ਹੁਸ਼ਿਆਰਪੁਰ/ਸ਼ਾਮਚੁਰਾਸੀ (ਸਮਾਜ ਵੀਕਲੀ) (ਚੁੰਬਰ) – ਪਾਲ ਇੰਟਰਟੇਨਮੈਂਟ ਵਲੋਂ ਹਾਲ ਹੀ ਵਿਚ ‘ਤਖਤ ਦਿੱਲੀ ਦਾ’ਟਰੈਕ ਗਾਇਕ ਰਮੇਸ਼ ਚੌਹਾਨ ਅਤੇ ਰਾਣੀ ਅਰਮਾਨ ਦੀ ਅਵਾਜ਼ ਵਿਚ ਰਿਲੀਜ਼ ਕੀਤਾ ਗਿਆ। ਇਸ ਟਰੈਕ ਦੀ ਦਿੰਦਿਆਂ ਪ੍ਰੋਜੈਕਟਰ ਗੋਰਾ ਢੇਸੀ ਅਤੇ ਵਿਜੇ ਗੁਣਾਚੌਰ ਨੇ ਦੱਸਿਆ ਕਿ ਇਸ ਦੇ ਪ੍ਰੋਡਿਊਸਰ ਮਾ. ਸਾਧੂ ਰਾਮ ਜੱਖੂ ਅਤੇ ਪ੍ਰਵੀਨ ਬੰਗਾ ਹਨ, ਜਦਕਿ ਇਸ ਨੂੰ ਕਲਮਬੱਧ ਮਨਮੋਹਨ ਜੱਖੂ ਜਰਮਨ ਨੇ ਕੀਤਾ ਹੈ। ਇਸ ਦਾ ਸ਼ਾਨਦਾਰ ਸੰਗੀਤ ਬੀ ਆਰ ਡਿਮਾਣਾ ਵਲੋਂ ਤਿਆਰ ਕੀਤਾ ਗਿਆ ਅਤੇ ਵੀਡੀਓ ਡਾਇਰੈਕਟਰ ਮੁਨੀਸ਼ ਠੁਕਰਾਲ ਹਨ। ਕੈਮਰੇ ਦੀ ਭੂਮਿਕਾ ਪ੍ਰਸਿੱਧ ਕੈਮਰਾਮੈਨ ਸ਼ੰਕਰ ਦੇਵਾ ਨੇ ਨਿਭਾਈ ਹੈ। ਵਿਜੇ ਗੁਣਾਚੌਰ ਨੇ ਦੱਸਿਆ ਕਿ ਆਉਣ ਵਾਲੇ ਸਮੇਂ ਵਿਚ ਉਹ ਬਸਪਾ ਦੀ ਲਾਮਬੰਦੀ ਲਈ ਕਈ ਨਵੇਂ ਮਿਸ਼ਨਰੀ ਟਰੈਕ ਰਿਲੀਜ਼ ਕਰ ਰਹੇ ਹਨ।
