ਵਾਸ਼ਿੰਗਟਨ (ਸਮਾਜ ਵੀਕਲੀ): ਅਮਰੀਕਾ ਦੇ ਉਪ ਰਾਸ਼ਟਰਪਤੀ ਮਾਈਕ ਪੈਂਸ ਦੇ ਹਵਾਈ ਜਹਾਜ਼ ਨਾਲ ਪੰਛੀ ਟਕਰਾਅ ਗਿਆ, ਜਿਸ ਮਗਰੋਂ ਪਾਇਲਟ ਨੇ ਇਹਤਿਆਤ ਵਜੋਂ ਜਹਾਜ਼ ਨੂੰ ਵਾਪਸ ਲਿਜਾ ਕੇ ਨਿਊ ਹੈਂਪਸ਼ਾਇਰ ਦੇ ਹਵਾਈ ਅੱਡੇ ’ਤੇ ਉਤਾਰਿਆ। ਇਹ ਘਟਨਾ ਮੰਗਲਵਾਰ ਦੀ ਹੈ।
ਵ੍ਹਾਈਟ ਹਾਊਸ ਦੇ ਬਿਆਨ ਮੁਤਾਬਕ ਪੈਂਸ ਨਿਊ ਹੈਂਪਸ਼ਾਇਰ ਵਿੱਚ ਗਿਲਫੋਰਡ ਨੇੜੇ ਇੱਕ ਪ੍ਰਚਾਰ ਮੁਹਿੰਮ ਤੋਂ ਵਾਸ਼ਿੰਗਟਨ ਵਾਪਸ ਪਰਤ ਰਹੇ ਸਨ। ਪ੍ਰਸ਼ਾਸਨ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਨਾਮ ਨਾ ਦੱਸਣ ਦੀ ਸ਼ਰਤ ’ਤੇ ਦੱਸਿਆ ਕਿ ‘ਏਅਰ ਫੋਰਸ ਟੂ’ ਜਹਾਜ਼ ਦੇ ਮੈਨਚੈਸਟਰ-ਬੋਸਟਨ ਖੇਤਰੀ ਹਵਾਈ ਅੱਡੇ ਤੋਂ ਉਡਾਣ ਭਰਨ ਮਗਰੋਂ ਹੀ ਉਸ ਨਾਲ ਇੱਕ ਪੰਛੀ ਟਕਰਾਅ ਗਿਆ। ਉਨ੍ਹਾਂ ਦੱਸਿਆ ਕਿ ਉਪ ਰਾਸ਼ਟਰਪਤੀ ਅਤੇ ਉਸ ਦਾ ਅਮਲਾ ਪੂਰੀ ਤਰ੍ਹਾਂ ਠੀਕ ਹੈ।
