” ਅਸਲੀ ਚਿਹਰਾ “

ਸਮਾਜ ਵੀਕਲੀ

ਇੱਕ ਚਿਹਰੇ ਤੇ ਲੱਖਾਂ ਪਰਦੇ,
ਹਰ ਥਾਂ ਏਹੀਓ ਹਾਲ,
ਅਸਲੀ ਸੂਰਤ ਨਜ਼ਰ ਨਾ ਆਵੇ,
ਪਰਦੇ ਕਰਨ ਕਮਾਲ l

ਤੇਰੇ ਸਾਹਵੇਂ ਤੇਰੇ ਬਣਦੇ,
ਮੇਰੇ ਸਾਹਵੇਂ ਮੇਰੇ,
ਨਾ ਇਹ ਤੇਰੇ ਨਾ ਹੀ ਮੇਰੇ ,
ਕਿਹੜੀ ਦੇਵਾਂ ਮਿਸਾਲ?

ਚਿਹਰਾ ਇੱਕ ਮੈਂ ਵੇਖਿਆ ਹੱਸਦਾ,
ਹੱਸ ਹੱਸ ਹੋਇਆ ਦੂਹਰਾ,
ਤਿੜਕ ਮੁਖੌਟਾ ਡਿੱਗ ਪਿਆ ਥੱਲੇ,
ਅੰਦਰੋਂ ਸੀ ਕੰਕਾਲ l

ਪਰਤਾਂ ਕਈ ਉਧੇੜਣ ਤੇ ਵੀ,
ਲੱਭ ਨਾ ਸਕੀ ਮੈਂ ਓਹਨੂੰ,
ਅਸਲੀ ਚਿਹਰਾ ਕਿੱਥੇ ਲੁੱਕਿਆ,
ਕਰਦੀ ਫ਼ਿਰਾਂ ਸਵਾਲ l

ਸੱਚ ਕਿਸੇ ਨਾਲ ਕੀ ਮੈਂ ਬੋਲਾਂ,
ਖ਼ੁਦ ਨਾਲ ਕਰਾਂ ਫ਼ਰੇਬ,
‘ਕਲੇਰ’ ਦੀ ਜਦ ਕੋਈ ਚੋਰੀ ਫ਼ੜ ਲਵੇ,
ਵਾਧੂ ਕਰਾਂ ਬਵਾਲ l

ਪਰਜਿੰਦਰ ਕਲੇਰ

ਪਿੰਡ ਕਲੇਰ ਜ਼ਿਲ੍ਹਾ ਤਰਨ ਤਾਰਨ

‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly