🌹ਗੁਰੂ ਨਾਨਕ ਦੇਵ ਜੀ ਨੂੰ ਯਾਦ ਕਰਦਿਆਂ🌹

(ਸਮਾਜ ਵੀਕਲੀ)

ਦਿਲ਼ ਵਿੱਚ ਯਾਦ ਕ ਰਾਂ ਮੈਂ ਨਾਨਕ ਬਾਬੇ ਨੂੰ
ਹਾਂ ਦਿਲੋਂ ਸਤਿਕਾਰ ਕਰਾਂ ਮੈਂ ਨਾਨਕ ਬਾਬੇ ਨੂੰ

ਹੱਕ ਸੱਚ ਲਈ ਤੂੰ ਲੜਨਾ ਜਿਸ ਦੱਸਿਆ ਸੀ
ਉਹ ਸੋਚ ਸੋਚੀਏ ਜਾਂ ਸੁਣੀਏਂ ਸੋ਼ਰ ਸ਼ਰਾਬੇ ਨੂੰ

ਪਵਨ ਪਿਤਾ ਪਾਣੀ ਗੁਰੂ ਮਾਂ ਧਰਤ ਕਹਿਕੇ
ਗੁਰੂ ਮਾਂ ਨੂੰ ਜ਼ਹਿਰ ਗੰਧਲੇ਼ ਬਾਪ ਖਰਾਬੇ ਨੂੰ

ਜਾਤ ਕੋਈ ਨਾ ਮਾਨਿਸ ਜਾਤ ਇੱਕ ਆਖੀ
ਅੱਜ ਤੇਰੀ ਬਾਣੀ ਵੰਡ ਕੇ ਮਾਰਨ ਦਾਬੇ ਨੂੰ

ਕਿਰਤ ਤੇ ਵੰਡ ਛਕਣ ਦੀ ਰੀਤ ਤੂੰ ਵਾਹੀ ਸੀ
ਅੱਜ ਵਧੀ ਦਿਹਾੜੀ ਉੱਤੇ ਕੀ ਸੋ਼ਰ ਸ਼ਰਾਬੇ ਨੂੰ

ਮੁਕੱਦਮ ਕੁੱਤੇ ਜਿਸਨੂੰ ਕਦੇ ਤੂੰ ਆਖ ਗਿਆ
ਬਹਿ ਕੁਰਸੀ ਤੇ ਕਾਇਮ ਕਰਦੇ ਨੇ ਦਾਬੇ ਨੂੰ

ਕੌਡੇ ਰਾਕਸ਼ ਤੇ ਠੱਗ਼ ਸੱਜਣ ਕਈ ਲੱਖਾਂ ਨੇ
ਓ ਕਿਰਤ ਨੋਚਦੇ ਸਾਡੀ ਯਾਦ ਕਰ ਬਾਬੇ ਨੂੰ

ਜਿਸ ਕੁੱਖ ਤੋਂ ਤੂੰ ਰਾਜਨ ਕਦੇ ਜਮਾਏ ਸੀ
ਪੋਟਾ ਪੋਟਾ ਵੱਢ ਦਿੰਦੇ ਨੇ ਓਸ ਗੁਲਾਬੇ ਨੂੰ

ਪੰਗਤ ਇੱਕ ਲੰਗਰ ਕਹਿ ਸਤਿਕਾਰਿਆ ਸੀ
ਬਾਂਹ ਫੜ੍ਹ ਕੇ ਦੁਤਕਾਰਿਆ ਏ ਮਹਿਜਾਬੇ ਨੂੰ

ਤੇਰੇ ਨਾਉਂ ਦੇ ਘਰ ਵੀ ਹੁਣ ਕਈ ਕਰੋੜਾਂ ਨੇ
ਗੋਲਕ ਰੱਖ ਕੇ ਵੇਚ ਰਹੇ ਨੇ ਸਾਂਝੇ ਬਾਬੇ ਨੂੰ

ਕਿਰਤ ਕਰਨ ਲਈ ਜਾਣਾ ਲੱਖਾਂ ਮੀਲ ਪਵੇ
ਬਾਬਾ ਨਜ਼ਰ ਲੱਗ ਗਈ ਤੇਰੇ ਫੁੱਲ ਪੰਜਾਬੇ ਨੂੰ

ਬਾਬਾ ਸੋਚ ਤੇਰੀ ਨੂੰ ‘ਜੀਤ’ ਸੀਸ ਝੁਕਾਉਂਦਾ ਏ
ਸਮਾਜ ਸਿਰਜ਼ਕੇ ਐਸਾ ਨਾ ਕੋਈ ਝੱਲੇ ਦਾਬੇ ਨੂੰ

ਸਰਬਜੀਤ ਸਿੰਘ ਨਮੋਲ਼

ਪਿੰਡ ਨਮੋਲ਼ ਜਿਲ੍ਹਾ ਸੰਗਰੂਰ
9877358044

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly