ਲੰਡਨ, ਰਾਜਵੀਰ ਸਮਰਾ (ਸਮਾਜਵੀਕਲੀ): ਬਰਤਾਨੀਆ ‘ਚ ਨਵੀਂ ਨਿਯੁਕਤ ਭਾਰਤੀ ਹਾਈ ਕਮਿਸ਼ਨਰ ਗਾਇਤਰੀ ਇੱਸਰ ਕੁਮਾਰ ਮੰਗਲਵਾਰ ਨੂੰ ਇੱਥੇ ਪਹੁੰਚੀ ਅਤੇ ਉਹ ਇਸ ਹਫਤੇ ਤੋਂ ਅਹੁਦਾ ਸੰਭਾਲਣਗੇ। ਕੁਮਾਰ ਇਸ ਤੋਂ ਪਹਿਲਾਂ ਬੈਲਜੀਅਮ, ਲਗਜਮਬਰਗ ਅਤੇ ਯੂਰੋਪੀ ਸੰਘ ‘ਚ ਭਾਰਤ ਦੀ ਰਾਜਦੂਤ ਰਹਿ ਚੁੱਕੀ ਹੈ। ਉਹ ਲੰਡਨ ਸਥਿਤ ਇੰਡੀਆ ਹਾਉਸ ‘ਚ ਰੁਚੀ ਘਣਸ਼ਿਆਮ ਦੀ ਥਾਂ ਲੈਣਗੇ ਜੋ ਰਿਟਾਇਰਡ ਹੋਣ ਤੋਂ ਬਾਅਦ ਪਿਛਲੇ ਮਹੀਨੇ ਭਾਰਤ ਜਾ ਚੁੱਕੀ ਹੈ।
ਕੁਮਾਰ ਪੈਰਿਸ ‘ਚ ਭਾਰਤੀ ਦੂਤਘਰ ‘ਚ ਉਪ ਮਿਸ਼ਨ ਪ੍ਰਮੁੱਖ ਦੇ ਤੌਰ ‘ਤੇ ਸੇਵਾ ਦੇਣ ਦੇ ਨਾਲ ਹੀ ਜੇਨੇਵਾ ‘ਚ ਭਾਰਤ ਦੇ ਸਥਾਈ ਮਿਸ਼ਨ ‘ਚ ਕਾਉਂਸਲਰ ਦੀ ਭੂਮਿਕਾ ਵੀ ਨਿਭਾ ਚੁੱਕੀ ਹੈ। ਉਹ ਕਾਠਮੰਡੂ ਅਤੇ ਲਿਸਬਨ ‘ਚ ਵੀ ਸੇਵਾਵਾਂ ਦੇ ਚੁੱਕੀ ਹੈ। ਲੰਡਨ ਸਥਿਤ ਭਾਰਤੀ ਹਾਈ ਕਮਿਸ਼ਨ ਦੇ ਬਿਆਨ ‘ਚ ਕਿਹਾ ਗਿਆ, “ਗਾਇਤਰੀ ਇੱਸਰ ਕੁਮਾਰ ਭਾਰਤੀ ਵਿਦੇਸ਼ ਸੇਵਾ ਦੀ 1986 ਬੈਚ ਦੀ ਅਧਿਕਾਰੀ ਹਨ ਅਤੇ ਵਿਦੇਸ਼ ਮੰਤਰਾਲਾ, ਨਵੀਂ ਦਿੱਲੀ ‘ਚ ਭਾਰਤ ਸਰਕਾਰ ‘ਚ ਵੱਖ-ਵੱਖ ਅਹੁਦਿਆਂ ‘ਤੇ ਸੇਵਾਵਾਂ ਦੇਣ ਦੇ ਨਾਲ ਹੀ ਵਿਦੇਸ਼ ਸਥਿਤ ਉਸ ਦੇ ਮਿਸ਼ਨ ‘ਚ ਦੁਵੱਲੇ ਅਤੇ ਅੰਤਰਰਾਸ਼ਟਰੀ ਮੰਚਾਂ ‘ਤੇ ਦੋਸਤਾਂ ਅਤੇ ਸਾਂਝੇਦਾਰਾਂ ਨਾਲ ਭਾਰਤੀ ਰਾਜਨੀਤੀ, ਕੰਮ-ਕਾਜ ਅਤੇ ਮਾਲੀ ਹਾਲਤ ਦੇ ਨਾਲ ਹੀ ਭਾਰਤੀ ਸਭਿਆਚਾਰ ਨੂੰ ਬੜਾਵਾ ਦਿੰਦੀ ਰਹੀ ਹੈ।”
