ਹੁਸ਼ਿਆਰਪੁਰ/ਸ਼ਾਮਚੁਰਾਸੀ (ਸਮਾਜ ਵੀਕਲੀ) (ਚੁੰਬਰ) – ਡੇਰਾ ਸੱਚਖੰਡ ਬੱਲਾਂ ਵਿਖੇ ਗੱਦੀ ਨਸ਼ੀਨ ਸ਼੍ਰੀਮਾਨ ਸੰਤ ਨਿਰੰਜਣ ਦਾਸ ਜੀ ਵਲੋਂ ਗਾਇਕ ਉਂਕਾਰ ਜੱਸੀ ਦਾ ਗਾਇਆ ਧਾਰਮਿਕ ਭਜਨ ‘ਮਾਲਕਾ’ ਦੇ ਪੋਸਟਰ ਨੂੰ ਆਪਣੇ ਕਰ ਕਮਲਾਂ ਨਾਲ ਰਿਲੀਜ਼ ਕੀਤਾ ਗਿਆ। ਸੰਤ ਨਿਰੰਜਣ ਦਾਸ ਜੀ ਨੇ ਇਸ ਮੌਕੇ ਗਾਇਕ ਉਂਕਾਰ ਜੱਸੀ ਨੂੰ ਆਪਣਾ ਆਸ਼ੀਰਵਾਦ ਦਿੱਤਾ ਦੇ ਕੇ ਨਿਵਾਜਿਆਂ। ਗਾਇਕ ਉਂਕਾਰ ਜੱਸੀ ਨੇ ਦੱਸਿਆ ਕਿ ਹਾਲ ਹੀ ਵਿਚ ਉਸ ਦਾ ਇਹ ਤੀਸਰਾ ਟਰੈਕ ਰਿਲੀਜ਼ ਹੋਇਆ ਹੈ।
ਜਿਸ ਨੂੰ ਹੈਪੀ ਡੱਲੀ ਅਤੇ ਹੈਕ ਰਿਕਾਰਡਸ ਨੇ ਬੰਟੀ ਸਰੋਆ ਦੇ ਸਹਿਯੋਗ ਨਾਲ ਰਿਲੀਜ਼ ਕੀਤਾ ਹੈ। ਇਸ ਰਚਨਾ ਨੂੰ ਹੈਪੀ ਡੱਲੀ ਨੇ ਕਲਮਬੱਧ ਕੀਤਾ ਹੈ ਅਤੇ ਸਾਬ ਸਿੰਘ ਨੇ ਇਸ ਨੂੰ ਸੰਗੀਤ ਪ੍ਰਦਾਨ ਕਰਵਾਇਆ ਹੈ। ਐਸ ਐਮ ਆਰ ਫਿਲਮ ਪ੍ਰੋਡਕਸ਼ਨ ਵਲੋਂ ਇਸ ਨੂੰ ਕੈਮਰੇ ਦੀਆਂ ਸੇਵਾਵਾਂ ਪ੍ਰਦਾਨ ਕੀਤੀਆਂ ਗਈਆਂ ਹਨ। ਇਸ ਰਿਲੀਜਿੰਗ ਮੌਕੇ ਡੇਰੇ ਦੇ ਹੋਰ ਵੀ ਸ਼ਰਧਾਲੂ ਹਾਜ਼ਰ ਸਨ।
