ਤੂੰ ਵੱਡਾ ਜ਼ੇਰਾ ਰੱਖ ਨੀ ਧੀਏ

(ਸਮਾਜ ਵੀਕਲੀ)

ਤੂੰ ਵੱਡਾ ਜ਼ੇਰਾ ਰੱਖ ਨੀ ਧੀਏ
ਕਿਰਤੀ ਦਾ ਦੁੱਖ ਤਕ ਨੀ ਧੀਏ
ਸਾਰੀ ਉਮਰ ਹੀ ਘੱਟਾ ਢੋਂਦੇ
ਪੈਂਦਾ ਪੱਲੇ ਕੱਖ ਨਾ ਧੀਏ
ਜਖ਼ਮੀ ਪੈਰ ਤੇ ਹਥੀਂ ਛਾਲੇ
ਹਾਕਮ ਖੋਂਹਦਾ ਹੱਕ ਨੀ ਧੀਏ
ਹੌਲੀ ਹੌਲੀ ਤੁਰਦੇ ਜਾਣਾ
ਅੰਬਰੀਂ ਚੜ੍ਹੀ ਏ ਖੱਖ ਨੀ ਧੀਏ
ਤੇਰਾ ਪਿੰਡਾਂ ਨੋਚ ਕੇ ਖਾ ਜਾਵੇਗੀ
ਭੁੱਖੀ ਹਵਸ ਦੀ ਅੱਖ ਨੀ ਧੀਏ
ਪੈਰ ਪੈਰ ਤੇ ਸੂਲ਼ਾ ਏਥੇ
ਨਾ ਹੋਇਆ ਜਾਣਾ ਵੱਖ ਨੀ ਧੀਏ
ਕੁੱਖ ਵਿੱਚ ਤੈਨੂੰ ਮਾਰ ਮੁਕਾਉਂਦੇ
ਕੀ ਕਰਨਗੇ ਤੇਰਾ ਪੱਖ ਨੀ ਧੀਏ
ਵੱਲ ਜੀਣ ਦਾ ਸਿੱਖ ਲਈਂ ਆਪੇ
ਜੇ ਉੱਚੀ ਰੱਖਣੀ ਨੱਕ ਨੀ ਧੀਏ
ਜੇ ਉੱਚੀ ਰੱਖਣੀ ਨੱਕ ਨੀ ਧੀਏ
ਤੂੰ ਵੱਡਾ ਜ਼ੇਰਾ ਰੱਖ……..

ਜਤਿੰਦਰ ਭੁੱਚੋ
9501475400

‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly