(ਸਮਾਜ ਵੀਕਲੀ)
ਉੱਤਰ ਦਿਸ਼ਾ ਵੱਲ ਤੋਰਨਾ ਚਾਹਿਆ,
ਤੁਰ ਪਏ ਬਾਦ ਵਿੱਚ ਦੱਖਣ ਨੂੰ l
ਜ਼ਹਿਰ ਪਿਆਲਾ ਦਿੱਤਾ ਜਦ ਸਾਨੂੰ,
ਬਿਨਾਂ ਸੋਚੇ ਬਹਿ ਗਏ ਚੱਖਣ ਨੂੰ l
ਪੜ੍ਹਨ ਲਈ ਜੋ ਸੀ ਕੁੱਝ ਦਿੱਤਾ,
ਐਵੇਂ ਬਹਿ ਗਏ ਰੱਟਣ ਨੂੰ l
ਸਮਝ ਤਾਂ ਬਿਲਕੁਲ ਆਈ ਨਾ,
ਮੂਰਤਾਂ ਬਹਿ ਗਏ ਤੱਕਣ ਨੂੰ l
ਭੁੱਖ ਭਾਵੇਂ ਹੋਵੇ ਜਾਂ ਨਾ ਹੋਵੇ,
ਬਹਿ ਜਾਈਏ ਹਰ ਥਾਂ ਸਭ ਛਕਣ ਨੂੰ l
ਅੱਗੇ ਹੋ ਕੇ ਤੁਰਨਾ ਨਾ ਆਇਆ,
ਦੂਜੇ ਹੀ ਬਹਿ ਗਏ ਹੱਕਣ ਨੂੰ l
ਚਲਾਕ ਲੋਕੀਂ ਸਭ ਲੁੱਟ ਕੇ ਲੈ ਗਏ,
ਬਚਿਆ ਨਹੀਂ ਕੁੱਝ ਢੱਕਣ ਨੂੰ l
ਸੋਚੇ ਬਿਨਾਂ ਹੀ ਸਭ ਖੋਹ ਬੈਠੇ,
ਬਚਿਆ ਨਾ ਸਾਡੇ ਕੋਲ ਰੱਖਣ ਨੂੰ l
ਸੁਖ ਦਾ ਕਿਤੇ ਸਾਹ ਆ ਜਾਵੇ ਤਾਂ,
ਫਿਰ ਆ ਜਾਂਦਾ ਕੋਈ ਸੰਘੀ ਨੱਪਣ ਨੂੰ l
ਸਿਰ ਚੁੱਕਣ ਦੀ ਅਜੇ ਜਾਂਚ ਨਾ ਆਈ,
ਮੱਥੇ ਤਾਂ ਰਹਿ ਗਏ ਸਿਰਫ ਲਫ਼ਣ ਨੂੰ l
ਵੱਖਰਾ ਵੀ ਕੁੱਝ ਕਰਨਾ ਨਾ ਆਇਆ,
ਕਿਸ ਤਰਾਂ ਖੋਜਦੇ ਰਾਹ ਵਿਲੱਖਣ ਨੂੰ?
ਦੌੜਿਆਂ ਭੱਜਿਆਂ ਵੀ ਕੁੱਝ ਬਣਿਆ ਨਾ,
ਤਰਕਸ਼ੀਲਾ ਲੋਕੀਂ ਰਹਿ ਗਏ ਹਫਣ ਨੂੰ l
ਖੁਰਦਪੁਰੀਆ ਕੁੱਝ ਵੀ ਸੁਧਰਿਆ ਨਾ,
ਅਵਤਾਰ ਮਾਮਲੇ ਰਹਿ ਗਏ ਭਖਣ ਨੂੰ l
-ਅਵਤਾਰ ਤਰਕਸ਼ੀਲ ਨਿਊਜ਼ੀਲੈਂਡ
ਜੱਦੀ ਪਿੰਡ ਖੁਰਦਪੁਰ (ਜਲੰਧਰ)
006421392147
ਕੁਦਰਤ ਦੀ ਗੋਦ ਵਿੱਚ
