(ਸਮਾਜ ਵੀਕਲੀ)
ਬਚਪਨਾਂ ਨੂੰ ਸਮਝਾਈ ਚੱਲ ।
ਵਧੀਆ ਆਹਰੇ ਲਾਈ ਚੱਲ ।
ਦਿਮਾਗ ਤਾਂ ਕੋਰਾ ਕਾਗਜ਼ ਹੈ,
ਉੱਤੇ ਚੰਗਾ ਕੁੱਝ ਲਿਖਾਈ ਚੱਲ ।
ਕਾਦਰ ਦਾ ਮਾਸੂਮ ਇਹ ਤੋਹਫਾ,
ਉਸ ਲਈ ਸਨੇਹ ਦਿਖਾਈ ਚੱਲ ।
ਮਾਨਤਾ ਦੇਣੀ ਹਰ ਬਚਪਨ ਨੂੰ,
ਹਰ ਹੁੰਗਾਰੇ ਸ਼ੱਕਰ ਲਾਈ ਚੱਲ ।
ਕੁੱਝ ਨੀਂ ਮੰਗਦੇ ਕਿਸੇ ਕੋਲੋਂ ਵੀ,
ਭਰੋਸੇ ‘ਚ ਫਰਜ਼ ਨਿਭਾਈ ਚੱਲ ।
ਨਿੱਕੀ ਨਿੱਕੀ ਜਿਦ ਵਾਲੇ ਨੂੰ ਤਾਂ,
ਗੋਦੀ ਲਾ ਨਿੱਘ ਬਿਠਾਈ ਚੱਲ ।
ਓ ਵਾਲ਼ ਪਿਆਰੇ ਅਸਲੋਂ ਨੇ ਕੂਲ਼ੇ,
ਪੋਟੇ ਹੇਠਾਂ ਉੱਤੇ ਨੂੰ ਘਸਾਈ ਚੱਲ ।
ਮਿੱਟੀ ਉੱਪਰੇ ਆਜ਼ਾਦ ਬਿਠਾ ਲੈ,
ਕਹਿਦੇ,ਜੋ ਵਾਹੁਣਾ ਸੋ ਵਾਹੀ ਚੱਲ ।
ਮਾਂ ਦੀ ਮਮਤਾ ਤੇ ਨਿੱਘ ਪਿਓ ਦਾ,
ਭਾਵੇਂ ਫੁੱਲ-ਸੁਗੰਧੀ ਬਣਾਈ ਚੱਲ ।
ਮੱੱਥਾ ਚੱਟ,ਮੂੰਹ ਗੱਲ੍ਹਾਂ ਨਿੱਤ ਚੁੰਮਕੇ,
ਖਿਡੌਣੇ ਰੰਗਲੇ ਫੜਾ ਖਿਡਾਈ ਚੱਲ ।
ਊਚ ਨੀਚ ਉਹਦੀ ਬਣੇ ਨਾ ਸੰਗੀ,
ਅਸਲੋਂ ਐ ਵੀ ਪਾਠ ਪੜ੍ਹਾਈ ਚੱਲ ।
ਬਚਪਨ ਨੂੰ ਵੱਧ ਸਮਾਂ ਦੇਈ ਜਾਣਾ,
ਇਹੋ ਪਵਿੱਤਰ ਰੀਤ ਪੁਗਾਈ ਚੱਲ ।
ਸੁਖਦੇਵ ਸਿੰਘ ਸਿੱਧੂ
