ਪ੍ਰੋਜੈਕਟ” ਰੁੱਖਾਂ ਨਾਲ ਜਹਾਨ ” ਤਹਿਤ ਪੰਜਾਬੀ ਗੀਤ ਕਲਾ ਮੰਚ ਪੰਜਾਬ ਵੱਲੋਂ ਰੁੱਖ ਲਗਾਉਣ ਦੀ ਕੀਤੀ ਸ਼ੁਰੂਆਤ

ਫਿਲੌਰ/ਅੱਪਰਾ,(ਜੱਸੀ)–(ਸਮਾਜ ਵੀਕਲੀ) ਅੱਜ ਮਿਤੀ 16/7/2024 ਤੋਂ ਸਾਵਣ ਮਹੀਨੇ ਦੇ ਪਹਿਲੇ ਦਿਨ ਪੰਜਾਬੀ ਗੀਤ ਕਲਾ ਮੰਚ ਪੰਜਾਬ ਵੱਲੋਂ “ਰੁੱਖਾਂ ਨਾਲ ਜਹਾਨ” ਪ੍ਰੋਜੈਕਟ ਤਹਿਤ ਪੰਜਾਬ ਦੇ ਵੱਖ ਵੱਖ ਜਿਲਿਆਂ ਵਿੱਚ ਮੰਚ ਦੇ ਅਹੁਦੇਦਾਰਾਂ ਵੱਲੋਂ ਰੁੱਖ ਲਗਾਉਣ ਦੀ ਸ਼ੁਰੂਆਤ ਕੀਤੀ ਗਈ । ਮੰਚ ਦੇ ਸਰਪ੍ਰਸਤ ਸ਼੍ਰੀ ਜਨਕ ਸੰਗਤ ਜੀ ਦੀ ਪ੍ਰੇਰਨਾ ਸਦਕਾ ਬਲਬੀਰ ਕੌਰ ਬੱਬੂ ਸੈਣੀ(ਫਗਵਾੜਾ )ਹਰਦੇਵ ਹਮਦਰਦ ,ਸੁੱਖ ਸੰਧੂ (ਸ਼੍ਰੀ ਮੁਕਤਸਰ ਸਾਹਿਬ )ਸਰਬਜੀਤ ਕੌਰ ਢਿੱਲੋਂ ,ਸੁਖਚੈਨ ਸਿੰਘ (ਬਾਘਾ ਪੁਰਾਣਾ )ਗੁਰਕੀਰਤ ਸਿੰਘ ਔਲਖ ,ਪਰਮ ਪਰਮਿੰਦਰ ਸਿੰਘ ਅਤੇ ਜਸਵੰਤ ਗਿੱਲ ਵੱਲੋਂ ਪੌਦੇ ਲਾਏ ਗਏ । ਮੰਚ ਵੱਲੋਂ ਸ਼ੁਰੂ ਕੀਤੀ ਇਸ ਮੁਹਿੰਮ ਨੂੰ  ਭਰਵਾਂ  ਹੁੰਗਾਰਾ ਮਿਲਿਆ ।ਪੰਜਾਬੀ ਗੀਤ ਕਲਾ ਮੰਚ ਪੰਜਾਬ ਦੇ ਸਮੂਹ ਅਹੁਦੇਦਾਰਾਂ ਵੱਲੋਂ ਇਹ ਪ੍ਰਣ ਕੀਤਾ ਗਿਆ ਕਿ ਇਸ ਮਹੀਨੇ ਵੱਖ ਵੱਖ ਥਾਵਾਂ ਤੇ ਹੋਰ ਵੀ ਪੌਦੇ ਲਗਾਏ ਜਾਣਗੇ ਅਤੇ ਇਸ ਮੁਹਿੰਮ ਨੂੰ ਲਗਾਤਾਰ ਜਾਰੀ ਰੱਖਿਆ ਜਾਵੇਗਾ ।