‘ਬੁੱਲ੍ਹੇਸ਼ਾਹ’ ਸੂਫ਼ੀ ਟ੍ਰੈਕ ਨਾਲ ਭਰੇਗਾ ਗਾਇਕ ਗੁਰਬਖ਼ਸ ਸ਼ੌਂਕੀ ਹਾਜ਼ਰੀ – ਹਨੀ ਹਰਦੀਪ

ਹੁਸ਼ਿਆਰਪੁਰ /ਸ਼ਾਮ ਚੁਰਾਸੀ, (ਕੁਲਦੀਪ ਚੁੰਬਰ) (ਸਮਾਜ ਵੀਕਲੀ) – ਪੰਜਾਬੀ ਸੰਗੀਤ ਇੰਡਸਟਰੀ ਦੇ ਸਥਾਪਤ ਕਲਾਕਾਰਾਂ ਵਿੱਚ ਸ਼ਾਮਲ ਸੁਰੀਲੀ ਆਵਾਜ ਦਾ ਮਾਲਕ ਪ੍ਰਸਿੱਧ ਗਾਇਕ ਗੁਰਬਖਸ਼ ਸ਼ੌਕੀ ਆਪਣੇ ਸਦਾਬਹਾਰ ਗੀਤਾਂ ਕਰਕੇ ਅੱਜ ਦੇ ਸਮੇਂ ਵਿੱਚ ਵੀ ਸਿਖਰਲੇ ਸਥਾਨ ਤੇ ਕਾਇਮ ਹੈ l ਗਾਇਕ ਗੁਰਬਖਸ਼ ਸ਼ੌਕੀ ਦੇ ਗਾਏ ਹੋਏ ਗੀਤ ਅੱਜ ਵੀ ਸਰੋਤਿਆਂ ਦੇ ਦਿਲਾਂ ਵਿਚ ਵਸੇ ਹੋਏ ਹਨ l

ਵੀਡੀਓ ਡਾਇਰੈਕਟਰ ਹਨੀ ਹਰਦੀਪ ਨੇ ਕੁਲਦੀਪ ਚੁੰਬਰ ਨੂੰ ਗੱਲਬਾਤ ਕਰਦਿਆਂ ਦੱਸਿਆ ਕਿ ਗਾਇਕ ਗੁਰਬਖਸ਼ ਸ਼ੌਕੀ ਦੇ ਨਵੇਂ ਸਿੰਗਲ ਟਰੈਕ “ਬੁੱਲੇਸ਼ਾਹ” ਦੀ ਸ਼ੂਟਿੰਗ ਪ੍ਰੋਡਿਊਸਰ ਹਨੀ ਹਰਦੀਪ ਅਤੇ ਡਇਰੈਕਟਰ ਰਮਨ ਕੁਮਾਰ ਦੀ ਟੀਮ ਵੱਲੋਂ ਮਾਣਕਪੁਰ ਸ਼ਰੀਫ ਦੀਆਂ ਖੂਬਸੂਰਤ ਲੋਕੇਸ਼ਨਾਂ ਤੇ ਮੁਕੰਮਲ ਕੀਤੀ ਗਈ ਹੈ l ਇਸ ਗੀਤ ਦਾ ਸੰਗੀਤ ਮਿਊਜ਼ਿਕ ਡਾਇਰੈਕਟਰ ਬਿੰਨੈ ਕਮਲ ਨੇ ਤਿਆਰ ਕੀਤਾ ਹੈ l ਇਸ ਗੀਤ ਨੂੰ ਗੀਤਕਾਰ ਪ੍ਰਵੀਨ ਵੈਦ ਨੇ ਲਿਖਿਆ ਹੈ l ਗਾਇਕ ਗੁਰਬਖਸ਼ ਸ਼ੌਕੀ ਨੇ ਆਪਣੇ ਨਵੇਂ ਸਿੰਗਲ ਟਰੈਕ “ਬੁੱਲੇਸ਼ਾਹ” ਬਾਰੇ ਦੱਸਿਆ ਕਿ ਇਹ ਗੀਤ ਬਹੁਤ ਵੱਡੇ ਪੱਧਰ ਤੇ ਰੀਲੀਜ ਕੀਤਾ ਜਾਵੇਗਾ l ਮੈਨੂੰ ਆਸ ਹੈ ਕਿ ਮੇਰੇ ਰੱਬ ਵਰਗੇ ਸਰੋਤਿਆਂ ਨੂੰ ਇਹ ਗੀਤ ਬਹੁਤ ਜਿਆਦਾ ਪਸੰਦ ਆਵੇਗਾ l