ਖਾਸ ਰਿਸ਼ਤੇ……..

(ਸਮਾਜ ਵੀਕਲੀ)

ਮੁਹੱਬਤ ਆਪਣੇ ਆਪ ਉੱਗ ਪੈਂਦੀ ਹੈ ਓਥੇ ,
ਜਿੱਥੇ ਅਹਿਸਾਸਾਂ ਦੀ ਥੋੜ੍ਹੀ ਜਿਹੀ ਸਿੱਲ੍ਹ ਹੋਵੇ।

ਕਦੇ ਲੜ ਪਈਏ ਕਦੇ ਰੁੱ ਸ ਵੀ ਜਾਈਏ ਜੇ,
ਦੋਨੋਂ ਪਾਸੇ ਫ਼ਿ ਰ ਨੈਣਾਂ ਵਿੱਚ ਗਿੱਲ ਹੋਵੇ।

“ਰਵਿੰਦਰਾ” ਹੋਣ ਨਾ ਘੂਰਾਂ ਨਾ ਲੋਕ ਦਿਖਾਵੇ,
ਗੱਲ ਕਰਨ ਦੀ ਜਿੱਥੇ ਹਰ ਪਲ ਢਿੱਲ ਹੋਵੇ ।

ਬੇ-ਸ਼ਰਤੇ ਤਾਉਮਰ ਨਿਭਦੇ ਨੇ ਉਹ ਰਿਸ਼ਤੇ,
ਜਿੱਥੇ ਦਿਮਾਗ ਨਹੀਂ ਬਸ ਚੱਲਦਾ ਦਿਲ ਹੋਵੇ ।

ਲਾਲਪੁਰੀ ਉਹ ਕਦੇ ਭੁੱਲਦੇ ਭੱਜਦੇ ਨਹੀਂ,
ਜਿੱਥੇ ਲੱਗੀ ਜਜ਼ਬਾਤਾਂ ਦੀ ਪੱਕੀ ਕਿੱਲ ਹੋਵੇ।

“ਰਵਿੰਦਰ ਲਾਲਪੁਰੀ”

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly