🌹 ਭਾਬੀਏ 🌹

15/10/2024

(ਸਮਾਜ ਵੀਕਲੀ)

ਗਈ ਜਦੋਂ ਥੋਡੇ ਪਿੰਡ ਵੀਰ ਦੀ ਬਾਰਾਤ ਸੀ।

ਇੱਕ ਕੁੜੀ ਨਾਲ਼ ਮੇਰੀ ਹੋਈ ਮੁਲਾਕਾਤ ਸੀ।

ਦਿਲ ਸੀਨੇ ਵਿੱਚੋਂ ਮੇਰਾ ਹੈ ਚੁਰਾਇਆ ਭਾਬੀਏ।

ਨੀ ਮੈਨੂੰ ਦੱਸਦੇ!

ਕਿੱਥੋਂ ਚੰਨ ਸੀ ਵਿਆਹ ਦੇ ਵਿੱਚ ਆਇਆ ਭਾਬੀਏ।

ਨੀ ਮੈਨੂੰ ਦੱਸਦੇ ……..।

ਸਾਰੀਆਂ ਹੀ ਮੇਲਣਾਂ ਚੋਂ ਜੱਚਦੀ ਸੀ ਬੜੀ ਨੀ।

ਲੱਗਦੀ ਸੀ ਅੰਬਰਾਂ ਚੌਂ ਉੱਤਰੀ ਕੋਈ ਪਰੀ ਨੀ।

ਲਹਿੰਗਾ ਸ਼ੀਸ਼ਿਆਂ ਵਾਲ਼ਾ ਸੀ ਜੀਹਨੇ ਪਾਇਆ ਭਾਬੀਏ।

ਨੀਂ ਮੈਨੂੰ ਦੱਸਦੇ!

ਕਿੱਥੋਂ ਚੰਨ ਸੀ ਵਿਆਹ ਦੇ ਵਿੱਚ ਆਇਆ ਭਾਬੀਏ।

ਬਿੱਲੇ ਬਿੱਲੇ ਨੈਣ ਜੁੱਤੀ ਤਿੱਲੇਦਾਰ ਫੱਬਦੀ।

ਜਾਪਦਾ ਸੀ ਜਿਵੇਂ ਕੋਈ ਹਾਣ ਹੋਵੇ ਲੱਭਦੀ।

ਟਿੱਕਾ ਮੱਥੇ ਉੱਤੇ ਸੋਹਣਾ ਸੀ ਸਜਾਇਆ ਭਾਬੀਏ ।

ਨੀ ਮੈਨੂੰ ਦੱਸਦੇ!

ਕਿੱਥੋਂ ਚੰਨ ਸੀ ਵਿਆਹ ਦੇ ਵਿੱਚ ਆਇਆ ਭਾਬੀਏ।

ਸਿਫ਼ਤ ਨ੍ਹੀ ਉਹਦੀ ਦੱਸੀ ਜਾਂਦੀ ਐ ਰਕਾਨ ਦੀ।

ਬਣਜਾ ਵਿਚੋਲਣ ਤੂੰ “ਕਾਮੀ ਵਾਲੇ ਖ਼ਾਨ” ਦੀ।

ਛੇਤੀ ਪੇਕਿਆਂ ਦੇ ਘਰ ਗੇੜਾ ਲਾਇਆ ਭਾਬੀਏ।

ਨੀਂ ਮੈਨੂੰ ਦੱਸਦੇ !

ਕਿੱਥੋਂ ਚੰਨ ਸੀ ਵਿਆਹ ਦੇ ਵਿੱਚ ਆਇਆ ਭਾਬੀਏ।

ਸੁਕਰ ਦੀਨ ਕਾਮੀਂ ਖੁਰਦ

9592384393