ਮੁੰਬਈ (ਸਮਾਜਵੀਕਲੀ) : ਅਦਾਕਾਰਾ ਪੂਜਾ ਭੱਟ ਦਾ ਕਹਿਣਾ ਹੈ ਕਿ ਊਸ ਦੇ ਪਿਤਾ ਮਹੇਸ਼ ਭੱਟ ਅਤੇ ਚਾਚਾ ਮੁਕੇਸ਼ ਭੱਟ ਦੀ ਹੋਮ ਪ੍ਰੋਡਕਸ਼ਨ ‘ਵਿਸ਼ੇਸ਼ ਫਿਲਮਜ਼’ ਨੇ ਪੂਰੇ ਬਾਲੀਵੁੱਡ ਨਾਲੋਂ ਸਭ ਤੋਂ ਵੱਧ ਨਵੇਂ ਕਲਾਕਾਰਾਂ ਨੂੰ ਲਾਂਚ ਕੀਤਾ ਹੈ।
ਅਦਾਕਾਰਾ ਦੀਆਂ ਇਹ ਟਿੱਪਣੀਆਂ ਊਸ ਵੇਲੇ ਆਈਆਂ ਹਨ ਜਦੋਂ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਖ਼ੁਦਕੁਸ਼ੀ ਮਗਰੋਂ ਬਾਲੀਵੁੱਡ ਵਿੱਚ ਭਾਈ-ਭਤੀਜਾਵਾਦ ’ਤੇ ਬਹਿਸ ਭਖੀ ਹੋਈ ਹੈ। ਇਸ ਸਭ ਦੌਰਾਨ ਊਸ ਦੇ ਪਿਤਾ ਮਹੇਸ਼ ਭੱਟ ਅਤੇ ਭੈਣ ਆਲੀਆ ਭੱਟ ਦੀ ਸੋਸ਼ਲ ਮੀਡੀਆ ’ਤੇ ਨਿੰਦਾ ਹੋ ਰਹੀ ਹੈ।
ਪੂਜਾ ਭੱਟ ਨੇ ਟਵਿੱਟਰ ’ਤੇ ਲਿਖਿਆ ਕਿ ਇਹ ਕਿੰਨਾ ਹਾਸੋਹੀਣਾ ਹੈ ਕਿ ਊਸ ਦੇ ਪਰਿਵਾਰ ਦੇ ਪ੍ਰੋਡਕਸ਼ਨ ਹਾਊਸ, ਜਿਸ ਨੇ ਮਸ਼ਹੂਰ ਅਦਾਕਾਰਾ ਕੰਗਨਾ ਰਣੌਤ ਨੂੰ 2006 ਵਿੱਚ ਅਨੁਰਾਗ ਬਾਸੂ ਦੀ ਫਿਲਮ ‘ਗੈਂਗਸਟਰ’ ਰਾਹੀਂ ਲਾਂਚ ਕੀਤਾ ਸੀ, ਨੂੰ ਹੁਣ ਇਸ ਬਹਿਸ ਵਿੱਚ ਘੜੀਸਿਆ ਜਾ ਰਿਹਾ ਹੈ।
