ਚੰਦੇ ਦਾ ਧੰਦਾ

(ਸਮਾਜ ਵੀਕਲੀ)

ਕਰੋਨਾ ਦੀ ਮਾਹਾਮਰੀ ਵਿਚ ਹਾਲ ਹੋ ਗਿਆ ਮੰਦਾ,
ਅੱਜਕਲ੍ਹ ਸਭਤੋਂ ਵਧਿਆ ਹੈ ਚੰਦੇ ਦਾ ਧੰਦਾ ।
ਬਹੁਤ ਸਾਰੀਆਂ ਚੈਰਿਟੀਆਂ ਚਲ ਰਹੀਆਂ ਹਨ,
ਕਰਦੇ ਹੈਂ ਅਸੀਂ ਬਿਆਨ,
ਚੈਰੀਟੀ ਦੇ ਕਈ ਰੂਪ ਹਨ ਭੇਂਟ, ਦਕਸ਼ਨਾ, ਦਾਨ।
ਚੈਰੀਟੀ ਦਾ ਕੁਝ ਹਿਸਾਬ ਹੈ ਐਸਾ,
ਕੂਝ ਭਾਗ ਹੀ ਸਹੀ ਜਗ੍ਹਾ ਤੇ ਹੈ ਲਗਦਾ,
ਬਾਕੀ ਜੇ੍ਹਬਾਂ ਵਿਚ ਹੈ ਜਾਂਦਾ ਪੈਸਾ।
ਕੱਲ ਪੜੋਸੀ ਆਗਿਆ ਮੇਰੇ,
ਇਕ ਜਾਨਕਾਰ ਨੂੰ ਲੈਕੇ ਨਾਲ,
ਇਕ ਸੌ ਇਕ ਦੀ ਰਸੀਦ ਕੱਟ ਦਿੱਤੀ,
ਬਿਨਾ ਕਿਤਿਆਂ ਸੱਵਾਲ।
ਪੈਸੇ ਮਨੂੰ ਦੇਣੇ ਪੈ ਗਏ ਲਿਹਾਜੋ ਲਿਹਾਜੀ ,
ਇਕ ਸੌ ਇਕ ਦਾ ਚੂਨਾ ਲਾਕੇ ਉਹ ਗਿਆ ਭਾਜੀ।
ਇਕ ਦਿਨ ਕੁਝ ਬੰਦੇ ਆ ਗਏ ਕਹਿੰਦੇ,
ਦਿਉ ਚੰਦਾ ਗਧਿਆਂ ਵਾਸਤੇ ਉਨ੍ਹਾਂ ਦੀ ਜੂਨ ਹੈ ਖਰਾਬ।
ਮੈਂ ਕਿਹਾ ਮੈਂ ਕੀ ਦੱਸਾਂ ਤੁਹਾਨੂੰ ਜਨਾਬ,
ਮੇਰੀ ਤਾਂ ਪਿਛਲੀ ਮਈ ਗਈ ਹੈ ਖਰਾਬ।
ਅੱਜਕ੍ਹਲ ਜਣਾ ਖਣਾ ਚੰਦਾ ਇਕਠਾ ਕਰਦੈ ,
ਹਰ ਆਦਮੀ ਸੇਵਾ ਦਾ ਦਮ ਭਰਦੈ।
ਪਰਸੋਂ ਇਕ ਬੰਦਾ ਆਗਿਆ ਕਹਿੰਦਾ,
ਦਿਉ ਚੰਦਾ ਸੇLਰਾਂ ਨੂੰ ਬਚਾਉਣਾ।
ੳਨ੍ਹਾਂ ਵਾਸਤੇ ਫੂਡ ਹੈ ਲਿਆਉਣਾ।
ਮੈਂ ਕਿਹਾ ਭਾਈ ਸਾਹਬ ਸ਼ੇਰਾਂ ਤੋਂ,
ਅਸੀਂ ਬਚਣਾ ਹੈ ਕਿ ਸ਼ੇਰਾਂ ਨੂੰ ਹੈ ਬਚਾਉਣਾ।
ਇਕ ਦਿਨ ਸਕੂਲ ਦੇ ਮਾਸਟਰ ਆਗਏ,
ਕਹਿੰਦੇ ਕਿਤੇ ਦੇ ਨਾ ਦਿਉ ਜਵਾਬ।
ਦਿਉ ਚੰਦਾ ਸਕੂਲ ਵਿਚ ਬੱਚਿਆਂ,
ਵਾਸਤੇ ਬਣਾਉਂਣਾ ਹੈ ਤਲਾਬ।
ਚੰਦਾ ਮੰਗਣ ਵਾਲਿਆਂ ਤੋਂ ਮੈਂ ਸੀ ਪਿਆ ਅੱਕਿਆ,
ਚੰਦਾ ਦੇ ਦੇ ਦੇਕੇ ਮੈਂ ਸੀ ਥੱਕਿਆ।
ਸਕੂਲ ਵਾਸਤੇ ਚੰਦਾ ਦੇਣ ਦੀ ,
ਮੈਨੂੰ ਹੋ ਰਹੀ ਸੀ ਪਰੇਸ਼ਾਨੀ,
ਮੈ ਉਨ੍ਹਾਂ ਨੂੰ ਦੇ ਦਿੱਤਾ ਬਾਲਟੀ ਭਰਕੇ ਪਾਣੀ ।
ਇਕ ਦਿਨ ਕੁਝ ਬੰਦੇ ਆ ਗਏ,
ਪੁੱਛਣ ਲੱਗੇ ਮੇਰਾ ਹਾਲ।
ਮੈਂ ਕਿਹਾ ਕਰੋਨਾ ਕਰਕੇ,
ਸਭ ਪਾਸੇ ਪੈ ਗਿਆ ਹੈ ਕਾਲ।
ਕਹਿੰਦੇ ਦਿਉ ਚੰਦਾ ਪਿੰਡ ਵਿਚ,
ਬਣਾੳਂੁਣਾ ਹੈ ਹਸਪਤਾਲ।
ਮੈਂ ਕਿਹਾ ਪਹਿਲਾਂ ਤਾਂ ਠੀਕ ਸੀ,
ਚੰਦੇ ਦਾ ਨਾਂ ਸੁਣਕੇ ਹੋ ਗਿਆ ਬੁਰਾ ਹਾਲ।
ਮੈਂ ਅੰਦਰੋਂ ਚੈੱਕਬੁੱਕ ਲੈਣ ਗਿਆ ਤਾਂ ਸੁਣਿਆ,
ਉਹ ਕਹਿ ਰਹੇ ਸੀ ਅੱਜ ਇਸਨੂੰ ਮੂਰਖ ਹੈ ਬਣਾਉਣਾ।
ਇਸਤੋਂ ਚੰਦਾ ਲੈਕੇ ਜੇਬ੍ਹ ਵਿਚ ਹੈ ਪਾਉਣਾ।
ਚੰਦਾ ਮੰਗਣ ਵਾਲਿਆਂ ਤੋਂ ਮੈਂ ਬੈਠਾ ਸੀ ਭਰਿਆ ਪੀਤਾ ,
ਹਸਪਤਾਲ ਦੇ ਨਾਂ ਤੇ ਮੈਂ ਦੋ ਹਜਾਰ ਦਾ ਚੈੱਕ ਕੱਟ ਦਿੱਤਾ।
ਦੂਸਰੇ ਦਿਨ ਉਹ ਫੇਰ ਆਗਏ ਕਹਿੰਦੇ,
ਚੈਕ ਤੇ ਸਾਈਨ ਤਾਂ ਕਰ ਦਿਉ ਸ਼ੀਰੀਮਾਨ।
ਮੈਂ ਕਿਹਾ ਮਂੈ ਆਵਦਾ ਨਾਂ ਨਹੀਂ ਦੱਸਣਾ,
ਮੇਰੇ ਵੱਲੋਂ ਹੈ ਇਹ ਗੁਪਤੱ ਦਾਨ ।
ਮੇਰੀ ਤਾਂ ਸਲਾਹ ਹੈ ਕਿਸੇ ਨੂੰ ਮੂਰਖ ਨਾ ਬਣਾਉ,
ਚੰਦਾ ਇਕੱਠਾ ਕਰਕੇ ਸਹੀ ਜਗ੍ਹਾ ਤੇ ਲਗਾਉ।

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly