗਰੀ ਰੋਡ, ਲੁਧਿਆਣਾ ਵਿਖੇ ਹੋਈ। ਇਸ ਮੌਕੇ ਤੇ ਲੁਧਿਆਣਾ ਵੈਸਟ ਦੇ ਸਨਮਾਨਿਤ ਵਿਧਾਇਕ ਸ਼੍ਰੀ ਗੁਰਪ੍ਰੀਤ ਸਿੰਘ ਗੋਗੀ ਮੁੱਖ ਮਹਿਮਾਨ ਵਜੋਂ ਅਤੇ ਆਤਮ ਨਗਰ ਦੇ ਸਨਮਾਨਿਤ ਵਿਧਾਇਕ ਸ਼੍ਰੀ ਕੁਲਵੰਤ ਸਿੰਘ ਸਿੱਧੂ ਗੈਸਟ ਆਫ ਅਨਰ ਵਜੋਂ ਹਾਜ਼ਰ ਸਨ। ਮੁੱਖ ਮਹਿਮਾਨ ਸ਼੍ਰੀ ਗੁਰਪ੍ਰੀਤ ਸਿੰਘ ਗੋਗੀ ਅਤੇ ਗੈਸਟ ਆਫ ਅਨਰ ਸ਼੍ਰੀ ਕੁਲਵੰਤ ਸਿੰਘ ਸਿੱਧੂ ਦਾ ਐਸੋਸੀਏਸ਼ਨ ਦੇ ਮੈਂਬਰਾਂ ਵੱਲੋਂ ਗੁਲਦਸਤਿਆਂ ਅਤੇ ਮਾਲਾਵਾਂ ਨਾਲ ਸਵਾਗਤ ਕੀਤਾ ਗਿਆ। ਸਮਾਗਮ ਦੌਰਾਨ ਦੋਵਾਂ ਵਿਧਾਇਕਾਂ ਨੇ ਐਸੋਸੀਏਸ਼ਨ ਦੇ ਸਾਰੇ ਮੈਂਬਰਾਂ ਨੂੰ ਮੈਂਬਰਸ਼ਿਪ ਸਰਟੀਫਿਕੇਟ ਅਤੇ ਤੋਹਫ਼ੇ ਭੇਟ ਕੀਤੇ। ਬੈਠਕ ਵਿੱਚ ਸ਼੍ਰੀ ਰੋਹਨ ਸ਼ੁਕਲਾ ਨੂੰ ਸਰਬਸੰਮਤੀ ਨਾਲ ਐਸੋਸੀਏਸ਼ਨ ਦਾ ਨਵਾਂ ਪ੍ਰਧਾਨ ਚੁਣਿਆ ਗਿਆ। ਅਤੇ ਸ਼੍ਰੀ ਦੀਪਕ ਬਡਿਆਲ (ਚੇਅਰਮੈਨ), ਸ਼੍ਰੀ ਤਜਿੰਦਰਪਾਲ ਸਿੰਘ (ਸਰਪ੍ਰਸਤ), ਸ਼੍ਰੀ ਧਨਵੰਤ ਸਿੰਘ (ਸਲਾਹਕਾਰ) ਸ਼੍ਰੀ ਸੁਰੇਸ਼ ਸੂਦ (ਸੀਨੀਅਰ ਉਪ ਪ੍ਰਧਾਨ), ਸ਼੍ਰੀ ਮਨੀ ਰਾਮ ਗੁਪਤਾ (ਉਪ ਪ੍ਰਧਾਨ), ਸ਼੍ਰੀ ਜੇ.ਪੀ. ਸਿੰਘ ਪ੍ਰਿੰਸ (ਉਪ ਪ੍ਰਧਾਨ), ਸ਼੍ਰੀ ਵਿਨੈ ਮੋਹਿੰਦਰਾ (ਮਹਾਂਸਚਿਵ), ਸ਼੍ਰੀ ਪਵਨ ਮਿਤਲ (ਵਿੱਤ ਸਕੱਤਰ), ਅਤੇ ਸ਼੍ਰੀ ਪਰਮਿੰਦਰ ਸਿੰਘ (ਸਹਾਇਕ ਵਿੱਤ ਸਕੱਤਰ), ਸ਼੍ਰੀ ਕਰਮਜੀਤ ਸਿੰਘ ਬਿਰਦੀ (ਸਹਾਇਕ ਸਕੱਤਰ), ਸ਼੍ਰੀ ਵਿਸ਼ਾਬ ਬੰਧੂ (ਪ੍ਰੈਸ ਸਕੱਤਰ), ਸ਼੍ਰੀ ਸਤਵੰਤ ਸੂਦ (ਲੀਗਲ ਸਲਾਹਕਾਰ), ਸ਼੍ਰੀ ਮਨਿੰਦਰ ਪਾਲ ਸਰਨਾ (ਮੈਂਬਰਸ਼ਿਪ ਸਕੱਤਰ), ਸ਼੍ਰੀ ਅਰੁਣ ਮਲਹੋਤਰਾ, ਸ਼੍ਰੀ ਸੰਦੀਪ ਸਿੰਘ, ਸ਼੍ਰੀ ਪ੍ਰਿੰਸ ਜੁਨੇਜਾ, ਸ਼੍ਰੀ ਅਮਿਤ ਪਨੇਸਰ, ਅਤੇ ਸ਼੍ਰੀ ਸੁਖਬੀਰ ਸਿੰਘ ਨਰੂਲਾ ਨੂੰ ਵੀ ਐਗਜਿਕਿਊਟਿਵ ਮੈਂਬਰ ਵਜੋਂ ਚੁਣਿਆ ਗਿਆ। ਇਸ ਮੌਕੇ ਐਸੋਸੀਏਸ਼ਨ ਦੇ  ਪ੍ਰਧਾਨ ਰੋਹਨ ਸ਼ੁਕਲਾ ਨੇ ਦੱਸਿਆ ਕਿ ਐਸੋਸੀਏਸ਼ਨ ਦਾ ਮੁੱਖ ਉਦੇਸ਼ ਦੁਕਾਨਦਾਰਾਂ ਦੀ ਭਲਾਈ ਲਈ ਕੰਮ ਕਰਨਾ ਅਤੇ ਸ਼ਹਿਰ ਦੇ ਵਿਕਾਸ ਅਤੇ ਸੁਧਾਰ ਲਈ ਸਥਾਨਕ ਪ੍ਰਸ਼ਾਸਨ ਨੂੰ ਸੁਝਾਅ ਦੇਣਾ ਹੈ। ਬੈਠਕ ਵਿੱਚ ਐਸੋਸੀਏਸ਼ਨ ਦੀ ਸਲਾਨਾ ਪ੍ਰਗਤੀ ਰਿਪੋਰਟ ਪੇਸ਼ ਕੀਤੀ ਗਈ, ਜਿਸ ਵਿੱਚ ਪਿਛਲੇ ਸਾਲ ਵਿੱਚ ਕੀਤੀਆਂ ਸਫਲਤਾਵਾਂ ‘ਤੇ ਚਰਚਾ ਕੀਤੀ ਗਈ। ਮੁੱਖ ਮਹਿਮਾਨ ਸ਼੍ਰੀ ਗੁਰਪ੍ਰੀਤ ਸਿੰਘ ਗੋਗੀ ਅਤੇ ਗੈਸਟ ਆਫ ਅਨਰ ਸ਼੍ਰੀ ਕੁਲਵੰਤ ਸਿੰਘ ਸਿੱਧੂ ਨੇ ਐਸੋਸੀਏਸ਼ਨ ਦੇ ਕੰਮਾਂ ਦੀ ਸ਼ਲਾਘਾ ਕੀਤੀ ਅਤੇ ਸ਼ਹਿਰ ਦੇ ਵਿਕਾਸ ਵਿੱਚ ਉਨ੍ਹਾਂ ਦੇ ਯੋਗਦਾਨ ਦੀ ਪ੍ਰਸੰਸਾ ਕੀਤੀ। ਐਗਜਿਕਿਊਟਿਵ ਬੋਡੀ ਵੱਲੋਂ ਮੁੱਖ ਮਹਿਮਾਨ ਅਤੇ ਗੈਸਟ ਆਫ ਅਨਰ ਦਾ ਧੰਨਵਾਦ ਕੀਤਾ ਗਿਆ ਅਤੇ ਐਸੋਸੀਏਸ਼ਨ ਦੇ ਸਾਰੇ ਮੈਂਬਰਾਂ ਵੱਲੋਂ ਉਨ੍ਹਾਂ ਨੂੰ ਖੂਬਸੂਰਤ ਟ੍ਰਾਫੀਆਂ ਭੇਟ ਕੀਤੀਆਂ ਗਈਆਂ।