ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆ ਪੀੜਤ ਨੇ ਦੱਸਿਆ ਕਿ ਉਸ ਵੱਲੋਂ ਪਿੰਡ ਵਿਚ ਰੱਖੀਆਂ ਚੋਣ ਮੀਟਿੰਗ ਨੂੰ ਵਾਰ-ਵਾਰ ਰੱਦ ਕੀਤੇ ਦੀ ਵਜਾ ਪੁੱਛਣ ਲਈ ਉਸ ਦਿਨ ਹਲਕਾ ਦਾਖਾ ਤੋਂ ਕਾਂਗਰਸੀ ਉਮੀਦਵਾਰ ਸੰਦੀਪ ਸੰਧੂ ਦੇ ਦਫਤਰ ਵਿਚ ਉਹ ਗਿਆ ਸੀ ਪ੍ਰੰਤੂ ਉਥੇ ਜਾ ਕੇ ਉਸ ਨੂੰ ਪਤਾ ਲੱਗਿਆ ਕਿ ਤਰਨਦੀਪ ਸਿੰਘ ਅਗਵਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ, ਸਗੋਂ ਉਥੇ ਹੀ ਮੌਜੂਦ ਅਮਰਜੋਤ ਨੇ ਉਸ ਨੂੰ ਲਲਕਾਰਿਆ ਅਤੇ ਕਿਹਾ ਕਿ ਇਸ ਦੀ ਪੱਗ ਲਾਹ ਕੇ ਬੇਇਜਤੀ ਕਰੋ ਪਰ ਉਸ ਵੱਲੋਂ ਆਪਣੀ ਪੱਗ ਉਨਾਂ ਤੋਂ ਖੋਹ ਲਈ ਪਰ ਇਸ ਮੌਕੇ ਕੈਬਨਿਟ ਮੰਤਰੀ ਆਸ਼ੂ, ਕੁਲਦੀਪ, ਅਮਰਜੋਤ ਆਦਿ ਨੇ ਉਸ ਨੂੰ ਥੱਲੇ ਸੁੱਟ ਕੇ ਬੁਰੀ ਤਰਾਂ ਕੱਟਿਆ ਅਤੇ ਉਸ ਦੇ ਕੇਸਾਂ ਤੇ ਕਕਾਰਾਂ ਦੀ ਬੇਅਦਵੀ ਵੀ ਕੀਤੀ ਗਈ। ਇਸ ਮੌਕੇ ਮੰਤਰੀ ਆਸ਼ੂ ਨੇ ਉਸ ਨੂੰ ਧਮਕੀ ਦਿੱਤੀ ਕਿ ਤੈਨੂੰ ਝੂਠੇ ਕੇਸ ਵਿਚ ਜੇਲ ਭੇਜੂਗਾਂ, ਜਿਸ ‘ਤੇ ਮੁੱਲਾਂਪੁਰ ਪੁਲਿਸ ਨੂੰ ਘਸੀੜ ਦੀ ਹੋਈ ਚੁੱਕ ਕੇ ਥਾਣੇ ਲੈ ਗਈ ਅਤੇ ਥਾਣੇ ਲਿਜਾ ਕੇ ਵੀ ਪੁਲਿਸ ਨੇ ਉਸ ਨੂੰ ਕਾਫੀ ਕੁੱਟਿਆ, ਜਿਸ ਦੀ ਵੀਡਿਓ ਬਣਾ ਕੇ ਮੰਤਰੀ ਆਸ਼ੂ ਨੂੰ ਵੀ ਭੇਜੀ ਗਈ, ਸਗੋਂ ਉਸ ਖਿਲਾਫ ਇੱਕ ਹੋਰ ਝੂਠਾ ਪਰਚਾ ਦਰਜ ਕੀਤਾ ਗਿਆ। ਇਸ ਮੌਕੇ ਪਹਿਲਾਂ ਦਰਜ ਮੁਕੱਦਮੇ ਸਬੰਧੀ ਪੁੱਛਣ ‘ਤੇ ਉਸ ਨੇ ਦੱਸਿਆ ਕਿ ਉਸ ਖਿਲਾਫ ਮੁਕੱਦਮਾ ਕਾਂਗਰਸੀ ਹੋਣ ਕਾਰਨ ਅਕਾਲੀ ਸਰਕਾਰ ਸਮੇਂ ਦਰਜ ਕੀਤਾ ਗਿਆ, ਜਿਸ ਵਿਚੋਂ ਉਹ ਬਾਇਜਤ ਬਰੀ ਹੋਇਆ ਹੈ। ਉਸ ਨੇ ਦੱਸਿਆ ਕਿ ਕਾਂਗਰਸੀ ਮੰਤਰੀ ਅਤੇ ਉਸ ਦੇ ਗੁੰਡੇ ਉਸ ਨਾਲ ਧੱਕੇਸ਼ਾਹੀ ਕਰ ਰਹੇ ਹਨ ਪ੍ਰੰਤੂ ਅਕਾਲੀ ਦਲ ਉਸ ਦੀ ਮਦਦ ਕਰ ਰਿਹਾ ਹੈ ਅਤੇ ਉਹ ਆਉਣ ਵਾਲੇ ਸਮੇਂ ਵਿਚ ਕਾਂਗਰਸ ਪਾਰਟੀ ਛੱਡ ਦੇਵੇਗਾ। ਇਸ ਮੌਕੇ ਪੀੜਤ ਗੁਰਸਿੱਖ ਨੌਜਵਾਨ ਨੇ ਮਾਨਯੋਗ ਅਦਾਲਤ, ਪ੍ਰਸਾਸ਼ਨ ਅਤੇ ਅਕਾਲ ਤਖਤ ਸਾਹਿਬ ਤੋਂ ਇਨਸਾਫ ਦੀ ਗੁਹਾਰ ਲਗਾਉਂਦਿਆ ਕਿਹਾ ਕਿ ਉਸ ਦੇ ਕਕਾਰਾਂ ਦੀ ਬੇਅਦਵੀ ਕਰਨ ਵਾਲੇ ਮੰਤਰੀ ਅਤੇ ਉਸ ਦੇ ਗੁੰਡਿਆ ਖਿਲਾਫ਼ ਮੁਕੱਦਮਾ ਦਰਜ ਕੀਤਾ ਜਾਵੇ ਅਤੇ ਉਸ ਖਿਲਾਫ ਦਰਜ ਝੂਠੇ ਮੁਕੱਦਮੇ ਖਾਰਜ ਕਰਕੇ ਉਸ ਨੂੰ ਇਨਸਾਫ ਦਵਾਇਆ ਜਾਵੇ।
