ਪਿੰਦਰ ਪੰਡੋਰੀ ਨੂੰ  ਹਲ਼ਕਾ  ਇੰਚਾਰਜ ਬਣਨ ਤੇ ਦਿਲਬਾਗ ਸਿੰਘ ਜੋਸ਼ਨ ਵਧਾਈ ਦੇਣ ਪੁੱਜੇ  ਲੋਕਾਂ ਦੀ ਚਿਰੋਕਣੀ ਮੰਗ ਪੂਰੀ ਹੋਈ – ਦਿਲਬਾਗ ਸਿੰਘ ਜੋਸ਼ਨ 

ਮਹਿਤਪੁਰ,(ਸੁਖਵਿੰਦਰ ਖਿੰਡਾ)-ਆਮ ਆਦਮੀ ਪਾਰਟੀ  ਵਿਧਾਨ ਸਭਾ ਹਲਕਾ ਸ਼ਾਹਕੋਟ ਦੇ ਨਵੇਂ ਬਣੇ ਹਲਕਾ ਇੰਚਾਰਜ਼ ਪਿੰਦਰ ਪੰਡੋਰੀ ਨੂੰ ਆਮ ਆਦਮੀ ਪਾਰਟੀ ਦੇ ਆਗੂ ਅਤੇ ਉਘੇ ਸਮਾਜ ਸੇਵੀ ਦਿਲਬਾਗ ਸਿੰਘ ਜੋਸ਼ਨ ਆਪਣੇ ਦੋਸਤ ਕਲਸੀ ਨਕੋਦਰ ਨਾਲ ਵਧਾਈਆਂ ਦੇਣ ਪੁੱਜੇ। ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਜੋਸ਼ਨ ਨੇ ਕਿਹਾ ਕਿ ਪਰਮਿੰਦਰ ਸਿੰਘ ਪੰਡੋਰੀ ਨੂੰ ਵਿਧਾਨ ਸਭਾ ਹਲਕਾ ਸ਼ਾਹਕੋਟ ਤੋਂ ਇਨਚਾਰਜ ਨਿਯੁਕਤ ਕਰਨ ਦੀ ਮੰਗ ਵਰਕਰਾਂ ਵੱਲੋਂ ਕਾਫੀ ਸਮੇਂ ਤੋਂ ਕੀਤੀ ਜਾ ਰਹੀ ਸੀ। ਪੰਡੋਰੀ ਨੂੰ ਹਲਕਾ ਇੰਚਾਰਜ ਲਗਾ ਕੇ ਹਾਈਕਮਾਨ ਵੱਲੋਂ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ। ਉਨ੍ਹਾਂ ਕਿਹਾ ਆਉਣ ਵਾਲੇ ਸਮੇਂ ਵਿਚ ਆਮ ਆਦਮੀ ਪਾਰਟੀ ਦੇ ਵਰਕਰ ਹਲ਼ਕਾ ਇੰਚਾਰਜ ਦੇ  ਮੋਢੇ ਨਾਲ ਮੋਢਾ ਜੋੜ ਕੇ ਹਲਕੇ ਦੇ ਵਿਕਾਸ ਕੰਮ ਕਰਨਗੇ । ਇਸ ਮੌਕੇ ਪਿੰਦਰ ਪੰਡੋਰੀ ਵੱਲੋਂ  ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਅਰਵਿੰਦ ਕੇਜਰੀਵਾਲ ਦਾ ਧੰਨਵਾਦ ਕਰਦਿਆਂ ਇਲਾਕੇ ਦੇ ਵਿਕਾਸ ਅਤੇ ਸਮਾਜ ਸੇਵੀ ਕੰਮਾਂ ਲਈ ਤਨਦੇਹੀ ਨਾਲ ਕੰਮ ਕਰਨ ਦਾ  ਭਰੋਸਾ ਦਿਵਾਇਆ।