ਹੁਸ਼ਿਆਰਪੁਰ/ਸ਼ਾਮਚੁਰਾਸੀ (ਚੁੰਬਰ) (ਸਮਾਜ ਵੀਕਲੀ) : – ਡੇਰਾ ਸੱਚਖੰਡ ਬੱਲਾਂ ਦੇ ਗੱਦੀ ਨਸ਼ੀਨ ਸ਼੍ਰੀਮਾਨ 108 ਸੰਤ ਨਿਰੰਜਣ ਦਾਸ ਜੀ ਬ੍ਰਹਮਲੀਨ ਹੋਏ ਸੰਤ ਗੁਰਪਾਲ ਦਾਸ ਜੀ ਨੂੰ ਆਪਣੀ ਭਾਵ ਭਿੰਨੀ ਸ਼ਰਧਾਂਜਲੀ ਅਰਪਿਤ ਕਰਨ ਲਈ ਡੇਰਾ ਸਾਹਿਬ ਦੁਆਰਾ ਤਾਰਾਗੜ ਵਿਖੇ ਅੱਜ ਸਵੇਰੇ ਪੁੱਜੇ।
ਇਸ ਮੌਕੇ ਉਨ•ਾਂ ਸੰਤ ਗੁਰਪਾਲ ਦਾਸ ਜੀ ਦੀਆਂ ਸੇਵਾਵਾਂ ਨੂੰ ਯਾਦ ਕਰਦਿਆਂ ਉਨ•ਾਂ ਦੀ ਸੰਤ ਸਮਾਜ ਵਿਚ ਅਹਿਮ ਦਿੱਖ ਹੋਣ ਦਾ ਪ੍ਰਮਾਣ ਦਿੱਤਾ ਅਤੇ ਦੱਸਿਆ ਕਿ ਸੰਤ ਮਹਾਪੁਰਸ਼ ਸੰਸਾਰ ਵਿਚ ਸਦਾ ਅਮਰ ਰਹਿੰਦੇ ਹਨ ਅਤੇ ਸੰਸਾਰ ਦੇ ਭਲੇ ਲਈ ਹਮੇਸ਼ਾ ਆਪਣੇ ਕੰਮ ਕਰਦੇ ਉਨ•ਾਂ ਨੂੰ ਸੱਚੇ ਨਾਲ ਜੋੜਦੇ ਹਨ।
ਇਸ ਮੌਕੇ ਸੰਤ ਇੰਦਰਦਾਸ ਡੇਰਾ ਸਤਿ ਸਾਹਿਬ ਮੇਘੋਵਾਲ, ਸੰਤ ਮਹਿੰਦਰ ਦਾਸ, ਸੰਤ ਅਮਰੀਕ ਦਾਸ ਨਰੂੜ ਵਾਲਿਆਂ ਨੇ ਡੇਰਾ ਬੱਲਾਂ ਦੇ ਮਹਾਪੁਰਸ਼ਾਂ ਦਾ ਧੰਨਵਾਦ ਕਰਦਿਆਂ ਉਨ•ਾਂ ਬਾਬਾ ਗੁਰਪਾਲ ਦਾਸ ਜੀ ਦਾ ਸਰੂਪ ਯਾਦ ਚਿੰਨ ਵਜੋਂ ਭੇਂਟ ਕੀਤਾ। ਹੋਰਨਾਂ ਤੋਂ ਇਲਾਵਾ ਇਸ ਮੌਕੇ ਸੰਤ ਹਰਚਰਨ ਦਾਸ ਸ਼ਾਮਚੁਰਾਸੀ, ਸੰਤ ਪਤਰਮ ਦਾਸ, ਸੰਤ ਲੇਖ ਰਾਜ ਨੂਰਪੁਰ, ਕੁਲਵੰਤ ਕਜਲਾ, ਆਰ ਕੇ ਮਹਿਮੀ ਮਨਜੀਤ ਤਾਰਾਗੜ, ਦਿਨੇਸ਼ ਸ਼ਾਮਚੁਰਾਸੀ ਸਮੇਤ ਕਈ ਹੋਰ ਹਾਜ਼ਰ ਸਨ।
