ਤੂੰ

(ਸਮਾਜ ਵੀਕਲੀ)

ਰੱਬ ਦੀ ਸਭ ਤੋਂ ਸੋਹਣੀ ਰਹਿਮਤ,
ਹਰ ਸਾਹ ਦਾ ਸ਼ੁਕਰਾਨਾ ਤੂੰ।
ਤੈਨੂੰ ਪਾਇਆ ਜੰਨਤ ਲੱਗਦੀ,
ਸੋਹਣੀ ਫ਼ਿਜ਼ਾ ਅਫ਼ਸਾਨਾ ਤੂੰ।
ਕੁਦਰਤ ਦਾ ਕੋਈ ਚਸ਼ਮਾ ਲੱਗਦਾ,
ਕਵਿਤਾ ਨਜ਼ਮ ਤਰਾਨਾ ਤੂੰ ।
ਨਵੀਂ ਪੁਰਾਣੀ ਹਰ ਸ਼ੈਅ ਲੱਗਦਾ,
ਲੱਗਦਾ ਨਵਾਂ ਜ਼ਮਾਨਾ ਤੂੰ।
ਪਿਆਰ,ਮੁਹੱਬਤ, ਇੱਜ਼ਤ,ਸ਼ੌਹਰਤ ,
ਮੇਰਾ ਸਭ ਖ਼ਜ਼ਾਨਾ ਤੂੰ ।
ਵਿੱਚ ਪਰਦੇਸੀਂ ਦੂਰੀ ਪਾ ਕੇ,
ਪਾ ਗਿਆ ਕੋਈ ਹਰਜਾਨਾ ਤੂੰ ।
ਕੰਵਲ ਦੇ ਜ਼ਰੇ ਜ਼ਰੇ ਵਿੱਚ ਵੱਸਿਆ,
ਕਰ ਛੱਡਿਆ ਦੀਵਾਨਾ ਤੂੰ।

ਕੰਵਲਜੀਤ ਕੌਰ ਕੰਵਲ
ਮਹਿਮਾਚੱਕ/ਫਤਿਹਵਾਲੀ
ਗੁਰਦਾਸਪੁਰ।

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly