(ਸਮਾਜ ਵੀਕਲੀ)
ਕਰੀਏ ਕਿੰਝ ਇਤਬਾਰ, ਜ਼ਮਾਨਾ ਬਦਲ ਗਿਆ
ਝੂਠਿਆਂ ਦੀ ਭਰਮਾਰ, ਜ਼ਮਾਨਾ ਬਦਲ ਗਿਆ
ਦਿਲ ਨੇ ਜਦ ਵੀ ਪਿਆਰ ਕਿਸੇ ਨੂੰ ਕੀਤਾ ਏ
ਧੋਖੇ ਮਿਲੇ ਹਜ਼ਾਰ, ਜ਼ਮਾਨਾ ਬਦਲ ਗਿਆ
ਸੌਂਹਾਂ ਖਾ ਕੀਤੇ ਵਾਅਦੇ ਵੀ, ਭੁੱਲ ਜਾਂਦੇ
ਕਿੰਝ ਕਰੀਏ ਇਕਰਾਰ, ਜ਼ਮਾਨਾ ਬਦਲ ਗਿਆ
ਧਰਮ ਦੇ ਨਾਂਅ ‘ਤੇ ਮਰਨ ਮਾਰਨ ਨੂੰ ਫਿਰਦੇ ਨੇ
ਨਾ ਕਰ ਤੂੰ ਤਕਰਾਰ, ਜ਼ਮਾਨਾ ਬਦਲ ਗਿਆ
ਨੇਤਾ ਵੀ ਹੁਣ ਬਦਲੇ ਬਦਲੇ – ਲੱਗਦੇ ਨੇ
ਬਦਲ ਗਈ ਸਰਕਾਰ, ਜ਼ਮਾਨਾ ਬਦਲ ਗਿਆ
ਸਿੱਟ ਲਈ ਗੋਡਿਆਂ ਭਾਰ ਜਵਾਨੀ ‘ਚਿੱਟੇ’ ਨੇ
ਕਿੰਝ ਹੋਊ ਪੱਬਾਂ ਭਾਰ, ਜ਼ਮਾਨਾ ਬਦਲ ਗਿਆ
ਅੱਜਕੱਲ੍ਹ ਏਥੇ ਹਰ ਇੱਕ ਰਿਸ਼ਤੇ ਨਾਤੇ ਦਾ
ਬਦਲ ਗਿਆ ਕਿਰਦਾਰ, ਜ਼ਮਾਨਾ ਬਦਲ ਗਿਆ
“ਖੁਸ਼ੀ ਮੁਹੰਮਦਾ” ਆਪਣਾ-ਉਪਣਾ ਕੋਈ ਨਹੀਂ
ਮਤਲਬ ਦੇ ਸਭ ਯਾਰ, ਜ਼ਮਾਨਾ ਬਦਲ ਗਿਆ
ਖੁਸ਼ੀ ਮੁਹੰਮਦ ‘ਚੱਠਾ’
9779025356
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
