ਹੁਸ਼ਿਆਰਪੁਰ/ਸ਼ਾਮਚੁਰਾਸੀ (ਸਮਾਜ ਵੀਕਲੀ) (ਚੁੰਬਰ) – ਪ੍ਰਸਿੱਧ ਗਾਇਕ ਨਛੱਤਰ ਗਿੱਲ ਵਲੋਂ ਹਾਲ ਹੀ ਵਿਚ ਆਪਣਾ ਨਵਾਂ ਟਰੈਕ ‘ਰੂਹ ਉੁਤੇ ਵਾਰ’ ਸ਼ੋਸ਼ਲ ਮੀਡੀਏ ਅਤੇ ਯੂ ਟਿਊਬ ਚੈਨਲ ਉੁਤੇ ਫਾਇਨ ਟੱਚ ਮਿਊਜਿਕ ਦੀ ਪ੍ਰੋਡਕਸ਼ਨ ਹੇਠ ਰਿਲੀਜ਼ ਕੀਤਾ ਗਿਆ ਸ਼ੋਸ਼ਲ ਮੀਡੀਏ ਤੇ ਸਾਂਝੀ ਕੀਤੀ ਗਈ ਜਾਣਕਾਰੀ ਮੁਤਾਬਿਕ ਗਾਇਕ ਨਛੱਤਰ ਗਿੱਲ ਨੇ ਦੱਸਿਆ ਕਿ ਇਸ ਟਰੈਕ ਨੂੰ ਉਨ੍ਹਾਂ ਦੀ ਸਮੁੱਚੀ ਟੀਮ ਵਲੋਂ ਬਹੁਤ ਹੀ ਮੇਹਨਤ ਨਾਲ ਜੀਅ ਜਾਨ ਲਗਾ ਕੇ ਸਰੋਤਿਆਂ ਦੀ ਕਚਿਹਰੀ ਵਿਚ ਪੇਸ਼ ਕੀਤਾ ਗਿਆ।
ਜਿਸ ਦਾ ਮਿਊਜਕ ਵੀ ਰੈਕਸ ਮਿਊੁਜਿਕ ਨੇ ਦਿੱਤਾ ਹੈ। ਇਸ ਨੂੰ ਕਲਮਬੱਧ ਕੁਲਵੰਤ ਗਰਾਈਆ ਨੇ ਕੀਤਾ ਹੈ। ਇਸ ਦਾ ਸ਼ਾਨਦਾਰ ਵੀਡੀਓ ਰਿੰਪੀ ਪ੍ਰਿੰਸ ਵਲੋਂ ਤਿਆਰ ਕੀਤਾ ਹੈ। ਇਸ ਟਰੈਕ ਦਾ ਪ੍ਰੋਡਿਊਸਰ ਕਰਨਵੀਰ ਸਿੰਘ ਹਨ। ਨਛੱਤਰ ਗਿੱਲ ਦੀ ਦਮਦਾਰ ਗਾਇਕੀ ਦਾ ਜਾਦੂ ਸਰੋਤਿਆਂ ਦੇ ਦਿਲ ਦਿਮਾਗ ਉੁਤੇ ਸਿਰ ਚੜ੍ਹ ਬੋਲਦਾ ਹੈ। ਉਸ ਦੇ ਆਏ ਸਾਰੇ ਹੀ ਟਰੈਕਸ ਨੂੰ ਪੰਜਾਬੀਆਂ ਨੇ ਰੱਜਵਾਂ ਪਿਆਰ ਦਿੱਤਾ। ਇਸ ਟਰੈਕ ਲਈ ਵੀ ਗਾਇਕ ਗਿੱਲ ਨੇ ਸ਼ੋਸ਼ਲ ਮੀਡੀਏ ਤੇ ਇਹ ਹੀ ਆਸ ਜਤਾਈ ਕਿ ਸਰੋਤੇ ਉਸ ਦੇ ਟਰੈਕ ਨੂੰ ਪਹਿਲਾਂ ਵਾਂਗ ਪਿਆਰ ਦੇ ਕੇ ਕਾਮਯਾਬੀ ਬਖਸ਼ਣਗੇ।
