ਚੰਗੀ ਪੱਤਰਕਾਰੀ ਦੇ ਲਈ “ਜੀ ਨਿਊਜ਼” ਦੇ ਪੱਤਰਕਾਰ ਚੰਦਰ ਮੜੀਆ ਅਦਾਰੇ ਵੱਲੋਂ ਪ੍ਰਸ਼ੰਸਾ ਪੱਤਰ ਨਾਲ ਸਨਮਾਨਿਤ

ਕਪੂਰਥਲਾ, (ਸਮਾਜ ਵੀਕਲੀ) ( ਕੌੜਾ )- ਬੀਤੇ ਦਿਨੀ ਸੁਲਤਾਨਪੁਰ ਲੋਧੀ ਵਿਖੇ ਸਥਾਨਕ ਸਿਵਲ ਹਸਪਤਾਲ ਨੂੰ ਲੈ ਕੇ ਜੀ ਮੀਡੀਆ ਦੇ ਪੱਤਰਕਾਰ ਚੰਦਰ ਮੜੀਆ ਦੇ ਵੱਲੋਂ ਕੀਤੀ ਗਈ ਇੱਕ ਵਿਸ਼ੇਸ਼ ਕਵਰੇਜ ਤੇ ਜੀ ਨਿਊਜ਼ ਅਦਾਰੇ ਦੇ ਵੱਲੋਂ ਚੰਗੀ ਪੱਤਰਕਾਰੀ ਕਰਨ ਤੇ ਪੱਤਰਕਾਰ ਚੰਦਰ ਮੜੀਆ ਨੂੰ ਪ੍ਰਸ਼ੰਸਾ ਪੱਤਰ ਭੇਟ ਕੀਤਾ ਗਿਆ। ਦਰਅਸਲ ਚੰਦਰ ਮੜੀਆ ਦੇ ਵੱਲੋਂ ਬੀਤੇ ਦਿਨੀ ਸਿਵਲ ਹਸਪਤਾਲ ਸੁਲਤਾਨਪੁਰ ਲੋਧੀ ਦਾ ਰਿਐਲਿਟੀ ਚੈੱਕ ਕੀਤਾ ਗਿਆ ਸੀ। ਜਿਸ ਦੇ ਚਲਦਿਆਂ ਉਹਨਾਂ ਦੇ ਵੱਲੋਂ ਹਸਪਤਾਲ ਦੀਆਂ ਕਮੀਆਂ ਤੇ ਚਾਨਣਾ ਪਾਇਆ ਗਿਆ। ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਚੰਦਰ ਮੜੀਆਂ ਨੇ ਦੱਸਿਆ ਕਿ ਇਸ ਵਿਸ਼ੇਸ਼ ਕਵਰੇਜ ਦੇ ਮਗਰੋਂ ਉਹਨਾਂ ਨੂੰ ਜ਼ੀ ਨਿਊਜ਼ ਅਦਾਰੇ ਦੀ ਪੂਰੀ ਟੀਮ ਦੇ ਵੱਲੋਂ ਵਧਾਈ ਦਿੱਤੀ ਗਈ ਅਤੇ ਜੀ ਨਿਊਜ਼ ਅਦਾਰੇ ਦੇ ਹੈਡ ਦੀਪਕ ਧੀਮਾਨ ਅਤੇ ਨਕੁਲ ਅਰੋੜਾ ਦੇ ਵੱਲੋਂ ਪ੍ਰਸ਼ੰਸਾ ਪੱਤਰ ਭੇਂਟ ਕੀਤਾ ਗਿਆ। ਅਦਾਰਾ “ਜੀ ਨਿਊਜ਼” ਵੱਲੋਂ ਮਿਲੇ ਪੱਤਰਕਾਰ ਚੰਦਰ ਮੜੀਆ ਨੂੰ ਇਸ ਸਨਮਾਨ ਲਈ ਸ੍ਰੀ ਗੁਰੂ ਨਾਨਕ ਦੇਵ ਜੀ ਪ੍ਰੈੱਸ ਕਲੱਬ ਸੁਲਤਾਨਪੁਰ ਲੋਧੀ ਦੇ ਸਮੂਹ ਅਹੁਦੇਦਾਰਾਂ ਤੇ ਮੈਂਬਰਾਂ ਵੱਲੋਂ ਮੁਬਾਰਕਬਾਦ ਦਿੰਦੇ ਹੋਏ ਉਹਨਾਂ ਵੱਲੋਂ ਕੀਤੇ ਸਿਵਲ ਹਸਪਤਾਲ ਸੁਲਤਾਨਪੁਰ ਲੋਧੀ

ਰਿਐਲਟੀ ਚੈੱਕ ਦੀ ਭਰਪੂਰ ਸ਼ਲਾਘਾ ਕੀਤੀ ਗਈ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly