ਤੀਸਰੀ ਉੱਤਰ ਜੋਨ ਵੋਮੈਨ ਮਾਸਟਰਜ਼ ਹਾਕੀ ਚੈਂਪੀਅਨਸ਼ਿਪ ਜਰਖੜ ਸਟੇਡੀਅਮ ਵਿਖੇ 22 ਮਾਰਚ ਤੋਂ

ਲੁਧਿਆਣਾ ਨਕੋਦਰ ਮਹਿਤਪੁਰ (ਸਮਾਜ ਵੀਕਲੀ) (ਹਰਜਿੰਦਰ ਪਾਲ ਛਾਬੜਾ)  ਪੰਜਾਬ ਮਾਸਟਰਜ਼ ਵੋਮੈਨ ਹਾਕੀ ਵੱਲੋਂ ਜਰਖੜ ਹਾਕੀ ਅਕੈਡਮੀ ਦੇ ਸਹਿਯੋਗ ਨਾਲ ਤੀਸਰੀ ਉੱਤਰ ਜੋਨ ਵੋਮੈਨ ਮਾਸਟਰਜ਼ ਹਾਕੀ ਚੈਂਪੀਅਨਸ਼ਿਪ 22 ਅਤੇ 23 ਮਾਰਚ ਨੂੰ ਮਾਤਾ ਸਾਹਿਬ ਕੌਰ ਖੇਡ ਕੰਪਲੈਕਸ ਜਰਖੜ ਦੇ ਐਸੋਟਰੋਟਰਫ ਹਾਕੀ ਮੈਦਾਨ ਉੱਪਰ ਕਰਵਾਈ ਜਾ ਰਹੀ ਹੈ । ਇਸ ਟੂਰਨਾਮੈਂਟ ਵਿੱਚ ਚੰਡੀਗੜ ,ਹਿਮਾਚਲ, ਜਲੰਧਰ , ਹੁਸ਼ਿਆਰਪੁਰ, ਸੰਗਰੂਰ, ਮੁਕਤਸਰ ਆਦਿ 6 ਟੀਮਾਂ ਹਿੱਸਾ ਲੈਣਗੀਆਂ । ਇਸ ਚੈਂਪੀਅਨਸ਼ਿਪ ਦੇ ਵਿੱਚ ਭਾਗ ਲੈਣ ਵਾਲੀਆਂ ਸਾਰੀਆਂ ਲੜਕੀਆਂ 35 ਸਾਲ ਤੋ ਉੱਪਰ ਉਮਰ ਦੀਆਂ ਹੋਣਗੀਆਂ। ਪੰਜਾਬ ਮਾਸਟਰਜ਼ ਵੋਮੈਨ ਹਾਕੀ ਸੰਸਥਾ ਦੇ ਮੁੱਖ ਪ੍ਰਬੰਧਕ ਅਰਵਿੰਦਰ ਕੌਰ ਰੋਜੀ, ਸਾਬਕਾ ਕੌਮੀ ਖਿਡਾਰਨ ਸਨੇਹ ਪੀਐਸਪੀਸੀਐਲ ,ਸ੍ਰੀਮਤੀ ਸੋਨੀਆ ਨੇ ਦੱਸਿਆ ਕਿ ਇਸ ਚੈਂਪੀਅਨਸ਼ਿਪ ਦਾ ਮੁੱਖ ਮਕਸਦ ਪੁਰਾਣੀਆ ਹਾਕੀ ਖਿਡਾਰਨਾਂ ਨੂੰ ਹਾਕੀ ਨਾਲ ਜੁੜੇ ਰਹਿਣਾ ਅਤੇ ਨਵੇਂ ਬੱਚਿਆਂ ਲਈ ਪ੍ਰੇਰਨਾ ਸਰੋਤ ਬਣੇ ਰਹਿਣਾ ਹੈ । ਟੂਰਨਾਮੈਂਟ ਦੀਆਂ ਤਿਆਰੀਆਂ ਪੂਰੇ ਜ਼ੋਰਾਂ ਤੇ ਚੱਲ ਰਹੀਆਂ ਹਨ। ਇਸ ਟੂਰਨਾਮੈਂਟ ਦੇ ਮੁੱਖ ਸਪੋਂਸਰ ਬਲਵਿੰਦਰ ਕੌਰ ਕੰਗ ਯੂਐਸਏ, ਨਿਸ਼ਾ ਥਿੰਦ ਯੂਐਸਏ,ਡਾਕਟਰ ਕੀਰਤੀ ਰੰਧਾਵਾ ਕੈਨੇਡਾ, ਹਰਸਿਮਰਨ ਜੋਤ ਕੌਰ ਕੈਨੇਡਾ ਹੋਣਗੇ। ਉਹਨਾਂ ਆਖਿਆ ਕਿ ਵੱਖ ਵੱਖ ਟੀਮਾਂ ਦੇ ਇੰਚਾਰਜ ਹੁਸ਼ਿਆਰਪੁਰ ਟੀਮ ਦੇ ਮੋਨਿਕਾ ਰਾਣਾ ਨੂੰ , ਜਲੰਧਰ ਦੇ ਕੁਲਵਿੰਦਰ ਕੌਰ ਨੂੰ, ਸੰਗਰੂਰ ਟੀਮ ਦੇ ਪਰਮਜੀਤ ਕੌਰ , ਮੁਕਤਸਰ ਸਾਹਿਬ ਦੇ ਨੀਤੀ ਨੂੰ, ਹਿਮਾਚਲ ਟੀਮ ਦੇ ਬੰਟੀ ਦੀਦੀ ਨੂੰ ਚੰਡੀਗੜ੍ਹ ਟੀਮ ਦੇ ਹਰਦੀਪ ਕੌਰ ਨੂੰ ਟੀਮ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ। ਟੂਰਨਾਂਮੈਂਟ ਦਾ ਤਕਨੀਕੀ ਡਾਇਰੈਕਟਰ ਗੁਰਸਤਿੰਦਰ ਸਿੰਘ ਪ੍ਰਗਟ ਹੋਣਗੇ। ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਵਾਲੀਆਂ ਸਾਰੀਆਂ ਟੀਮਾਂ 22 ਮਾਰਚ ਨੂੰ ਦੁਪਹਿਰ 1 ਵਜੇ ਜਰਖੜ ਸਟੇਡੀਅਮ ਵਿਖੇ ਆਪਣੀ ਰਿਪੋਰਟ ਕਰਨਗੀਆਂ। ਅਰਵਿੰਦਰ ਕੌਰ ਰੋਜੀ ਨੇ ਦੱਸਿਆ ਕਿ ਟੂਰਨਾਮੈਟ ਲੀਗ਼ ਕਮ ਨਾਕ ਆਉਟ ਦੇ ਅਧਾਰ ਤੇ ਹੋਵੇਗਾ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਵਾਲੀਆਂ 6 ਟੀਮਾਂ ਨੂੰ 2 ਪੂਲਾਂ ਵਿੱਚ ਵੰਡਿਆ ਜਾਵੇਗਾ । ਇਹ ਟੂਰਨਾਮੈਂਟ ਸਿਕਸ ਏ ਸਾਈਡ ਹੋਵੇਗਾ।ਉਹਨਾਂ ਦੱਸਿਆ ਕਿ ਟੂਰਨਾਮੈਂਟ ਪੰਜਾਬ ਹਾਕੀ ਦੇ ਵਿਧੀ ਵਿਧਾਨ ਮੁਤਾਬਿਕ ਕਰਵਾਇਆ ਜਾਵੇਗਾ । ਉਹਨਾਂ ਦੱਸਿਆ ਕਿ ਇਸ ਤੋਂ ਪਹਿਲਾਂ 2 ਟੂਰਨਾਮੈਂਟਾਂ ਦਾ ਜਲੰਧਰ ਵਿਖੇ ਸਫਲਤਾ ਪੂਰਵਕ ਆਯੋਜਨ ਹੋਇਆ ਹੈ । ਹੁਣ ਤੀਸਰਾ ਟੂਰਨਾਮੈਂਟ ਜਰਖੜ ਖੇਡ ਸਟੇਡੀਅਮ ਵਿਖੇ 22 ਅਤੇ 23 ਮਾਰਚ ਨੂੰ ਕਰਵਾਇਆ ਜਾ ਰਿਹਾ ਹੈ ਸਾਰੀਆਂ ਟੀਮਾਂ ਨੂੰ ਖਾਣ ਪੀਣ ਅਤੇ ਰਹਿਣ ਸਹਿਣ ਦੀਆਂ ਵਧੀਆ ਸਹੂਲਤਾਂ ਜਰਖੜ ਸਟੇਡੀਅਮ ਵਿਖੇ ਹੀ ਮੁੱਹਈਆ ਕੀਤੀਆਂ ਜਾਣਗੀਆਂ । ਇਸ ਉੱਤਰ ਜੋਨ ਹਾਕੀ ਚੈਂਪੀਅਨਸ਼ਿਪ ਦਾ ਉਦਘਾਟਨ 1982 ਏਸ਼ੀਅਨ ਖੇਡਾਂ ਦੇ ਜੇਤੂ ਖਿਡਾਰਨ ਸ੍ਰੀਮਤੀ ਸ਼ਰਨਜੀਤ ਕੌਰ ਅਤੇ ਡਾਕਟਰ ਸੁਖਚੈਨ ਗੋਗੀ ਕਰਨਗੇ। ਇਸ ਤੋਂ ਇਲਾਵਾ ਲੁਧਿਆਣਾ ਦੱਖਣੀ ਦੇ ਵਿਧਾਇਕ ਬੀਬੀ ਰਜਿੰਦਰ ਪਾਲ ਕੌਰ ਛੀਨਾ ਅਤੇ ਸਾਬਕਾ ਅੰਤਰਰਾਸ਼ਟਰੀ ਫੁਟਬਾਲ ਖਿਡਾਰਨ ਗੁਰਮੀਤ ਕੌਰ ਐਸਪੀ ਪੰਜਾਬ ਪੁਲਿਸ ਮੁੱਖ ਮਹਿਮਾਨ ਵਜੋਂ ਪੁੱਜਣਗੇ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj