(ਸਮਾਜ ਵੀਕਲੀ)
ਏਕ ਨੂਰ ਤੇ ਸਭ ਜੱਗ ਉਪਜਿਆ ਬਾਣੀ ਫੁਰਮਾਇਆ ਏ
ਜਾਤ ਪਾਤ ਦਾ ਭਰਮ ਭੁਲੇਖਾ, ਮਨੁੱਖ ਨੇ ਪਾਇਆ ਏ
ਇੱਕੋ ਸਿਰਜਣਹਾਰਾ ਸਭ ਦਾ ਕਾਹਦਾ ਰੌਲਾ ਏ
ਇਕੋ ਹਸਤੀ ਰਾਮ,ਵਾਹਿਗੁਰੂ ਤੇ ਅੱਲਾ ਮੌਲਾ ਏ
ਧਰਤੀ ਤੋਂ ਲੈ ਅਕਾਸ਼ ਤੀਕ ਸਭ ਇੱਕ ਨੇ ਬਣਾਇਆ ਏ
ਜਾਤ ਪਾਤ ਦਾ ਭਰਮ ਭੁਲੇਖਾ, ਮਨੁੱਖ ਨੇ ਪਾਇਆ ਏ
ਜਾਤਾਂ ਪਾਤਾਂ ਦੇ ਨਾਂ ਤੇ ਦੁਨੀਆਂ ਵੰਡੀ ਹੋਈ ਏ
ਸਾਡੀ ਭੁੱਲ ‘ਗੀ ਰੂਹ ਖਸਮ ਨੂੰ ਤਾਹੀ ਰੰਡੀ ਹੋਈ ਏ
ਊਚ ਨੀਚ ਦਾ ਸਾਰੀ ਉਮਰ ਸੰਤਾਪ ਹੰਢਾਇਆ ਏ
ਜਾਤ ਪਾਤ ਦਾ ਭਰਮ ਭੁਲੇਖਾ, ਮਨੁੱਖ ਨੇ ਪਾਇਆ ਏ
ਧਰਮ ਮਜਬ ਦੇ ਜਾਲ ‘ਚ ਬੰਦਾ ਫਸਦਾ ਜਾਂਦਾ ਏ
ਸਬਰ,ਸਿਦਕ ਤੇ ਪ੍ਰੇਮ ਦੀ ਲੀਹੋਂ ਲੱਥਦਾ ਜਾਂਦਾ ਏ
ਰਾਜ ਦਵਿੰਦਰ ” ਗੁਰੂਆਂ ਦਾ ਉਪਦੇਸ਼ ਭੁਲਾਇਆ ਏ
ਜਾਤ ਪਾਤ ਦਾ ਭਰਮ ਭੁਲੇਖਾ, ਮਨੁੱਖ ਨੇ ਪਾਇਆ ਏ
ਰਾਜ ਦਵਿੰਦਰ
81461-27393
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
