ਵਕਤ ਦੇ ਬੋਲ

(ਸਮਾਜ ਵੀਕਲੀ)

ਤਾਨਾਸਾ਼ਹੀ ਜਿਹਾ ਰਾਜ ਚੱਲ ਰਿਹਾ,
ਵੇਖੋ, ਲੋਕਤੰਤਰ  ਦੇ ਪਰਦੇ  ਥੱਲੇ l

ਵੇਖੀ ਜਾ ਰਹੇ, ਅਸੀਂ  ਚੁੱਪ ਕਰਕੇ,
ਮਸਲਿਆਂ ਦੇ ਨਾਲ ,ਭਰੇ ਨੇ ਪੱਲੇ l

ਰਲਕੇ ਕੋਈ ਅਵਾਜ਼ ਉਠਾਈਏ,
ਕੀ ਧੁਖਦੇ ਰਹਿਣਾ ਹੈ,ਕੱਲੇ-ਕੱਲੇ?

ਨਿੱਤ  ਨਵੇਂ ,ਸਾਡੇ ‘ਤੇ ਵਾਰ  ਹੋ ਰਹੇ,
ਅਜੇ ਹੋਰ ਕਿੰਨਾ ਚਿਰ?ਸਹਿਣੇ ਹੱਲੇl

ਸੀ ਰਹੇ ਜਿਨ੍ਹਾਂ ਨੂੰ ,ਸਮਝਦੇ ਆਗੂ,
ਸਰਮਾਏਦਾਰਾਂ ਦੇ,ਬਣ ਗਏ ਦੱਲੇ l

ਉਹ ਭੁੱਲ ਜਾਂਦੇ ਨੇ,ਕਰਕੇ ਵਾਅਦੇ,
ਜਿਸਦੇ ਵੀ ਆ ਜਾਏ,ਕੁਰਸੀ ਥੱਲੇ l

ਜਨਤਾ ਨੂੰ, ਰੁਜ਼ਗਾਰ ਨਾ ਦੇਵਣ,
ਬੁਰਕੀ ਸੁੱਟ ਰਹੇ, ਉਹਨਾਂ ਵੱਲੇ l

ਜਸਵੀਰ ਮੋਰੋਂ ,ਸਮਝ  ਬਣਾਈਏ,
ਨਾ ਜਾਤ,ਧਰਮ ਪਿੱਛੇ ਬਣੀਏ ਝੱਲੇl