ਨੌਜਵਾਨ ਕਲਾਕਾਰ ਵੱਲੋਂ ਪ੍ਰੇਰਣਾਦਾਇਕ ਸੋਲੋ ਨਾਟਕ “ਬਿਮਾਰੀ ਹੋਰ ਹੈ” ਦੀ ਪੇਸ਼ਕਾਰੀ

ਬਰਨਾਲਾ   (ਸਮਾਜ ਵੀਕਲੀ)   (ਚੰਡਿਹੋਕ) ਨੌਜਵਾਨ ਕਲਾਕਾਰ ਟੀ ਐਨ ਸ਼ਰਮਾ ਲਕੀ ਹੰਡਿਆਇਆ ਵੱਲੋਂ ਬਿਮਾਰੀ ਹੋਰ ਹੈ ਨਾਮਕ ਨਾਟਕ ਦੀ ਪੇਸ਼ਕਾਰੀ ਗਰ੍ਲ੍ਸ ਸਕੂਲ ਨਾਭਾ ਵਿੱਚ ਕੀਤੀ ਗਈ। ਇਸ ਮੌਕੇ ‘ਤੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਵੱਡੀ ਗਿਣਤੀ ਵਿੱਚ ਹਾਜ਼ਰੀ ਭਰੀ। ਨਾਟਕ ਦਾ ਮੁੱਖ ਵਿਸ਼ਾ ਵਿਦਿਆਰਥੀਆਂ ਨੂੰ ਜ਼ਿੰਦਗੀ ਪ੍ਰਤੀ ਸਕਾਰਾਤਮਕ ਸੋਚ ਅਤੇ ਮੋਟੀਵੇਸ਼ਨ ਦੇਣਾ ਸੀ। ਕਲਾਕਾਰ ਨੇ ਆਪਣੇ ਇਕੱਲੇ ਅਦਾਕਾਰੀ ਰਾਹੀਂ ਸਮਾਜ ਵਿੱਚ ਫੈਲ ਰਹੀਆਂ ਨਕਾਰਾਤਮਕ ਸੋਚਾਂ ਅਤੇ ਮਨੋਵਿਗਿਆਨਕ ਦਬਾਅ ਨੂੰ ਬਹੁਤ ਹੀ ਪ੍ਰਭਾਵਸ਼ਾਲੀ ਢੰਗ ਨਾਲ ਪੇਸ਼ ਕੀਤਾ। “ਬਿਮਾਰੀ ਹੋਰ ਹੈ” ਨਾਟਕ ਵਿੱਚ ਦਰਸਾਇਆ ਗਿਆ ਕਿ ਅਸਲ ਬਿਮਾਰੀ ਸਰੀਰ ਦੀ ਨਹੀਂ, ਸਗੋਂ ਮਨ ਦੀ ਸੋਚ ਵਿੱਚ ਹੁੰਦੀ ਹੈ, ਜਿਸਨੂੰ ਸਹੀ ਦਿਸ਼ਾ ਨਾਲ ਬਦਲਿਆ ਜਾ ਸਕਦਾ ਹੈ। ਟੀ ਐਨ ਸ਼ਰਮਾ ਲਕੀ ਹੰਡਿਆਇਆ ਨੇ ਵੱਖ-ਵੱਖ ਕਿਰਦਾਰਾਂ ਨੂੰ ਬੜੀ ਕੁਸ਼ਲਤਾ ਨਾਲ ਨਿਭਾਉਂਦੇ ਹੋਏ ਦਰਸ਼ਕਾਂ ਨੂੰ ਗਹਿਰਾਈ ਨਾਲ ਪ੍ਰਭਾਵਿਤ ਕੀਤਾ। ਵਿਦਿਆਰਥੀਆਂ ਨੇ ਇਸ ਨਾਟਕ ਤੋਂ ਪ੍ਰੇਰਣਾ ਲੈਂਦਿਆਂ ਆਪਣੀ ਜ਼ਿੰਦਗੀ ਵਿੱਚ ਅੱਗੇ ਵਧਣ ਦਾ ਸੰਕਲਪ ਵੀ ਜਤਾਇਆ। ਸਕੂਲ ਪ੍ਰਬੰਧਕਾਂ ਅਤੇ ਅਧਿਆਪਕਾਂ ਵੱਲੋਂ ਕਲਾਕਾਰ ਦੀ ਮਿਹਨਤ ਅਤੇ ਸੰਦੇਸ਼ ਦੀ ਭਰਪੂਰ ਸਰਾਹਨਾ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਨਾਟਕ ਵਿਦਿਆਰਥੀਆਂ ਵਿੱਚ ਆਤਮਵਿਸ਼ਵਾਸ ਅਤੇ ਸਕਾਰਾਤਮਕ ਸੋਚ ਨੂੰ ਮਜ਼ਬੂਤ ਕਰਦੇ ਹਨ। ਅੰਤ ਵਿੱਚ, ਕਲਾਕਾਰ ਨੇ ਕਿਹਾ ਕਿ ਉਹ ਅੱਗੇ ਵੀ ਸਮਾਜਿਕ ਸੰਦਰਭ ਵਾਲੇ ਪ੍ਰੇਰਣਾਦਾਇਕ ਨਾਟਕਾਂ ਰਾਹੀਂ ਲੋਕਾਂ ਨੂੰ ਜਾਗਰੂਕ ਕਰਦੇ ਰਹਿਣਗੇ।

‘ਸਮਾਜਵੀਕਲੀ’ ਐਪਡਾਊਨਲੋਡਕਰਨਲਈਹੇਠਦਿਤਾਲਿੰਕਕਲਿੱਕਕਰੋ
https://play.google.com/store/apps/details?id=in.yourhost.samajweekly