ਬੰਗਾ (ਸਮਾਜ ਵੀਕਲੀ) (ਚਰਨਜੀਤ ਸੱਲ੍ਹਾ):- ਧੰਨ ਧੰਨ ਗੁਗਾ ਜਾਹਰ ਪੀਰ ਜੀ ਦੀ ਪਵਿੱਤਰ ਯਾਦ ਨੂੰ ਸਮਰਪਿਤ ਸਮੂਹ ਨਗਰ ਨਿਵਾਸੀ ਅਤੇ ਐਨ ਆਰ ਆਈ ਵੀਰਾਂ ਦੇ ਸਹਿਯੋਗ ਨਾਲ ਪਿੰਡ ਭਰੋਮਜਾਰਾ ਵਿਖੇ 8 ਵਾਂ “ਸਲਾਨਾ ਛਿੰਝ ਮੇਲਾ” ਕਰਵਾਇਆ ਗਿਆ। ਛਿੰਝ ਮੇਲੇ ਦਾ ਉਦਘਾਟਨ ਜਸਦੀਪ ਸਿੰਘ ਮੰਗਾ ਬਾਬਾ, ਦਰਵਜੀਤ ਸਿੰਘ ਪੂੰਨੀ ਸਾਬਕਾ ਚੇਅਰਮੈਨ ਮਾਰਕੀਟ ਕਮੇਟੀ ਬੰਗਾ, ਅਵਤਾਰ ਲਾਲ ਇਟਲੀ ਅਤੇ ਮੇਲਾ ਮੁੱਖ ਪ੍ਰਬੰਧਕ ਰਾਮ ਲੁਭਾਇਆ ਸੁੰਡਾ ਨੇ ਕਰ ਕਮਲਾਂ ਨਾਲ ਕੀਤਾ। ਇਸ ਛਿੰਝ ਮੇਲੇ ਵਿੱਚ ਇਸ ਵਾਰ 4 ਪਟਕੇ ਦੀਆਂ ਕੁਸ਼ਤੀਆਂ ਕਰਵਾਈਆਂ ਗਈਆਂ। 4 ਨੰਬਰ ਪਟਕੇ ਦੀ ਕੁਸ਼ਤੀ ਜੰਗ ਲੱਲੀਆਂ ਅਤੇ ਫਤਿਹ ਮਾਛੀਵਾੜਾ ਵਿਚਕਾਰ ਕਰਵਾਈ ਗਈ। ਜਿਸ ਵਿਚ ਜੰਗ ਲੱਲੀਆਂ ਨੇ ਇਹ ਕੁਸ਼ਤੀ ਜਿੱਤੀ। 3 ਨੰਬਰ ਪਟਕੇ ਦੀ ਕੁਸ਼ਤੀ ਸਲਮਾਨ ਲੱਲੀਆਂ ਅਤੇ ਕ੍ਰਿਸ਼ਨ ਅਖਾੜਾ ਬਿਰੜਵਾਲ ਵਿੱਚਕਾਰ ਹੋਈ। ਇਸ ਕੁਸ਼ਤੀ ਵਿੱਚ ਸਲਮਾਨ ਲੱਲੀਆਂ ਜੇਤੂ ਰਹੇ । 2 ਨੰਬਰ ਪਟਕੇ ਦੀ ਕੁਸ਼ਤੀ ਤਾਜ ਅਖਾੜਾ ਰਉਣੀ ਅਤੇ ਚੰਦਨ ਅਖਾੜਾ ਜੱਖੇਵਾਲ ਵਿਚ ਕਰਵਾਈ ਗਈ। ਇਸ ਕੁਸ਼ਤੀ ਵਿੱਚ ਤਾਜ ਅਖਾੜਾ ਰਉਣੀ ਨੰਬਰਾਂ ਤੇ ਜੇਤੂ ਰਹੇ। ਪਹਿਲਵਾਨ ਨੂੰ 41ਹਜਾਰ ਰੁਪਏ ਨਗਦ ਇਨਾਮ ਦਿੱਤਾ ਗਿਆ। 1 ਨੰਬਰ ਪਟਕੇ ਦੀ ਕੁਸ਼ਤੀ ਗੌਰਵ ਮਾਛੀਵਾੜਾ ਅਤੇ ਧਰਮਿੰਦਰ ਕੁਹਾਲੀ ਵਿੱਚਕਾਰ ਕਰਵਾਈ ਗਈ । ਪਹਿਲਵਾਨਾਂ ਨੇ 30 ਮਿੰਟ ਪੂਰੀ ਜੋਰ ਅਜਮਾਈ ਕੀਤੀ। ਕੋਈ ਵੀ ਪਹਿਲਵਾਨ ਇੱਕ ਦੂਜੇ ਨੂੰ ਹਰਾ ਨਾ ਸਕੇ। ਪ੍ਰਬੰਧਕ ਕਮੇਟੀ ਵੱਲੋਂ ਟਾਸ ਤੇ ਧਰਮਿੰਦਰ ਕੁਹਾਲੀ ਨੂੰ ਜੇਤੂ ਐਲਾਨ ਕੀਤਾ ਗਿਆ। ਜੇਤੂ ਪਹਿਲਵਾਨ ਨੂੰ 1ਲੱਖ,15 ਹਜਾਰ ਰੁਪਏ ਨਗਦ ਇਨਾਮ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਬਾਬਾ ਯੁਵਰਾਜ ਸਿੰਘ ਝੰਡਾ ਜੀ, ਮੁੱਖ ਪ੍ਰਬੰਧਕ ਰਾਮ ਲੁਭਾਇਆ ਸੁੰਡਾ, ਦਰਵਜੀਤ ਸਿੰਘ ਪੂੰਨੀ, ਸਰਪੰਚ ਸੁਰਿੰਦਰ ਪਾਲ, ਪੰਚ ਦਲਵੀਰ ਚੰਦ,ਚਿਰੰਜੀ ਲਾਲ,ਪੰਚ ਮਨਿੰਦਰ ਸਿੰਘ ਸ਼ੈਲੀ, ਡਾ ਦੇਸ ਰਾਜ,ਪੰਚ ਸੁਨੀਤਾ, ਫਤਿਹ ਭਰੋਮਜਾਰਾ,ਦੇਸ ਰਾਜ ਕਟਾਰੀਆ, ਦਿਲਬਾਗ ਰਾਏ ਭੰਗਲ, ਸਰਵਣ ਰਾਮ, ਹਰਭਜਨ ਲਾਲ ਭੱਜੀ, ਹਰਮੇਸ਼ ਲਾਲ, ਹਰਦਿਆਲ ਬਿੱਟੂ, ਸਾਹਿਲ ਸੁੰਡਾ, ਮੁਖਤਿਆਰ ਸਿੰਘ, ਦੇਸ ਰਾਜ, ਸੋਮ ਨਾਥ ਸੁੰਡਾ, ਹਰਪ੍ਰੀਤ ਹਨੀ ਆਦਿ ਹਾਜ਼ਰ ਸਨ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
