(ਸਮਾਜ ਵੀਕਲੀ)
ਆਏ ਦਿਨ ਮਿਲਣਗੇ ਰੁਆਉਣ ਵਾਲੇ
ਬਸ ਅੱਥਰੂ ਪੂੰਝਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਧੱਕਾ ਮਾਰਣਗੇ ਤੈਨੂੰ ਬਹੁਤ ਸਾਰੇ
ਬਸ ਬਾਂਹ ਫੜਕੇ ਉਠਾਉਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਇਲਜ਼ਾਮਾਂ ਦੀ ਝੜੀ ਹੁਣ ਰਹੂ ਲੱਗੀ
ਪਰ ਤੇਰਾ ਅਸਲ ਸੱਚ ਜਾਨਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਸਾਥ ਤੁਰਕੇ ਛੱਡਣਗੇ ਬਹੁਤ ਸਾਰੇ
ਅਖੀਰ ਤੱਕ ਸਾਥ ਨਿਭਾਉਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਉੱਡਦੀ ਅੰਬਰੀਂ ਵੇਖ ਖੰਭ ਕੁਤਰਨਗੇ ਕਈ
ਖੰਭ ਕੁਤਰਨ ਵਾਲਿਆਂ ਨੂੰ ਨੱਥ ਪਾਉਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਰਿਸ਼ਤੇ ਜੋੜਨਗੇ ਤਾਂ ਹੁਣ ਕਈ ਸਾਰੇ
ਪਰ ਰਿਸ਼ਤੇ ਦੀ ਲਾਜ ਨਿਭਾਉਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਤੂੰ ਕਰ ਲਿਆ ਵਿਸ਼ਵਾਸ ਬਹੁਤਿਆਂ ਤੇ
ਤੇਰੇ ਵਿਸ਼ਵਾਸ ਨੂੰ ਵਿਸ਼ਵਾਸ ਦਿਵਾਉਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਰੋਟੀ ਖਾਦੀ ਨੂੰ ਵੇਖ ਕੇ ਕਈ ਆਉਣਗੇ
ਪਰ ਤੈਨੂੰ ਭੁੱਖੀ ਨੂੰ ਨਿਵਾਲਾ ਖੁਆਉਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਨਵੇਂ ਨਵੇਂ ਦੋਸਤ ਤਾਂ ਬਹੁਤ ਬਣਨਗੇ
ਪਰ ਦੋਸਤੀ ਨਿਭਾਉਣ ਤੇ ਪੁਗਾਉਣ ਵਾਲਾ
ਕੋਈ ਇੱਕ ਜ਼ਰੂਰ ਹੋਣਾ ਚਾਹੀਦਾ ।
ਸਰਬਜੀਤ ਲੌਂਗੀਆਂ ਜਰਮਨੀ
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
