(ਸਮਾਜ ਵੀਕਲੀ)
ਸਾਨੂੰ ਤੇਰੀਆਂ ਉਡੀਕਾਂ।
ਲੰਘੀ ਜਾਣ ਵੇ ਤਰੀਕਾਂ।
ਮਾਰਾਂ ਕੱਧਾਂ ਉੱਤੇ ਲੀਕਾਂ।
ਨਾਲੇ ਬਨੇਰੇ ਉੱਤੋਂ ਕਾਗ ਉਡਾਉਦੀ।
ਤੇਰੀ ਯਾਦ ਸੋਹਣਿਆ ਵੇ ਆਉਂਦੀ।
ਸਾਡਾ ਤੇਰੇ ਨਾਲ਼ ਮੋਹ।
ਅਸੀਂ ਤੇਰੇ ਗਏ ਹੋ।
ਪੈਂਦੇ ਦਿਲ਼ ਵਿੱਚ ਡੋਅ।
ਕਿਤੇ ਲੱਗਦਾ ਨੀ ਚਿੱਤ ਵੇ ਨਿਮਾਣਾ।
ਸਾਡੇ ਦਿਲ਼ ਦਿਆਂ ਬੁੱਝ ਅਣਜਾਣਾ।
ਆਈ ਸਾਉਣ ਦੀ ਬਹਾਰ।
ਸਾਰੇ ਪਾਸੇ ਗੁਲਜਾਰ।
ਤਪਦੇ ਸੀਨੇ ਰਹੀ ਠਾਰ।
ਮੈ ਕੱਲ੍ਹੀ ਬੈਠੀ ਹਾਣੀਆਂ ਉਦਾਸੀ।
ਸਾਡੀਆਂ ਬੁੱਲ੍ਹੀਆਂ ਚੋਂ ਉੱਡ ਗਈ ਹਾਸੀ।
ਪੰਛੀ ਕਰਨ ਵੇ ਕਲੋਲਾਂ।
ਕੀ ਬਾਹਲਾ ਕੁਝ ਬੋਲਾਂ।
ਦਿਲ਼ ਹੋਈ ਜਾਂਦਾ ਹੌਲ਼ਾ।
ਲੱਗੀ ਚਿੱਤ ਨੂੰ ਚਿਤਵਨੀ ਬਾਹਲੀ।
ਵੇ ਮੈਂ ਤੇਰਿਆਂ ਗ਼ਮਾ ਨੇ ਵੱਢ ਖਾਲੀ।
*ਗੁਰੇ ਮਹਿਲ* ਵੇ ਸ਼ੋਕੀਨਾ।
ਸਾਡਾ ਤਪ ਰਿਹਾ ਸੀਨਾ।
ਘੁੱਟ ਸਬਰ ਦਾ ਪੀਣਾ
ਕੋਈ ਹੁੰਦਾ ਨਹੀਂ ਸੱਜਣਾ ਸੁਖਾਲਾ।
ਕੇਹੜੀ?ਗੱਲੋ ਲਾਇਆ ਬੁੱਲ੍ਹੀਆਂ ਨੂੰ ਤਾਲ਼ਾ।
ਲੇਖਕ,,,ਗੁਰਾ ਮਹਿਲ ਭਾਈ ਰੂਪਾ।
ਮੋਬਾਇਲ,,,9463260058
